Unsaon nako sa pagpahigayon og diskusyon mahitungod sa paghikog diha sa akong ward o pamilya?

Ang paghisgot mahitungod sa paghikog dili makahimo sa usa ka tawo nga mas lagmit nga mosulay sa paghikog. Sa pagkatinuod, ang dayag nga paghisgot mahitungod sa paghikog maoy usa ka epektibong paagi sa pagtabang nga mapakgang ang paghikog. Ang katuyoan sa bisan unsa nga diskusyon mahitungod sa paghikog mao ang pagtabang sa mga lider ug mga miyembro nga mas epektibong mangalagad niadtong naapektuhan sa paghikog.

Ang mga lider ug mga ginikanan mahimong mopahigayon og mga diskusyon mahitungod sa pagpakgang sa paghikog, pagdumala sa kamatayon tungod sa paghikog, ug pagpangalagad niadtong nanlimbasug. Kini nga mga diskusyon kinahanglang sensitibo ug maalimahon, tukma sa edad, ug nahisubay sa mga pagtulun-an sa Simbahan. Pag-amping kon mopahigayon og diskusyon aron malikayan ang pinulongan nga mahimong hinungdan nga masinati og balik sa usa ka tawo ang hilabihang kasakit.

Atol sa mga diskusyon human sa usa ka kamatayon tungod sa paghikog, ayaw hisgoti kon giunsa sa usa ka tawo paghunos ang iyang kinabuhi. Basin dili tuyo nga makaawhag kini og usa ka tawo diha sa grupo nga mosundog sa gihulagway nga buhat. Kon adunay mosugod sa pagpaambit niini nga mga detalye diha sa grupo, itipas ang pag-istoryahanay sa mabination nga paagi.

Mga Kapanguhaan sa Simbahan ug sa Komunidad

(Ang ubang mga kapanguhaan nga gilista sa ubos wala gihimo, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Kini nga mga materyal gituyo aron magsilbing dugang nga makatabang nga mga kapanguhaan samtang magtuon ka niini nga hilisgutan. Ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)

• “Ang Paggahin og Panahon sa Pag-istoryahanay ug Pagpaminaw,” Rosemary M. Wixom, Liahona, Abr. 2012, 34–37.

• “Pangulohi ang Dinasig nga mga Diskusyon,” Pagtudlo sumala sa Pamaagi sa Manluluwas (2015), 33.