Manatu mo le Tuputupu Ae i Vaega Uma o le Olaga

E tele naua auala e mafai ona e tuputupu ae ai i lou olaga! Ia maua ni manatu mai itulau nei, pe e mafai ona aumaia ni ou oe lava manatu. Ole atu i le Tama Faalelagi e fesoasoani mai ina ia e iloa le mea e tatau ona e galue ai i le taimi nei.

E mafai ona e maua ni manatu faaopoopo i le ChildrenandYouth.ChurchofJesusChrist.org ma i le polokalama o le Ola ai i le Talalelei [Gospel Living].

Faaleagaga

talavou o loo faitau tusitusiga paia

• Tatalo ma le faamaoni.

• Suesue i tusitusiga paia ma upu a perofeta soifua

• Tagai mo ni avanoa e faasoa atu ai le talalelei.

• Ia iloa ma atiina ae au meaalofa faaleagaga.

• Saunia mo sou faamanuiaga faapeteriaka.

• Ia agavaa e mauaina ma umia se pepa faataga o le malumalu.

• Galue i lau talafaasolopito o aiga ma auauna atu i le malumalu.

• Ia faaalia le agaga faafetai i aso taitasi.

• Tausi ma le atoatoa sili atu se poloaiga.

• Suesue i le soifuaga o Keriso.

• Ia agavaa e ‘ai ma inu i le faamanatuga i vaiaso taitasi.

• Auai i le seminare.

Faaleagafesootai

talavou o loo faafeiloaia tagata matutua

• Ia gauai atili atu i manaoga o isi.

• Ia aoao e faalogo lelei ma faaali atu ma le manino ia manatu.

• Alofa ma auauna atu i tagata o siomiaina oe.

• Faaalu lou taimi ma le aiga.

• Ia saunia e avea ma se tane/ava ma se matua.

• Atiina ae le maufetuunai—o le gafatia e fetuunai ma onosaia ai mea pe a oo ina faigata.

• Ia faaaofia i gaoioiga faaleaoga pe faalealalafaga.

• Saili ni auala e tausia ai e matitiva.

• Aoao e faatoese. Aoao ia faamagalo atu.

• Tautala ma faatino le agalelei, ma aloese mai le faitatala.

Faaletino

talavou o loo tietie i se uila vilivae

• Ia faaleleia lou soifua maloloina faaletino ma le malosi.

• Aoao pe faaleleia i se tomai faaletino, e pei o ni taaloga, siva, po o ni gaoioiga i fafo.

• Aoao pe faaleleia i se tomai faatufugaga po o ni mea taulima.

• Taulima ni manaoga faaletino i se auala maloloina.

• Aoao ni auala e puipuia ai oe lava ia mai le faatautala/sauaina, ma saili se fesoasoani pe a manaomia.

• Aloese mai ponokalafi.

• Saili ni auala maloloina e taulimaina ai lagona ma le atuatuvale.

• Aoao e tausia ia tamaiti.

• Faataitai ni vaega lelei o le tumama.

• Aoao e faaaoga ma le saogalemu ni meafaigaluega autu mo togalaau ma le fale.

• Aoao ni tomai o le fesoasoani muamua ma le ola ai i fafo.

• Faaaoga se gagana talafeagai, ma aua le palauvale.

Faaleatamai

talavou o loo suesue

• Faalelei ou tomai faitautusi ma le tusitusi.

• Atiina ae ni uiga masani lelei o le suesue.

• Saili po o le a le mea e tatau ona e faia ia maua ai se galuega lelei, ma amata ona galue agai i lena sini.

• Aoao atili e uiga i se mea o loo e fiafia i ai.

• Talanoa ma tagata e te faamemelo i ai e iloa ai pe na faapefea ona latou atiinaeina ni uiga auaumama e te manao ia mauaina.

• Aoao ia iloa taulimaina ma le atamai ia tupe.

• Suesue ma le loloto i se autu o le talalelei.

• Aoao ni tomai autu faalegaluega e mafai ona e faaaogaina i le taimi nei ma le taimi mulimuli ane.

• Auai i gaoioiga faaleaganuu.

• Aoao i se isi gagana.

• Ia ola tutoatasi atili.

• Aoao ma faataitai ni mataupu faavae o le pulea o oe lava ia.