“Yu Yu Wan Impoten Pikinini blong God,” Divelopmen blong Yuwan: Gaedbuk blong Ol Pikinini (2019)
“Yu Yu Wan Impoten Pikinini blong God,” Divelopmen blong Yuwan: Gaedbuk blong Ol Pikinini
Yu Yu Wan Impoten Pikinini blong God
Papa long Heven mo Jisas Kraes, Tufala i bin krietem evri samting, i save evri samting, mo Tufala i bin winim evri samting. !Mo Tufala i wantem yu blong stap olsem Tufala! Taem yu stap mekem ol kavenan mo stap folem plan blong God, yu save yusum ol presen ia we oli blong yu nomo, blong groap mo givim seves long ol narawan.
Yu mekem kavenan blong folem Jisas Kraes taem yu bin baptaes mo taem yu stap tekem sakramen.
Taem yu bin kasem konfemesen, yu bin kasem presen we i Tabu Spirit blong i lidim yu.
Yu save tekpat long wok blong God mo givim seves insaed long Jos anda long atoriti blong ol ki blong prishud.
Yu save lan mo groap taem yu stap stadi, laef mo serem gospel.
Yu save faenem glad taem yu lavem mo givim seves long ol narawan olsem we Jisas bae i mekem.
Papa long Heven i bin sendem Pikinini blong Hem, Jisas Kraes, blong i givim stap olsem eksampol ia we i stret evriwan blong yu save sakem sin mo jenis.
Insaed long tempol, yu save givim seves, mo yu save mekem ol kavenan we i joenem ol pikinini blong God blong oltaem.