ʻOku mahino moʻoni nai ki he Fakamoʻuí ʻa e meʻa ʻoku ou fouá?

ʻOku tokaimaʻananga ʻa e Fakamoʻuí ʻo ʻetau ngaahi tūkunga makehé. ʻI heʻetau hoko ko ha kakai fakamatelié, ʻoku fakangatangata pē ʻetau mahinó. Te tau lava ʻo lea fakataha mo Nīfai ʻoku tau “ʻilo ʻokú ne ʻofa ki heʻene fānaú; ka neongo ia, ʻoku ʻikai te [tau] ʻiloʻi hono ʻuhinga ʻo e meʻa kotoa pē” (1 Nīfai 11:17).

ʻI hoʻo fekumi ki ha ngaahi tali mo e fakahinohino ki hoʻo fononga fakatāutahá, ʻe lava ke ke falala ki he Tamai Hēvaní pea mo e mālohi mahuʻinga ‘oku maʻu ʻi he feilaulau fakalelei ʻa Hono ʻAló. ʻI hono toʻo ko ia ʻe Sīsū Kalaisi kiate Ia ʻa e ngaahi angahala ʻa e māmaní, naʻá Ne foua foki ai ʻa e mamahi mo e faingataʻa kotoa pē ʻe lava ke aʻusia ʻe ha faʻahinga taha pē (vakai, ʻAlamā 7:11–12).