Laasaga 3: Otootoina o Tofiga ma Aiaiga

Fuafua pe faapefea e le aufono ona faatulaga ma faataunuu ia galuega taitasi o loo lisi atu i lalo, faailoa mai po o ai e nafa ma galuega taitasi ma po o a faiga faavae o le a latou mulimulitaia. Tofia se nofoaga autu ma se isi nofoaga tutotonu lea o le a potopoto ai tagata o le aufono pe a maea se faalavelave faafuasei e faatulaga ai taumafaiga o le toomaga.

A o lei oo i se faalavelave faafuasei:

• Atiae ia sootaga aoga ma taitai faalemalo ma isi faalapotopotoga o le toomaga i le alalafaga.

O le taimi lava e maea ai se faalavelave faafuasei:

• Fuafua ma lipoti atu le tulaga o tagata o le au paia ma faifeautalai. O lipoti i manaoga o tagata e masani ona sau mai i uso ma tuafafine o auaunaga i taitai o korama a toeaina ma le Aualofa, o ē e lipotia atu i le epikopo. Ona lipoti atu lea e Epikopo i le peresitene o le siteki.

• Fesoasoani e saili ma toefaatasia tagata o aiga o e na vavaeeseina.

• Ia maua le tausiga faafomai mo i latou na manunu’a po o ē e i ai ni luitau o le soifua maloloina.

• Tuufaatasi taumafaiga o le tali atu ma taitai faalemalo ma isi faalapotopotoga o le toomaga i le alalafaga.

• Iloilo manaoga ma faatulaga mo le tuuina atu o sapalai masani ma auaunaga—e pei o meaai, fale le tumau, tumama, ma lavalava—mo tagata o le au paia ma isi. E mafai ona valaau atu i taitai o le uelefea a le Eria ma, i nofoaga e maua ai, matagaluega o le uelefea a le Ekalesia e fesoasoani i sapalai ma auaunaga.

• Fuafua ma lipoti atu le tulaga o fale ma meatotino a le Ekalesia.

I le taimi e maea ai se faalavelave:

• Tuu atu le fesoasoani i tagata o e na pagatia i mea na faaleagaina i fale po o meatotino, mafatiaga faalelagona, po o le toesea ai o meatotino e tausi ai le aiga.

• Galulue faatasi ma taitai faalemalo ma faalapotopotoga o toomaga e faailoa mai ma tali atu i avanoa e fesoasoani ai le Ekalesia i manaoga o le afioaga.

Faaaoga le pepa o galuega o Faamatalaga Taua ma pepa o galuega o Faatinoga ma Tofiga e faamaea ai lenei laasaga.