« លំនាំសម្រាប់ភាពរីកចម្រើន » ការអភិវឌ្ឍផ្ទាល់ខ្លួន ៖ សៀវភៅមគ្គុទេសក៍យុវវ័យ ( ២០១៩ )
« លំនាំសម្រាប់ភាពរីកចម្រើន » ការអភិវឌ្ឍផ្ទាល់ខ្លួន ៖ សៀវភៅមគ្គុទេសក៍យុវវ័យ
លំនាំសម្រាប់ភាពរីកចម្រើន
ភាពរីកចម្រើនគឺជាផ្នែកមួយដ៏សំខាន់នៃផែនការរបស់ព្រះវរបិតាសួគ៌ ។ ដើម្បីជាជំនួយដល់អ្នកព្រះវរបិតាសួគ៌ផ្ដល់ឲ្យអ្នកនូវការណែនាំមកពីព្រះវិញ្ញាណបរិសុទ្ធមកពីបទគម្ពីរ និងពាក្យសម្ដីរបស់ពួកព្យាការីនៅរស់ ។ អ្នកនឹងរៀនចេញពីបទពិសោធន៍របស់អ្នក ជាពិសេស ពេលអ្នកពឹងផ្អែកលើព្រះយេស៊ូវគ្រីស្ទ និងដង្វាយធួនរបស់ទ្រង់ សូមជួយកូនចៅរបស់អ្នកឲ្យឃើញពីរបៀបដែលពួកគេអាចអនុវត្តដំណឹងល្អនៅក្នុងគ្រប់ផ្នែកទាំងអស់នៃជីវិតរបស់ពួកគេ ។
រកមើលអ្វីដែលអ្នកត្រូវធ្វើ ។
« ផែនការ » តើខ្ញុំនឹងធ្វើវាដោយរបៀបណា
អនុវត្ត ផែនការរបស់អ្នកដោយសេចក្ដីជំនឿ
ឆ្លុះបញ្ចាំង ពីអ្វីដែលអ្នកបានរៀន ។
រកឃើញ
សេចក្ដីត្រូវការអំណោយទាន និងទេពកោសល្យរបស់អ្នក
ព្រះវរបិតាសួគ៌បានប្រទានអំណោយទានទេពកោសល្យ និង សមត្ថភាពដល់អ្នក ។ ទ្រង់សព្វព្រះទ័យឲ្យ អ្នករកមើល និងអភិវឌ្ឍអំណោយទាន ទេពកោសល្យ និងសមត្ថភាពរបស់អ្នក ដើម្បីធ្វើឲ្យខ្លួនឯង មនុស្សដទៃ និងពិភពលោកកាន់តែល្អប្រសើរ ។ តើអ្នកអាចកែលម្អ ហើយរីកចម្រើនយ៉ាងដូចម្ដេច ?
សូមព្យាយាមសួរសំណួរដូចជា ៖
-
តើខ្ញុំមានអារម្មណ៍ថាគួររៀន ឬផ្លាស់ប្ដូរអ្វីខ្លះនៅក្នុងជីវិតរបស់ខ្ញុំ ?
-
តើអ្វីទៅជាទេពកោសល្យ និង ជំនាញដែលខ្ញុំចង់ទទួលបាន ?
-
តើអ្វីទៅជាទម្លាប់ខាងវិញ្ញាណដែលខ្ញុំត្រូវការអភិវឌ្ឍ ឬកែលម្អ ?
-
តើខ្ញុំអាចរក្សាសេចក្ដីសញ្ញាដែលខ្ញុំបានធ្វើនៅពេលខ្ញុំទទួលបុណ្យជ្រមុជទឹកយ៉ាងដូចម្ដេច ?
-
តើខ្ញុំអាចបម្រើអ្នកណាខ្លះ ?
ព្រះវរបិតាសួគ៌នឹងឆ្លើយសំណួរទាំងនេះ នៅពេលអ្នកទុកចិត្តលើទ្រង់ ។ អធិស្ឋាន ។ សូមប្រើបទគម្ពីរ និងពាក្យសម្ដីនៃពួកព្យាការីថ្ងៃចុងក្រោយ ។ អានពរជ័យអយ្យកោរបស់អ្នកប្រសិនបើអ្នកមាន ។ រៀនស្គាល់អារម្មណ៍ និងគំនិតដែលមកពីព្រះវិញ្ញាណបរិសុទ្ធ ។ ទ្រង់នឹងជួយអ្នកដឹងនូវអ្វីដែលសំខាន់បំផុតសម្រាប់អ្នកនាពេលឥឡូវនេះ ។ ប្រសិនបើអ្នកមិនប្រាកដពីអ្វីដែលអ្នកត្រូវធ្វើទេ សូមមើលនៅទំព័រ ៥៨–៦៣ ។
ផែនការ
ធ្វើឲ្យប្រសើរឡើង
នៅពេលអ្នកសម្រេចចិត្តថានឹងធ្វើអ្វីមួយ អ្នកគួរតែធ្វើផែនការមួយអំពីរបៀបដែលអ្នកអាចសម្រេចវាបាន ។ ផែនការរបស់អ្នកអាចរួមបញ្ចូលជំហាន ឬសកម្មភាពជាក់លាក់ ឬ រួមមានរបៀបដើម្បីអភិវឌ្ឍទម្លាប់ ឬគុណភាពផ្ទាល់ខ្លួន ។
សូមព្យាយាម សួរសំណួរដូចជា ៖
-
ហេតុអ្វីការណ៍នេះកើតឡើងចំពោះរូបខ្ញុំ ?
-
តើវានឹងជួយខ្ញុំប្រែក្លាយដូចជាព្រះយេស៊ូវគ្រីស្ទ ដោយរបៀបណា ?
-
តើសកម្មភាពអ្វីទៅដែលជួយខ្ញុំឲ្យធ្វើការណ៍នេះ ?
-
តើខ្ញុំអាចបំបែកសកម្មភាពទាំងនេះ ជាជំហានតូចៗជាងមុនបានទេ ?
-
តើអ្វីទៅជាផែនការដែលខ្ញុំអាចធ្វើបាននៅពេលនេះ ដើម្បីយកឈ្នះលើឧបសគ្គដែលខ្ញុំអាចប្រឈម ?
អធិស្ឋានសម្រាប់ផែនការរបស់អ្នក ហើយយកចិត្តទុកដាក់លើអារម្មណ៍ និងគំនិតដែលអ្នកទទួល ។ អ្នកអាចសូមជំនួយពីព្រះវិញ្ញាណបរិសុទ្ធ ក្រុមគ្រួសារ និងអ្នកដឹកនាំរបស់អ្នក ។
អនុវត្ត
រីកលូតលាស់ក្នុងជំនឿ
អនុវត្តតាមផែនការរបស់អ្នក ! ធ្វើការរំឭកដើម្បីជួយអ្នកបន្តផ្ដោតអារម្មណ៍ ។ អ្នកអាចធ្វើកំណត់ចំណាំកំណត់សំឡេងរោទិ៍ ឬសុំនរណាម្នាក់ឲ្យធ្វើការជាមួយអ្នក ។ ពេលខ្លះ ធ្វើការតាមផែនការរបស់អ្នកគឺពិបាក ។ ជួនកាលអ្នកនឹងបរាជ័យ ។ នោះគឺវាមិនថ្វីទេ ។ រៀនអ្វីដែលដំណើរការ និងអ្វីដែលមិនដំណើរ ការជួយអ្នកឲ្យរីកចម្រើន ។
ប្រសិនបើអ្នកជាប់គាំង សូមព្យាយាមសួរសំណួរដូចជា ៖
-
តើអ្វីដែលបានដំណើរការ ? ហេតុអ្វីទៅ ?
-
តើអ្វីដែលមិនបានដំណើរការ ? ហេតុអ្វី ?
-
តើខ្ញុំអាចធ្វើអ្វីខ្លះទៀត ?
-
តើខ្ញុំអាចទទួលបានគំនិតបន្ថែមទៀតនៅកន្លែងណា ?
-
តើខ្ញុំអាចបំបែកសកម្មភាពទាំងនេះជាជំហានតូចៗជាងមុនបានទេ ?
-
តើខ្ញុំអាចរៀនមកពីភាពបរាជ័យយ៉ាងដូចម្ដេច ?
ធ្វើអ្វីមួយបានសម្រេចគឺតម្រូវឲ្យមានការអនុវត្ត និងភាពអត់ធ្មត់ ។ សូមជំនួយពីក្រុមគ្រួសារ មិត្តភក្តិ ឬអ្នកដឹកនាំរបស់អ្នក ។ ព្រះអង្គសង្គ្រោះស្គាល់អ្នក និងដឹងពីឧបសគ្គដែលអ្នកជួប ។ ទ្រង់អាចជួយអ្នកក្នុងគ្រប់កិច្ចការលំបាកទាំងឡាយ ។ អធិស្ឋានសុំជំនួយ និងការណែនាំ ។
ឆ្លុះបញ្ចាំង
អ្វីដែលអ្នកបានរៀន ។
ពិចារណាអំពីគោលដៅ និងផែនការរបស់អ្នកនៅពេលអ្នក កំពុងធ្វើការ និងពេលអ្នកបញ្ចប់ ។ តើអ្នកមានអារម្មណ៍យ៉ាងណាដែរ ? តើអ្នកបានរៀនអ្វីខ្លះ ? ការកត់ត្រាទុកនៅគំនិត និងចំណាប់អារម្មណ៍អាចជួយ អ្នកនៅពេលក្រោយ ។
សូមព្យាយាមសួរសំណួរដូចជា ៖
-
តើខ្ញុំបានរីកចម្រើនដោយរបៀបណា ?
-
តើខ្ញុំអាចប្រើអ្វីដែលខ្ញុំបានរៀនដើម្បីបម្រើអ្នកដទៃដោយរបៀបណា ?
-
តើទង្វើរបស់ខ្ញុំបានជួយខ្ញុំខិតកាន់តែជិតព្រះអង្គសង្គ្រោះដោយរបៀបណា ?
-
តើខ្ញុំអាចបន្តរីកចម្រើននៅក្នុងវិស័យនេះដោយរបៀប ណា ?
នៅពេលអ្នកសម្រេចគោលដៅ និងផែនការរបស់អ្នក ចូរថ្លែងអំណរគុណដល់ព្រះវរបិតាសួគ៍ និងអ្នកទាំងឡាយណាដែលបានជួយអ្នក ។ សូមគិតពីតួនាទីរបស់ព្រះអង្គសង្គ្រោះក្នុងជីវិតអ្នក នៅពេលអ្នកទទួលទានសាក្រាម៉ង់ ។ ចូរគិត និងអធិស្ឋានអំពីអ្វីដែលអ្នកអាចធ្វើនៅថ្ងៃក្រោយ ។