« តែងតែត្រៀមខ្លួនរួចជាស្រេចជានិច្ច ដើម្បីឆ្លើយតបទៅនឹងការបំផុសគំនិតខាងវិញ្ញាណអំពីសេចក្តីត្រូវការរបស់សិស្ស » ជំនាញអភិវឌ្ឍន៍គ្រូបង្រៀន ៖ បង្រៀនដោយព្រះវិញ្ញាណ ( ឆ្នាំ ២០២៣ )
« តែងតែត្រៀមខ្លួនរួចជាស្រេចជានិច្ច ដើម្បីឆ្លើយតបទៅនឹងការបំផុសគំនិតខាងវិញ្ញាណអំពីសេចក្តីត្រូវការរបស់សិស្ស » ជំនាញអភិវឌ្ឍន៍គ្រូបង្រៀន ៖ បង្រៀនដោយព្រះវិញ្ញាណ
តែងតែត្រៀមខ្លួនរួចជាស្រេចជានិច្ច ដើម្បីឆ្លើយតបទៅនឹងការបំផុសគំនិតខាងវិញ្ញាណអំពីសេចក្តីត្រូវការរបស់សិស្ស ។
ជំនាញ
សួរសំណួរដើម្បីវាយតម្លៃការរៀនសូត្រមុននឹងបន្តមេរៀនទៀត ។
កំណត់និយមន័យ
ការបង្រៀនតាមរបៀបរបស់ព្រះអង្គសង្គ្រោះ អញ្ជើញយើងឲ្យពិចារណានូវសំណួរដូចតទៅនេះ ៖ « តើសិស្សដែលអ្នកបង្រៀនដឹងទេថា អ្នកចាប់អារម្មណ៍លើការរៀនសូត្ររបស់ពួកគេ ជាជាងការខំបញ្ចប់មេរៀនតែមួយមុខ ? » គ្រូបង្រៀនអាចបង្ហាញថា ពួកគេចាប់អារម្មណ៍លើការសិក្សារបស់សិស្សដោយការសួរសំណួរឲ្យច្បាស់លាស់ មុនពេលបន្តទៅផ្នែកបន្ទាប់ទៀតនៃមេរៀន ។ ដើម្បីធ្វើដូច្នេះបាន គ្រូបង្រៀនត្រូវចំណាយពេលមួយនាទីបន្ទាប់ពីបានពិភាក្សាគោលការណ៍ ប្រធានបទ ឬសំណួរមួយហើយ ដើម្បីសួរសំណួរបញ្ជាក់អំពីអ្វីដែលសិស្សកំពុងយល់ ។ ឧទាហរណ៍មួយចំនួននៃសំណួរទាំងនេះរួមមាន ៖
-
តើអ្នកកំពុងតែរៀនអ្វីខ្លះ ?
-
តើអ្នកនៅតែមានសំណួរអ្វីខ្លះអំពីអ្វីដែលយើងកំពុងតែរៀននេះ ?
-
តើមានអ្វីផ្សេងទៀតដែលអ្នកកំពុងតែមានចម្ងល់ដែរឬទេ ?
-
តើមានការយល់ច្រឡំ ឬមិនច្បាស់ចំពោះការណ៍ទាំងនេះដែរឬទេ ?
សំណួរទាំងនេះវាយតម្លៃអំពីការរៀនសូត្រ និងការយល់ដឹងរបស់សិស្ស ហើយមិនគួរសួរតាមរបៀបមួយដែលអាចធ្វើឲ្យពួកគេអាម៉ាស់នោះឡើយ ។ ការសួរសំណួរទាំងនេះអញ្ជើញព្រះវិញ្ញាណបរិសុទ្ធឲ្យជួយគ្រូបង្រៀនម្នាក់ដឹងអំពីរបៀបឆ្លើយតបចំពោះសេចក្ដីត្រូវការរបស់សិស្ស ។
គំរូ
-
បន្ទាប់ពីការពិភាក្សាអំពីសេចក្ដីជំនឿហើយ បងស្រី រ៉ូប៊ីនសុន ផ្អាក ហើយសួរថា ៖ « មុននឹងយើងបន្តទៅវគ្គបទគម្ពីរបន្ទាប់ តើមានអ្វីផ្សេងទៀតដែលប្អូនៗកំពុងឆ្ងល់អំពីសេចក្ដីជំនឿដែរឬទេ ? »
-
បន្ទាប់ពីសិក្សាព្រះគម្ពីរអំពីការយាងមកជាលើកទីពីរ បងប្រុស មូន បានសួរថា « តើប្អូនៗនឹងពិពណ៌នានូវអ្វីដែលប្អូនៗកំពុងរៀនអំពីការយាងមកជាលើកទីពីរដោយរបៀបណា ? »
អនុវត្ត
-
តើសំណួរអ្វីដែលអ្នកអាចសួរបាន ដើម្បីវាយតម្លៃអំពីការយល់ដឹងរបស់សិស្សបន្ទាប់ពីការពិភាក្សាអំពីវិវរណៈនៅក្នុង គោលលទ្ធិ និងសេចក្តីសញ្ញា ៨:២–៣ ?
-
សូមមើលមេរៀនបន្ទាប់នៅក្នុងកម្មវិធីសិក្សា ។ សូមសរសេរសំណួរមួយចំនួនដែលអ្នកអាចសួរបាន ដើម្បីវាយតម្លៃការយល់ដឹងរបស់សិស្សអំពីប្រធានបទមួយ មុនពេលបន្តទៅមុខទៀត ។
ពិភាក្សា ឬសញ្ជឹងគិត
-
តើសំណួរបែបទាំងនេះអាចជួយអ្នកឲ្យត្រៀមខ្លួនរួចជាស្រេចដើម្បីឆ្លើយតបទៅនឹងការបំផុសគំនិតខាងវិញ្ញាណអំពីសេចក្តីត្រូវការរបស់សិស្សដោយរបៀបណា ?
រួមបញ្ចូល
-
នៅពីរសប្តាហ៍បន្ទាប់ទៀត សូមសួរសំណួរដើម្បីវាយតម្លៃការរៀនសូត្ររបស់សិស្សមុននឹងបន្តមេរៀនទៅមុខទៀត ។ សូមយកចិត្តទុកដាក់ចំពោះការឆ្លើយតប និងការបំផុសគំនិតរបស់សិស្សអំពីព្រះវិញ្ញាណបរិសុទ្ធ នៅពេលអ្នកបញ្ចូលជំនាញនេះទៅក្នុងបទពិសោធន៍ក្នុងថ្នាក់ ។
តើចង់បានបន្ថែមទៀតទេ ?
-
« An Evening with Elder David A. Bednar » ( ជំនួបជាមួយនឹងអ្នកមានសិទ្ធិអំណាចទូទៅ ថ្ងៃទី ៧ ខែ កុម្ភៈ ឆ្នាំ ២០២០ ) នៅលើគេហទំព័រ ChurchofJesusChrist.org