Iosefa Samita: O Se Perofeta a le Atua

Ina ua 14 tausaga le matua o Iosefa Samita, sa manao o ia e iloa pe o lē fea ekalesia e tatau ona auai atu i ai, o lea sa ia fesili ai i le Atua i le tatalo ma le faamaoni. O se tali mai i lenei tatalo, na faaali mai ai le Atua le Tama ma Lona Alo o Iesu Keriso ia Iosefa ma ta’u mai ia te ia e lē o i ai i luga o le fogaeleele le Ekalesia moni a Iesu Keriso, ma ua La’ua filifilia Iosefa e toe faatuina.

Mai lava i lena aso, sa punouai ai Iosefa i le galuega a leAtua, ma sa galue e faatuina le Ekalesia a Iesu Keriso o le Au Paia o Aso e Gata Ai ma galueaiina le malo o le Atua i luga o le fogaeleele i aso e gata ai. O loo molimauina e tagata faatuatua o le Ekalesia o Iesu Keriso o le Faaola ma le Togiola o le lalolagi. O loo taitaiina e Iesu Lana Ekalesia i ona po nei e ala mai i faaaliga i se perofeta o loo i le fogaeleele. O Iosefa Samita o se perofeta lea. E ui lava ina sa faataunuuina e Iosefa mea e tele i lona soifuaga, ae o le mea aupito taua o lana tautinoga lea e avea o se soo ma se molimau a Iesu Keriso. Na ia tusia, “Ina ua uma ona faia molimau e tele e uiga ia te ia, o le molimau tupito mulimuli lenei i mau uma lava, mā te faia ia te ia: O loo soifua o ia!” (Mataupu Faavae ma Feagaiga 76:22).

O i latou e mauaina le molimau a le Perofeta e ala i le mana o le Agaga Paia, o le a iloaina le moni o le galuega na valaauina o ia e fai. E mafai foi ona latou iloa le manuia ma le fiafia e maua e ala mai i le Faaola o Iesu Keriso, o ia lē o loo tapuai ma auauna i ai Iosefa Samita.