E nāhea vau e turu atu i te hō’ē ta’ata e parau iāna iho ’ei ta’ata hi’o ’ē i tōna ’āpeni ?

’Ua ha’api’i Elder Ronald A. Rasband nō ni’a i te te feiā e fa’aruru nei i te mana’o hi’o ’ē i tō rātou ’āpeni, « tītauhia ’ia ha’a’ati ia rātou i te rima o tō rātou Fa’aora, ’e ’ia ’ite rātou ē, ’ua herehia rātou. Nō reira tē pi’i pinepine nei te Fatu ia tātou ; ’e tē tītau nei ’oia ia tātou ’ia riro ’ei rima fāri’i ’e te here nōna. Tītauhia ia tātou ’ia fa’aitoito i tō rātou mau hoa ’ia nā reira ato’a » (« Jesus Christ Is the Answer » [Te hō’ē pō ’e te hō’ē hui mana fa’atere rahi, 8 nō Fepuare 2019]).

Te parauparaura’a nō ni’a i te mana’o au-’ore-ra’a i tōna ’āpeni, e nehenehe ïa e riro ’ei ’ohipa fifi roa ’e te ha’amā. E’ita paha tō ’outou here iti i ’ite nāhea i te fa’a’ite atu ia ’outou i te reira. E mana’o paha ’outou ē e’ita e mara’a ia ’outou, i te tahi taime. Noa atu ē, e’ita paha e roa’a ia ’outou i te tauturu i te mau tauto’ora’a tā vetahi e fa’aruru nei, e’ita ’outou e tātarahapa i te torora’a atu i te rima here ’e te hāro’aro’a.

Mai te mea e nane ’outou, ’e e riri, ’e ’aore rā, e parau i te mau mea e tātarahapa ai ’outou, ’eiaha roa e fa’ataiā. E riro paha te reira i te mea pa’ari ato’a nō ’outou. Teie rā te hō’ē taime tano i roto i tō ’outou orara’a nō te ’āparau i tei herehia. Mai te mea ē, tē mana’o ra ’outou ē, e mea ti’a ’ia tātarahapa ’outou nō te mau ’ohipa i ravehia e ’outou, ’ia nā reira ïa e ti’a ai

Mai te mea tē ha’ape’ape’a ra ’outou ’e ’aore rā, tē ’oto ra ’outou nō teie ’ohipa, ’ia ’ite ’outou ē, e ’ere ’o ’outou noa. Tē mata’u nei paha ’outou ē, ’o te marua te ananahi tā ’outou i feruri na. E riro paha te ’otora’a i te vaivai ri’i noa. (Hi’o « Grief », Gospel Topics, topics.ChurchofJesusChrist.org.)

’Ua fa’ata’a mai te peresideni Bonnie H. Cordon : « Tē hina’aro pā’āto’a nei tātou ē ’ia ’itehia tātou. E hina’aro tātou ’ia faufa’ahia, ’ia ha’amana’ohia, ’e ’ia herehia. E nehenehe tātou e fa’aro’o ’e e here ma te fa’ahapa ’ore, ’e e hōro’a i te ti’aturi ’e te tauturu maoti te arata’ira’a a te Vārua Maita’i… Noa atu ē, e mea pūai ’e ’aore rā, e mea paruparu tā tātou mau māmoe, tē ’oa’oa ra ’e ’aore rā tē māuiui ra, e ha’apāpū tātou ē, e’ita rātou e haere ’ōtahi noa « Te rirora’a ’ei tīa’i māmoe », Liahona, Novema 2018, 74, 76).