Laasaga 4: Faailoa Metotia o Fesootaiga mo Faalavelave Faafuasei

O se vaega taua o le tali atu i faalavelave e mo taitai o le Ekalesia ina ia tatalaina laina o fesootaiga i le laumua o le Ekalesia, tagata o le Ekalesia, ma taitai o le afioaga.

Faailoa ma fuafua mo isi metotia o fesootaiga lea e mafai ona faaaoga i tulaga e faaleagaina ai laina o telefoni, auaunaga o telefoni feaveai, po o auala o femalagaaiga o taavale i le taimi o le faalavelave. O ia punaoa e mafai ona aofia ai:

• Fesootaiga tau Initoneti (e aofia ai imeli, faasalalauga faaagafesootai, ma feau faavavave).

• Feau tusitusia (tesi) i telefoni feaveai (lea e ono mafai ona maua e tusa pe le maua le auaunaga o le leo).

• Leitio amateur (e le faaaogaina ai se initoneti)

• Fesootaiga patino e ala i le savavali, uila, ma isi mea. (E mafai foi e faifeautalai faamisiona ona fesoasoani atu.)

Pe a manaomia, e mafai e taitai perisitua ona valaau atu i tagata i o latou iunite ina ia avea ma tagata faapitoa o fesootaiga. O tagata faapitoa agavaa e masani ona i ai meafaigaluega o fesootaiga ma maua le poto masani taua.

Tagai i pepa o galuega Toeiloiloga o Faalavelave ma le Fuafuaina mo Mea Faalavefau e fuafua ai mo mea faalavefau o fesootaiga. Faaaoga le pepa o galuega o Faamatalaga Taua—Meafaigaluega, Tomai, ma Punaoa mo Fesootaiga e faamaea ai lenei laasaga.