“Kwoj juon Nejin Anij Ejitōnbōro,” Eddōkļo̧k eo an Juon Make: Bok in Tōl an Ajri ro (2019)
“Kwoj juon Nejin Anij Ejitōnbōro,” Eddōkļo̧k eo an Juon Make: Bok in Tōl an Ajri ro
Kwoj juon Nejin Anij Ejitōnbōro
Kwaar mour ippān Jemedwōj Ilan̄, eo ejeļā men otemjeļo̧k im iakwe aolep. Ekōņaan bwe kwōn āinwōt E! Eaar lewaj juon āinbwinum̧, maron̄, im menin letok ko an jetōb. Ekōņaan bwe kwe im aolep ro Nejin ren loe im kōļapeļo̧k menin letok kein. Eaar letok n̄an kōj juon karōk n̄an jipan̄ kōj m̧ōņōņō n̄an kōjeraam̧m̧an ro jet.
Kwaar kallim̧ur n̄an ļoor Jisōs Kraist ke kwaar peptaij im n̄e kwoj bōk kwojkwoj eo.
Ke kwaar kapen, kwoj bōk menin letok eo an Jetōb Kwojarjar n̄an tōl eok.
Komaron̄ lo m̧ōņōņō im aenōm̧m̧an n̄e kwoj kālet n̄an mour āinwōt kar Jisōs.
Komaron̄ ekkatak im eddōkļo̧k. Komaron̄ iakwe im jipan̄ ro jet āinwōt kar Jisōs.
Jemedwōj Ilan̄ eaar jilkintok Nejin, Jisōs Kraist, bwe en waanjon̄ok im kōm̧m̧an iaļ n̄an kwe n̄an ukweļo̧k im oktak.
Komaron̄ kōm̧m̧ani bujen ko ilo tampeļ me renaaj jipan̄ eok mour bar ippān Jemedwōj Ilan̄.