12. Jerusalen sa’ xkutankil li Jesus

Golgota Wankeb’ li neke’k’oxlank re naq a’in li na’ajej b’ar wi’ ki’ux lix kamik li Jesus chiru krus (Mat. 27:33–37).

Muqleb’aal kamenaq sa’ li awimq Jun li na’ajej b’ar wi’ maare kimuqe’ li Jesus (Jwan 19:38–42). Li Kristo naq waklijenaq chi yo’yo kixk’ut rib’ chiru li xMaria aj Magdala chirix lix muqleb’aal (Jwan 20:1–17).

Kawil na’ajej Antonia Naru naq sa’ li na’ajej a’in li Jesus kijite’, kiraqe’ aatin chirix, ki’eetz’uuk ut kirapleek (Jwan 18:28–19:16). Laj Pablo kichape’ ut kixye resil lix jalajik xch’ool (Hech. 21:31–22:21).

Ha’ Betesda Li Jesus kixk’irtesi jun li winq yaj sa’ li hilob’aal kutan (Jwan 5:2–9)

Santil ochoch Laj Gabriel kixye re laj Sakarias naq li xElisabet taayo’laaq jun xyum (Luk. 1:5–25). Kiq’iche’ li tz’apleb’ t’ikr re li santil ochoch sa’ xkamik li Kolonel (Mat. 27:51).

Numleb’aal re laj Salomon Li Jesus kixch’olob’ naq a’an Ralal li Dios. Eb’ laj Judio ke’xyal xkutinkil chi pek (Jwan 10:22–39). Laj Pedro kixjultika li jalb’a-k’a’uxlej chirix xk’irtesinkil jun li winq yeeq roq (Hech. 3:11–26).

Okeb’aal Ch’ina-us Laj Pedro ut laj Jwan ke’xk’irtesi jun li winq yeeq roq (Hech. 3:1–10).

Ru’uj li santil ochoch Li Jesus ki’aaleek xb’aan laj Satanas (Mat. 4:5–7). (Jun li na’ajej b’ar wi’ maare kik’ulman a’in.)

Santil Tzuul (moko yeeb’il ta b’ar tz’aqal)

1. Seraq’inb’il naq laj Abraham kixyiib’ jun artal arin re xmayejankil laj Isaak (Gen. 22:9–14).

2. Laj Salomon kixyiib’ li santil ochoch (1 Rey. 6:1–10; 2 Kro. 3:1).

3. Eb’ laj Babilonia ke’xsach li santil ochoch 587 chihab’ na rub’elaj li Kristo (2 Rey. 25:8–9).

4. Laj Sorobabel kixyiib’ li santil ochoch xkab’ sutil 515 chihab’ tana rub’elaj li Kristo (Esd. 3:8–10; 5:2; 6:14–16).

5. Laj Herodes kixnimob’resi xch’och’il li santil ochoch ut kixkab’la chi ak’il li santil ochoch chalen chaq 17 chihab’ rub’elaj li Kristo. Li Jesus kik’ame’ aran jo’ k’uula’al (Luk. 2:22–39).

6. Naq 12 chihab’ wan re, li Jesus kik’utuk aatin sa’ li santil ochoch (Luk. 2:41–50).

7. Li Jesus kixch’ajob’resi li santil ochoch (Mat. 21:12–16; Jwan 2:13–17).

8. Li Jesus kik’utuk aatin junjunq sut sa’ li santil ochoch (Mat. 21:23–23:39; Jwan 7:14–8:59).

9. Eb’ laj Romano rub’el xwankil laj Tito ke’xsach li santil ochoch 70 chihab’ chirix li Kristo.

Awimq Getsemani Li Jesus kixnumsi rahilal, kiq’axtesiik, ut kichape’ (Mat. 26:36–46; Luk. 22:39–54).

Tzuul Olivos

1. Li Jesus kixye chi rub’elaj naq taasachmanq Jerusalen ut li santil ochoch. Ki’aatinak ajwi’ chirix li xkab’ xk’ulunik (Mat. 24:3–25:46; chi’ilmanq ajwi’ JS—M).

2. Chalen arin li Jesus kitaqe’ toj sa’ choxa (Hech. 1:9–12).

3. Sa’ 24 Octubre 1841, li Elder Orson Hyde kirosob’tesi li Santil Ch’och’ re te’sutq’iiq aran li ralal xk’ajol laj Abraham.

Yo’leb’aal Ha’ Gihon Laj Salomon kiyule’k choq’ rey (1 Rey. 1:38–39). Laj Esekias kixtaqla xb’ekb’al jun xjulil li ha’ chalen chaq li yo’leb’aal ha’ toj sa’ li tenamit (2 Kro. 32:30).

Okeb’aal re li ha’ Laj Esdras kixyaab’asi ut kixch’olob’ xyaalal lix chaq’rab’ laj Moises chiruheb’ li tenamit (Neh. 8:1–8).

Ru Taq’a Hinon Kiloq’oniman li jalanil dios Molok, sa’ li ke’xmayeja wi’ li kok’al (2 Rey. 23:10; 2 Kro. 28:3).

Rochoch laj Kaifas Li Jesus kik’ame’ chiru laj Kaifas (Mat. 26:57–68). Laj Pedro kixye naq ink’a’ naxnaw ru li Jesus (Mat. 26:69–75).

Xkab’ xk’ojaril li kab’l Li na’ajej seraq’inb’il naq li Jesus kixtzeka li Paswa ut kixtikib’ li loq’laj wa’ak (Mat. 26:20–30). Kixch’aj li roqeb’ li Apostol (Jwan 13:4–17) ut kixtzoleb’ (Jwan 13:18–17:26).

Nimla ochoch re laj Herodes Li Kristo kik’ame’ chiru laj Herodes, maare sa’ li na’ajej a’in (Luk. 23:7–11).

Jerusalen (moko yeeb’il ta b’ar tz’aqal)

1. Laj Melkisedek ki’awa’b’ejin jo’ rey sa’ Salem (Gen. 14:18).

2. Li rey aj David kireechani li tenamit sa’ ruq’eb’ chaq laj Jebusita (2 Sam. 5:7; 1 Kro. 11:4–7).

3. Kisache’ li tenamit xb’aaneb’ laj Babilonia 587 chihab’ tana rub’elaj li Kristo (2 Rey. 25:1–11).

4. Li Santil Musiq’ej kixnujob’resi naab’al sa’ xkutankil li Pentekostes (Hech. 2:1–4).

5. Laj Pedro ut laj Jwan ke’chape’ ut ke’k’ame’ chiru lix ch’utameb’ li xb’eenil (Hech. 4:1–23).

6. Laj Ananias ut li xSafira ke’tik’ti’ik chiru li Qaawa’ ut ke’kam (Hech. 5:1–10).

7. Laj Pedro ut laj Jwan ke’chape’, a’b’an jun li anjel kixkoleb’ chiru li tz’alam (Hech. 5:17–20).

8. Eb’ li Apostol ke’xsik’ ru wuqub’ chi winq re xtenq’ankileb’ (Hech. 6:1–6).

9. Kitz’eqtaanaak lix ch’olob’ahom laj Esteban chiruheb’ laj Judio, ut a’an kikamsiik chi kutb’il pek (Hech. 6:8–7:60).

10. Laj Santiago kikamsiik sa’ xk’ab’a’ xpaab’aal (Hech. 12:1–2).

11. Jun li anjel kixkol laj Pedro chiru li tz’alam (Hech. 12:5–11).

12. Eb’ li Apostol ke’xtuqub’ li ch’a’ajkilal chirix li na’leb’ re xsetb’al xtz’uumal li tz’ejwalej (Hech. 15:5–29).

13. Eb’ laj Romano rub’el xwankil laj Tito ke’xsach li tenamit 70 chihab’ chirix li Kristo.