Manatu mo Gaoioiga o le Tolauapiga

O se lisi lenei o ni manatu o gaoioiga talafeagai faaleagaga, faaleagafesootai, faaletino, ma le faaleatamai e mafaufau i ai a o e fuafuaina le tolauapiga. E mafai ona maua manatu o gaoioiga faaopoopo i le saite o Gaoioiga a le Autalavou (ChurchofJesusChrist.org/youth/activities). O manatu o loo faailogaina atu i lenei vaega o loo i ai kata o gaoioiga i luga o le saite o Gaoioiga a le Autalavou.

Gaoioiga Sauniuni

E mafai ona amata gaoioiga mo le tolauapiga ae tou te le’i tuua mo le tolauapiga ma faaauau pea seia mae’a le tolauapiga. Mafaufau e fuafuaina gaoioiga o le a faaleleia ai le sauniuniga, faateleina ai le aoaoina, ma fausia ai le tulimata’i atu mo le tolauapiga.

• Fai se gaoioiga sauniuni mo tamaitai talavou ma o latou aiga. Faasoa atu le autu ma faamatalaga o le tolauapiga.

• Fai se gaoioiga fuafuaina lea e te atiae ai se faatulagaga o taimi o tofiga. O nisi o nei tofiga e mafai ona aofia ai le kuka, faamama, faatulaga, ma le lafoai o le lapisi.

• Faia se lisi o meaai o le tolauapiga i totonu o le paketi lea e aofia ai fua o meaai paleni.

• A’oa’o auala e puipuia ai le siosiomaga, e pei o le ‘alo ese mai i le faaotaota, tausia le mama o le vai, po o le toe faafoi o eria o le natura pe a mae’a ona faaleagaina.

• Faataitai le faaaogaina o le meafaigaluega o le tolauapiga ma kuka i fafo.

• Amata le aoaoina o tomai o le ola ai i nofoaga i fafo.

• Fai se fuafuaga o le faamalositino ma auai i savaliga sopo, tietiega uila, po o isi gaoioiga lea o le a fesoasoani ia te oe e saunia ai mo le tolauapiga.

teineiti i le tolauapiga

“Ua faailoa mai i mea uma o loo i ai se Atua; ioe, e oo i le lalolagi, ma mea uma ua i ona luga, ioe, ma lona faataamilosaga, ioe, ma paneta uma foi o loo i o latou ala masani ai ua molimau mai o loo i ai se Foafoa Silisiliese” (Alema 30:44).

Tuputupua’e Faaleagaga

• Fuafua se taimi o aso taitasi mo le suesuega o tusitusiga paia, tusia o api talaaga, tatalo, manatunatuga patino. E mafai ona e taulai i tusitusiga paia lea e fesootai i le autu o le tolauapiga.

• Fuafua faigalotui aso taitasi o le tolauapiga.

• Alu i se savaliga o le natura po o le suega ‘oa.

• Saunia ma tuuina atu vasega po o faigalotu lea e faasoa ai mataupu faavae o le talalelei ma tulaga faatonuina. Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, vaega 38.8.20 mo faatonuga i lauga na valaaulia.

• Fai se sauniga molimau ma fesoasoani i tamaitai talavou ia malamalama i le natura o se molimau faamaoni (tagai Faamaoni i le Faatuatua: O Se Tusitaiala o le Talalelei 2004], 178–80; Autu o le Talalelei, “Testimony,” topics.ChurchofJesusChrist.org; ma M. Russell Ballard, “Molimau Mama Atoatoa,” Liahona, Nov. 2004, 40–43).

• Tauloto se mau, solo, viiga, “O Le Keriso Soifua: O Le Molimau a le Au Aposetolo” (Liahona, Ape. 2000, 2–3), po o le “O Le Aiga: O Se Folafolaga i le Lalolagi” (Liahona, Nov. 2010, 129).

• Saunia mo se misiona e ala i gaoioiga e pei o se suesuega faafaifeautalai po o le tala-faatino faafaifeautalai.

• Auai i le talafaasolopito o aiga e ala i le faasoaina o tala, faia o fua o kuka faaleaganuu, po o le auai i le teuteuina o se tusi o manatuaga.

• Sauni e maua sauniga o le malumalu e ala i gaoioiga e pei o se savali o le faatuatua po o le taaloga o tulaga faatonuina.

• Faia se po o musikapaia.

• Taaalo i se taaloga pe fatu se aoaoga po o se tala puupuu lea e aoao mai ai se mau po o se mataupu faavae o le talalelei.

teine o loo tusitusi i le tolauapiga

Valaaulia tamaitai talavou e toe manatunatu i o latou aafiaga o le tolauapiga. Uunaia i latou e faasoa mai mea sa latou aoaoina ma o latou aiga ma uo.

Gaoioiga Faaletino ma le Soifua Maloloina

A o e filifili mai lenei lisi pe filifili isi gaoioiga, ia manatua o gaoioiga faaletino uma e tatau ona talafeagai mo le vaitausaga ma tulaga faaletino ma faalemafaufau o tagata auai. Faaaofia tagata tomai tatau po o taiala faamaonia mo gaoioiga faapitoa, e pei o alogavaa i vaitafe po o le fe’a’ei i papa. Usitaia aiaiga faavae uma o le saogalemu mo gaoioiga ma tulafono o le inisiua mo fale ma fanua e faaaogaina.

• Fuafua taaloga po o gaoioiga o le soifua maloloina e fuafua i mea e fiafia i ai tamaitai talavou o loo auai i le tolauapiga.

• Taaalo i se taaloga faalevaega, e pei o le soka, volipolo, po o le pasiketipolo.

• Fuafua ma auai i se malaga ma ato faafafaumi po o le po atoa.

• Auai i se savaliga sopo, tietiega uila, po o le savaliga o le natura.

• O e alovaa i le vaitafe.*

• Auai i gaoioiga o vai, pei o le aau, tuumaulu,* maulu loloto,* aloga vaa, folau,* ma isi.

• O e fe’a’ei i le papa* ma le sau i lalo e faaaoga ai le maea.*

• Valaaulia se tasi e i ai le atamai e a’oa’o le saogalemu patino ma le puipuiga o le tagata lava ia.

• Fai se fuafuaga o le soifua maloloina ma faataitai ma atiae faamalositino lelei ma mausa o le taumafa.

• Suesue le Upu o le Poto ma aoao e uiga i le meaai paleni. A’oa’o e uiga i amioga po o uiga e ono taitai atu i mausa le manuia, e aofia ai tulaga faaletonu o le taumafa.

• Valaaulia se tagata atamai e aoao atu e uiga i le soifua maloloina faalemafaufau, soifua maloloina faalelagona, ma tomai e taulima ai.

• A’oa’o i tulaga lamatia o le initoneti ma ponokalafi, ma a’oa’o pe faapefea ona puipui oe lava ia ma lou aiga.

Sauniuniga mo Faalavelave Faafuasei ma Tomai e Ola Ai

• Valaaulia tagata atamamai ua aoaoina e aoao atu le fesoasoani muamua po o le tali i faalavelave faafuasei, e aofia ai mea e fai i tulaga e lamatia ai le ola, fusiina o manu’a, ma le laveaiina o tagata e aafia.

• Aoao pe faapefea ona faia ma faatumauina se pusa fesoasoani muamua.

• Aoao ma faataitai metotia mo le fausiaina ma le faatumauina o se afi saogalemu.

• Valaaulia se tasi o i ai le aoaoga faamasani po o le le poto masani e aoao atu ai e uiga i mala faalenatura, itiiti o punaoa, ma mea le lelei o loo taatele i lo outou eria.

• Aoao e faatonutonu i nofoaga e le masani ai e ala i le faaaogaina o se tapasa, ituaiga eseese o faafanua, ma tulaga o le la, masina, ma fetu.

• Aoao e uiga i mamanu o ao.

• Aoao tomai [autu] o le ola ai i fafo.

• Fausia nofoaga o faalavelave faafuasei.

• Aoao pe faapefea ona saili ma faamama le vai.

• Valaaulia se tagata tomai faapitoa e aoao oe pe faapefea ona iloa manu feai taaloa, iniseti, ma laau. Aoao pe faapefea ona iloa laau ma manu e saogalemu e ai.

• Faataitai auala faauoga faalesiosiomaga o le tolauapiga. Aoao e faatulaga se tolauapiga.

• Aoao ma faataitai ituaiga [eseese] o nonoa ma metotia o nonoa.

• Faataitai auala eseese o le kuka i fafo, e pei o se ogaumu e faaaoga ai le vevela o le la, ogaumu faaTake, po o le kuka faaletolauapiga.

• Aoao le auala e teu ai meaai ma le vai.

• Aoao tomai o le naifi ma le saogalemu.

Tomai o Faauooga ma Faaletaitai

• Atofa tamaitai talavou taitoatasi o loo i le tolauapiga se “uso faalilolilo,” o le a ia auauna atu i ai i le taimi o le tolauapiga. E mafai ona ia auauna atu e ala i le tuuina o tusi agalelei po o le mautinoa o le o loo faaaofia le “uso faalilolilo” i gaoioiga uma.

• Valaaulia se vaega o taitai o le Ekalesia e aoao atu e uiga i le fausiaina o le faatuatuaina ma le foiaina o feteenaiga.

• Fuafua se faaaliga taleni lea e mafai ai e tamaitai talavou ona tofu sao iai

• Auai i se galuega faatino o galuega agaalofa po o le faalesiosiomaga .

• Faaali lou agaga faafetai mo au taitai matutua o le tolauapiga.

• Fai se sauniga faigofie o taui e faalauiloa ai ausiaga ma sao o tagata uma i le tolauapiga.

• Fai polokalama o le tolauapiga i tafatafa o le afi i afiafi.

Atiinaeina o Taleni ma Tomai

O nei manatu e le o ni tu masani o gaoioiga o tolauapiga e fai i fafo, ae atonu e fesoasoani ia te oe e taulima ai manaoga a au tamaitai talavou.

• Aoao ma atiae taleni faalemusika, e pei o le pepese po o le taina o se mea faifaili.

• Faataitai ituaiga eseese o faatufugaga ma meataulima, e pei o le lalagaina o ato, valivali, vaneina, po o le su’ilalaga.

• Faataitai le taitaia o musika.

• Valaaulia se tagata atamai e aoao atu ia te oe mea faavae o le kamuta, faaleleiga o le fale, po o isi tomai faatausiaiga. Faaaoga tomai nei e auauna atu ai i isi.

• Aoao mea faavae o le puleaina o le paketi ma punaoa.

• Valaaulia se tina o i ai ni fanau laiti e aoao atu mea faavae o le tausiga o le tamaitiiti.

• Aoao pe faapefea ona faaola ma faasaoina au oe lava meaai. O lenei mea e mafai ona aofia ai pe faapefea ona toto ma faia se togalaau.

• Aoao mea faavae o le suisui e ala i le faia o se vaega faigofie o lavalava. E mafai ona e a’oa’o pe faapefea ona fonofono lavalava.

• Aoao pe faapefea ona iloa ma faailoa fetu eseese, o paneta, ma isi vaega o le lagi i le po.

• Saunia ma faatino se tala puupuu mo le tolauapiga.

• Faataitai le tusi ma le tuuina atu o lauga mo le sauniga faamanatuga. Faasoa atu lau lauga i isi tagata.

• Fai se malaga maimoa i fale ma fanua o le a’otauina i le lotoifale po o le aoaoga faalematata . Fai se fuafuaga e faaauau lau aoga. Aoao e uiga i Tupe Faaagaaga mo Aogaa le Ekalesia.

• Aoao pe faapefea ona toe faaaoga ma toe aoga aitema.

* O nei gaoioiga e foliga e tele tulaga lamatia ma e manaomia ai le fesoasoani a se tagata tomai faapitoa po o le tagata ’tomai faapitoa ua faamaonia.