Ma Suhmuhslah
2 Nephi 22


Sapta 22

Ke lwen ke lusen yac tausin sie mwet nuhkwewa fah kaksakihn Leum—El fah muhta inmahsrlolos—Kapsra Isaiah 12. Sahp ke yac 559–545 Met Liki Kraist.

1 Ac ke lwen sac kowos fah fahk: O Leum, nga fah kaksakihn Kom; finne Kom tuh kasrkuhsrak sihk kasrkuhsrak Lom tui, ac Kom ahkwoyeyuc.

2 Liye, God El mwe molwelah luhk; nga fah luhlahlfongi, ac tiac sahngweng; tuh Leum Jehovah El kuh luhk ac on luhk; El oacyacpac mwet in molwelah luhk.

3 Ke ma inge, ke engan kowos fah utkof liki luhf luhn molwelah.

4 Ac ke lwen sac kowos fah fahk: Kaksakihn Leum, pahngon Inel, fahkwack orekma Lal inmahsrlon mwet uh, fahkwack lah Inel fuhlwact.

5 On nuh sin Leum; tuh El oruh ma wolacna; ma se inge etweyuck fin facluh nohfohn.

6 Wowoyak ac sasa, kowos suc muhta Zion; tuh wolacna El suc Muhtahl luhn Israel suc muhta inmahsrlowos.