peneinei kan onohnopiki irehn pwuhk sarawi kan

Wiepe kan me pahn Kakairada en Ahmw Peneinei Onopiki Pwuhk Sarawi

Poaden onopiki pwuhk sarawi en peneinei wia ahl manaman ehu me sewese ahmw peneinei en esehla duwen rongamwahuo. Ia uwe oh uwen reirei en ahmw peneinei wie wadawad sohte kesempwal duwehte en amwail kaukaule wie wadawad. Ni amwail kin onopiki pwuhk sarawi en wiahla mehkot kesempwal nan mour en amwail peneinei, ke pahn sewese tohn ahmw peneineio en karaniala Sises Krais oh kauwada arail kadehde kan pohn poahson en Sapwellime mahsen.

Medewe peidek en pah kan:

• Ia mwomwen ahmw kak kangoange tohn ahmw peneinei en kin pein onopiki irehn pwuhk sarawi kan?

• Dahme ke kak wia pwehn kangoange tohn ahmw peneinei en ehukihda dahme irail esehla?

• Ia mwomwen ahmw kak kangoange duwen padahk kan me ke kin esehla nan irehn pwuhk sarawi kan ni ahmw kin kaskasukuhl ni rahn akan?

Tamataman me nan peneinei iei wasa me keieu mwahu en esehla oh padahngki rongamwahuo. Ke kak esehla oh padahngki duwen rongamwahuo nan peneinei ni soangen mwohmw ehu me sohte kin kak wiawi nan ehu perehn kasukuhl en Mwomwohdiso. Kin samani medewehda ahl akan pwehn sewese ahmw peneineio onopiki irehn pwuhk sarawi kan. Medewe ekei soangen madamadau pwukat pwehn kadaiala en ahmw peneineio onopiki pwuhk sarawi.

Doadoahngki Koul

Koulki koul kan me kin kataman padahk kan me kasukuhlpe kin doke irehn pwuhk sarawi kan.

ohl emen oh serepein onohnopiki irehn pwuhk sarawi kan

Ehukihda Irehn Pwuhk Sarawi Kamarain kan

Kihda ahnsou me tohn peneineio en ehukihda irehn pwuhk sarawi kan me sair irail ni arail kin pein onopiki pwuhk sarawi.

Doadoahngki Pein Amwail Lokaia

Luke tohn peneineio en oaralapiada nan pein arail lokaia dahme irail eselahr sang arail onopiki pwuhk sarawi kan.

Karasa Irehn Pwuhk Sarawi ong Ahmw Mour

Mwurin wadek ehu irehn pwuhk sarawi, peki tohn peneineio en ehukihda wiepe kan nan ireho me doke pein arail mour kan.

Wia ehu Peidek

Luke tohn peneineio en wia ehu peidek me pid rongamwahuo, oh eri rapahki ireh kan me kak sewese sapengala peideko.

Langahda ehu Irehn Pwuhk Sarawi

Pilada ehu irehn pwuhk sarawi me wehwe mwahu oh langahda wasa me tohn peneineio kak kilekilang ahnsou koaros. Luke tohn peneineio en wad emen pilada ehu irehn pwuhk sarawi me pahn pil langada.

Kairekdi ehu Kahng en Ireh kan

Peneineio en pilada ireh kei me ke pahn koasoaiaiong irail nan irair en wihk kohkohdo.

Wadlikiala Irehn Pwuhk Sarawi kan

Pilada ehu irehn pwuhk sarawi me wehwe mwahu ong ahmw peneineio oh luke tohn peneineio en wadlikiala ni arail kin kapwkapwurehiong rahn koaros de wia ehu kamwadong en wadlikih.

Ehukihda Irehn Kasukuhl me Sansal

Diarada mehkot me sansal me pid duwen irelaud kan oh pwuloi kan me ke wadwadekong peneineio. Luke tohn peneineio en koasoaiahda mwomwen ehu ehu ireh ko me pid kasukuhl nan irehn pwuhk sarawi pwuko.

lih emen kaskasukuhli seri

Ale ehu Oaralap

Mweidehng tohn peneineio en wad emen pilada ehu oaralap me peneineio pahn onopikipene. Doadoahngki Topical Guide, Diksenari en Pwuhk Sarawi, de Guide to the Scriptures (scriptures.ChurchofJesusChrist.org) pwehn diar irehn pwuhk sarawi me pid oaralapo.

Mahleniada ehu Mahlen

Peneineio en wadek ekei ireh kan, oh mweidehng tohn peneineio en mahleniada mehkot ieu me pid dahme irail wadekadao. Kihda ahnsou en koasoaia arail mahlen kan.

Kamwomwehda oapwoat Soai

Mwurin wadek ehu soai, luke tohn peneineio en kamwomwehda soaio. Mwuri, koasoaia duwen mwomwen soaio eh pidada mehkan me emen emen kumwail kin aliahle oh ni amwail wia ehu peneinei.

Elder David A. Bednar padahngki: “Ehu ehu kapakap en peneinei, ehu ehu en peneinei onopiki irehn pwuhk sarawi kan, oh ehu ehu soutik en peneinei wia ehu mahlen kapw pohn likoun mahlen en palingenitail kan. Sohte ehu mwekid me mwomwen inenen kaselel de sohte kak manokonokla. Ahpw ni ahnsou me poh oangoahng oh poh kohl oh pohn pwehlo kin perekwei mwahu oh kasalehda kilel kaselel ehu, iei me rasehng atail poaden wiewia atail mwekid me mwomwen tikitik kan kin kasalehda wah kouwahlap ni palingehn“ (“More Diligent and Concerned at Home,“ Liahona, Nohpempe 2009, 19–20).