Krais tapiada kamadipw sarawi rehn mehn Nihpai kan, sang Andrew Bosley

Ia Kahrepen Onopiki Pwuhk Sarawi kan?

Ni atail kin pwerisek onopiki pwuhk sarawi kan, kitail kin karaniala Sises Krais oh wehwehkihla mwahu Sapwellime rongamwahuo oh tohnmetei en tomwo. Soukohp Nihpai kangoange kitail en wia met.

“Eri, kumwail en nantihla mwowe ni amwail tengediong rehn Krais, sang ni koapwoaroapwoar unsek, oh poakohng Koht oh aramas koaros. Eri, ma kumwail pahn nantihla mwowe, pereniki mahsen en Christ, oh dadaurete lel ni imwi, kilang, iet me Sahmo mahsaniher: Kumwail pahn ahneki mour soutuk” (2 Nephi 31:20).

peneinei wadawadek pwuhk sarawi kan

Padahk kan nan pwuhk sarawi kan pahn sewese kitail en pwurala rehn Samatail Nanleng. Atail soukohp kan en imwin-rahn akan pekiher rehtail en poaden onopiki ni wad emen oh, ma konehng, ni ehu ehu peneinei kan. Irail lukehier kitail en kasukuhl sang ni irair kan nan irehn pwuhk sarawi kan oh karasa mwekid pwuko oh padahk ko ong atail mour kan rahn wet, me Nihpai kaweidki nan 1 Nephi 19:23. Koaros soukohp en kawahko oh mehn nan mwehi et lukehier kitail en onopiki pwuhk sarawi kan oh kin “pereniki mahsen en Krais“ (2 Nephi 32:3).

ohl emen wadawadek iren pwuhk sarawi kan

Presiden Russell M. Nelson pil padahngkiher ire kesempwal mehlel wet me pid “pereniki“ irehn pwuhk sarawi kan.

“En pereniki mehkot wehwehki e lapasang iouki nemenemeo. En pereniki wehwehki en pereniki nemenemeo. Kitail en pereniki onopiki irehn pwuhk sarawi kan ni mwohmw ehu me palingenatail kin kalusala ah peren ni atail diar ire kesempwal kan oh kakehlaka atail pwoson. Ni atail kin pereniki mahsen kan en Krais, re kin tengedi ‘nan mohngiong en aramas akan‘ [2 Corinthians 3:3]. Re wiahla kisehn atail mour kan” (”Living by Scriptural Guidance,” Ensign, Nohpempe 2000, 17).

Ni ahnsou me kitail kin poaden wad emen de ehu peneinei onohnopiki pwuhk sarawi, kitail oh atail peneinei kan kak ale kaweid, silasil, oh perehre, sang kasongosong tohto kan en ahnsou wet.