Ang paghisgot mahitungod sa paghikog makahimo ba sa tawo nga mas lagmit nga mosulay sa paghikog?

Ang paghisgot mahitungod sa paghikog dili makahimo sa usa ka tawo nga mas lagmit nga mosulay sa paghikog. Sa pagkatinuod, ang dayag nga paghisgot mahitungod sa paghikog maoy usa ka epektibong paagi sa pagtabang nga mapakgang ang paghikog. Ang direkta nga pagpangutana sa usa ka tawo kon naghunahuna ba sila nga maghikog naghatag kanila og oportunidad sa pagpahayag sa ilang mga hunahuna ug mga pagbati nga dili mabalaka nga hukman sila. Mahimo ka nga mangutana, “Naghunahuna ka ba sa paghunos sa imong kinabuhi?” Kon moingon sila nga naghunahuna sila nga maghikog, pangutan-a sila kon aduna ba silay plano. Mahimo ka nga mangutana, “Aduna ka bay plano nga pasakitan ang imong kaugalingon?” Kon aduna silay plano, tawagi diha-diha dayon ang usa ka tighatag og serbisyong pang-emerhensya o helpline panahon sa krisis diha sa inyong dapit.

Kon wala silay plano, ipakita nga nagpakabana ka pinaagi sa pagpaminaw sa unsay ilang isulti. Dayon awhaga sila sa pagsulti ngadto sa usa ka tawo kinsa makahatag og mas dakong suporta. Tan-awa sa “Unsaon Pagtabang og Tawo nga anaa sa Krisis” niini nga website alang sa dugang nga mga ideya.

Mga Kapanguhaan sa Simbahan ug sa Komunidad

(Ang ubang mga kapanguhaan nga gilista sa ubos wala gihimo, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Kini nga mga materyal gituyo aron magsilbing dugang nga makatabang nga mga kapanguhaan samtang magtuon ka niini nga hilisgutan. Ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)

• Moroni 7:45–47.

• “Ang Paggahin og Panahon sa Pag-istoryahanay ug Pagpaminaw,” Rosemary M. Wixom, Liahona, Abr. 2012, 34–37.

• “News Room: Suicide,” World Health Organization.

• “Preventing Suicide [Pagpakgang sa Paghikog],” Carol F. McConkie (video, suicide.ChurchofJesusChrist.org).