Mpo na Bakambi—Kokamba mpe Kosunga Bateyi

Lokola mokambi, ozali na mokumba ya “kokutana na bateyi ya sika oyo babengami” na lingomba na yo mpe “kosalisa bango bamilengela mpo na mabiangi na bango” (Buku Monene, 17.3, Gospel Library). Mayangani oyo ezali libaku ya koyingisa bateyi ya sika na mabiangi na bango ya bule mpe kofula bango na limoni ya oyo elakisi koteya na lolenge ya Mobikisi. Lokola mokambi, okoki kosalisa bateyi ya sika bamilengela mpo na kosalisa na kosalaka oyo elandi:

• Kolakisa elikya ete Mobikisi akosalisa bango na mabiangi na bango (tala Malongi mpe Mayokani 88:78).

• Kopesa na bateyi ya sika mokanda oyo, mpe kolendisa bango baluka ndenge ya kosalela mabongi na mateya na bango.

• Kokabola elongo na bateyi ya sika eloko kani etali lingomba na bino oyo ekozala malamu mpo na bango bayeba.

• Lokola esengeli, koyebisa bateyi ya sika kelasi nini basengeli koteya na kati mpe liteya nini basengeli kobanda na yango. Koesa nsango oyo basengelami koyeba na oyo etali kelasi na bango mpe bato ya bakelasi yango.

• Kolimbola na bateyi ya sika ete okoki kosalisa bango na libiangi na bango. Kopesa lisungi na kelasi mpe lakisa mikanda oyo ekoki kosunga bango soki basengeli.

• Kosenga kolandela bakelasi ya bateyi ntango mosusu, mpe kopesa biyano lokola Molimo etindiki yo oloba.

• Kobengisa bateyi bazala na mayangani ya masanga ya bateyi oyo esalemaka nsima ya basanza misato na mobu.

Kino na nzela ya mosala ya bateyi, koba kokutana na bango mbala na mbala mpo na kopesa lisungi na kokoba. Ndakisa, lokola mokambi, okoki kozala na mwa lisolo moke elongo na moteyi yambo to nsima ya lisolo ya kelasi mpo na kosolola na ntina ya mibeko ya Koteya na Lolenge ya Mobikisi. Kotuna moteyi oyo etali lolenge nini bamoni ete bazali kosala malamu mpe banzela oyo bakolinga kobongisa. Kolendisa bango na boboto mpe na botondi mpo na mosala oyo bazali kosala.

Osengeli komibongisa mpo na masolo yango na kotalaka moteyi azali koteya KolLuka kososola malamu mpenza biteni ya bokasi ya moteyi mpe kotala ndenge nini okoki kosunga ye. Kotonga likolo ya makasi ya moteyi ezali mpe motuya lokola koyeba mabaku ya kobongisa.