“Ļōmņak ko n̄an Eddōkļo̧k ilo Aolep Jekjek in Mour,” Eddōkļo̧k eo an Juon Make: Bok in Tōl an Ajri ro (2019)
“Ļōmņak ko n̄an Eddōkļo̧k ilo Aolep Jekjek in Mour,” Eddōkļo̧k eo an Juon Make: Bok in Tōl an Ajri ro
Ļōmņak ko n̄an Eddōkļo̧k ilo Aolep Jekjek in Mour
Peij kein ilaļ ewōr ie ļōmņak ko kōn elmen am̧ maron̄ loor Rilo̧mo̧o̧r n̄an eddōkļo̧k ilo aolep jekjek in am̧ mour. Kwojjab aikuj in kōjerbal men kein—ļōmņak eo em̧m̧antata en am̧ make! Jar kōn ta eo komaron̄ jerbale kiiō.
Komaron̄ lo elōn̄ ļo̧k ļōmņak ilo ChildrenandYouth.ChurchofJesusChrist.org.
Ļōmņak ko n̄an Eddōkļo̧k ilo Jetōb
Ta Ļōmņak ko Am̧?
Riiti Bok in Mormon Aolep Raan
Kōm̧m̧ane juon imminene n̄an riit kajjojo raan, men̄e jejjo̧ wōt eoon.
M̧aanjepopo ñan etal ñan Tampeļ
Ekkatak im mour kake “Jon̄ak ko an Gospel eo Aō” (peij 63), im kūr ro jet n̄an kōm̧m̧ane.
Katak Laajrak in Tōmak ko
Kakkilōklōke Laajrak in Tōmak ko (peij 62), im ekkatak ta meļeļeier.
Kōkm̧anm̧anļo̧k Am̧ Jar
Mokta jen am̧ jar, ļōmņak kōn ta eo kwoj kam̧m̧oolol kake im ta aikuj eo am̧.
Kam̧m̧oolol Jemedwōj Ilan̄ kōn Kōjeraam̧m̧an ko Am̧
Je jilu men ko kwoj kam̧m̧oolol kake. Kajjieon̄ je jilu men ko rekāāl kajjojo raan.
Kōjparok Raan in Jabōt im Kōkwojarjare
Peek ta eo komaron̄ jino kōm̧m̧ane ak jab kōm̧m̧an ilo Jabōt eo eaorōk.
Jerbal n̄an ro Jet
Pukot wāween ko n̄an jipan̄ juon ilo baam̧le eo am̧, ilo jikuuļ, ak ilo m̧ōnjar.
Kōm̧m̧an Menmenbwij an Baam̧le
Je juon leta n̄an bubu ak jim̧m̧a, eo nej jined, ak eo nej jemād. Kajjitōk ippāer n̄an kwaļo̧k juon bwebwenato ke raar iiō eo am̧.
Kwaļo̧k gospel eo
Kōnono ippān m̧ōttam̧ kōn gospel in. Karuwaineneik ro m̧ōttam̧ n̄an jar ak n̄an juon m̧akūtkūt.
Katakin Gospel eo
Kwaļo̧k bwebwenato eo em̧m̧an ippam̧ jen jeje ko rekwojarjar n̄an baam̧le eo am̧. Jerbale ak jin̄aik pija ko n̄an jipan̄ eok katakin.
Al juon Al in Būraimere
Al ippān ro uwaan baam̧le eo. Keememej ron̄jak al em̧m̧an ekōm̧m̧an am̧ en̄jake.
Ļōmņak ko n̄an Eddōkļo̧k ilo Iiao̧
Ta Ļōmņak ko Am̧?
Katak kōn Baam̧le eo
Riiti “Baam̧le Eo: Juon Kean̄ n̄an Laļin,” im kōnono kake ippān baam̧le eo am̧ kōn ta eo kwaar ekkatak.
Kwaļo̧k Iakwe n̄an Baam̧le eo Am̧
Kōm̧m̧an jet men rem̧m̧an n̄an ro uwaan baam̧le eo am̧.
Ekoba Ro Jet
Pukot wāween ko n̄an joļo̧k iien ippān ak jipan̄ ro jet me remaron̄ en̄jake remake ak ro rej aikuj m̧ōttā eo am̧.
Ekkatak kōn Manit ko Jet
Riit kōn m̧anit ko jet, kōnono ippān armej ro jān laļ ko jet, ak etal n̄an juon iien lutōk kobban alele eo epaake eok.
Jipan̄ ro Riturum̧
Ippān ro jinōm im jem̧ōm̧ ak ritōl ro, kōm̧m̧an men ko jet ilo jukjukinpād eo am̧ n̄an jipan̄ armej raikuj.
Ekkatak kilen Jeo̧rļo̧k Bōd
Jerbali jekjek ko ijo ro jet reaikuj in jeo̧rļo̧k bōd kaki. Kaminene kilen kwaļo̧k am̧ en̄jake im uwaak.
Ekkatak kōn Jukjukinpād eo Am̧
Loļo̧k m̧ōn buliijmāān, m̧ōn ikkun kijeek eo, ak jikin jipan̄ ko jet. Ekkatak kōn ta eo rej kōm̧m̧ane, im kam̧m̧ooļoļ er kōn aer jerbal in jipan̄.
Kōm̧m̧an Mōttā Kāāļ
Kwaļo̧k kadkadim make n̄an juon eo ekāāl, im kajjitōk bwe armej eo en ikkure ippam̧.
Kōnono Naan ko Rejouj
Kaminene kōjerbal wōt naan ko me remaron̄ kōm̧m̧an bwe juon en m̧ōņōņō, jab būrom̧ōj. Kōnono kōn ta eo kwomaron̄ ba eļan̄n̄e juon ej ba naan ko rejjab em̧m̧an n̄an kwe.
Dāpij Am̧ Illu
Kaminene ikun̄ n̄e kwoj illu. N̄an waanjon̄ok, bōk kutuwōm̧, bōnbōn n̄an 10, ak antoone am̧ pād ilo juon jikin em̧m̧an.
Karuwaineneik ro Jet
Kwaļo̧k kadkadim make n̄an juon eo ekāāl ilo jikuuļ eo am̧, ro riturum, ak ward ak branch eo. Jipan̄ armej in ioon armej ro jet.
Ļōmņak ko n̄an Eddōkļo̧k ilo Kanniōk
Ta Ļōmņak ko Am̧?
Ekkatak kilen Kōmat
Jipan̄ kōppooj m̧ōn̄ā eo ak kapije eo eōōne. Kwaļo̧k n̄an baam̧le eo am̧ ak ro m̧ōttam̧.
Kōkajoor Ānbwinnum̧
Kōm̧m̧ani men ko emakijkij n̄an kōm̧akūtkūt ānbwinnum̧, āinwōt ikkure, eb, kōmourur, ak ikkure nam̧ōjin m̧weeo.
Kōjparok Ānbwinnum̧
Dāpij erreeo eo an ānbwinnum̧ aolep raan. Tutu aolep raan. Buraje n̄iim̧ im kum̧wi bōram̧ kajjojo raan.
Karreoik Mweeo Im̧ōm̧
Kōm̧m̧ani men ko n̄an kōm̧m̧an bwe m̧weeo im̧ōm̧ en juon jikin jokwe ewāmourur, āinwōt erreeo, inōknōk, ak jikin kallib.
Kōjparok Men ko Am̧ Make
Kajjitōk ippān ro jinōm im jem̧ōm̧ n̄an katakin eok kilen bar kōm̧m̧ane ak kōjparok men ko kwoj kōjerbali.
Ekkatak juon Kapeel Ekāāl in Jin̄a
Jin̄a, uno, ak jin̄a juon pija, im leļo̧k n̄an eo kwoj iakwe.
Ekkatak juon Kapeel Ekāāl in Al
Ekkatak kilen al, kōjan̄jan̄, ak tōl al. Kwaļo̧k am̧ kapeel ilo nokon in jota an baam̧le ak m̧akūtkūt ko jet.
Pokake Naan in Māletlet
Riiti Katak im Bujen ko 89 n̄an lale ta kōjeraam̧m̧an eo an Jemedwōj Ilan̄ eļan̄n̄e kwoj kōjparok Naan in Māletlet. Ļōmņak ewi wāween am̧ mour kake.
Mōņōņōik Iien ko Inam̧ōj
Etetal ak jam̧bo ioon toļ ippān baam̧le eo ak ro m̧ōttam̧ n̄an alooje laļ eo peļaakum̧.
Kwaļo̧k Taļōn ko Am̧
Kwaļo̧k juon iaan taļōn ko am̧ n̄an juon eo eajimakeke.
Kōppopo n̄an Idin̄ ko
Kōm̧m̧ane juon karōk ippān jinōm im jem̧ōm̧ ak ritōl ro ta eo n̄an kōm̧m̧ane ilo iien idin̄.
Ļōmņak ko n̄an Eddōkļo̧k ilo jeļāļo̧kjeņ
Ta Ļōmņak ko Am̧?
Katak kōn Juon Mōttan Jon̄oul
Ekkatak etke eaorōk kōļļā juon m̧ōttan jon̄oul. Leļo̧k jon̄oul bōjāān in jeraam̧m̧an eo am̧ n̄an Irooj.
Kōm̧anm̧anļo̧k Kapeel in Riit eo Am̧
Riiti juon bok kōn juon unin kōnono ekāāl, ak riiti juon bok eo eaitok me ekkā am̧ riiti.
Ekkatak Elmen Kōjparok Eok Jān Online
Kōm̧m̧ane juon laajrak in mo ko an baam̧le eo n̄e kōjerbal intōrnet ak app ko.
Ekkatak Men ko Rekāāl
Kālet jet men eitok limoim ie, im ekkatak jabdewōt jene.
Pād ie ak Alooje Iien Lutōk kobban alele ko.
Loļo̧k juon alele ak iien lutōk kobban alele ilo eria eo am̧. Kōnono n̄an ro m̧ōttam̧ ak baam̧le eo kōn jet men rekāāl kwaar ekkatak.
Ekkatak kōn Oktak in Jerbal ko
Loļo̧k juon kajeļā kajjien ilo jikin jerbal n̄an ekkatak ta eo rej kōm̧m̧ane im elmen an men ko jerbal.
Ekkatak kōn Armej ro Kwoj Nōbar er
Menin emaron̄ juon armej eo kwojeļā kajjien ak juon eo jān bwebwenato ak jeje ko rekwojarjar. Kālet elmen am̧ maron̄ erom̧ āinwōt er.
Ekkatak Elmen Kōm̧m̧ani Kālet ko Rem̧m̧an
Aolep kālet ewōr tokjeer, men ko rej waļo̧k āinwōt juon tōprak kōn ta eo kwoj kōm̧m̧ane. Kōm̧m̧ane juon laajrak in jet kālet ko im tokjeer.
Kōkm̧anm̧anļo̧k Ememļo̧kjeņ eo Am̧
Kakkilōklōke juon eoon em̧m̧an, boem̧, ak al.
Ekkatak juon Kajin Ekāāl
Katak kilen ba iakwe im naan ko jet rekkar ilo kajin eo juon. Kaminene ippān juon eo ejeļā kajin eo, eļan̄n̄e ekkar.
Al juon Bwebwenato
Je juon bwebwenato kōn mour eo am̧ ak kōn juon uwaan baam̧le eo.