Mga Istorya sa Daang Tugon alang sa mga Batan-ong Magbabasa

Jonas ug ang Balyena

ni Kim Webb Reid

Mga paghulagway ni Apryl Stott

Gikan sa Jonas 1–4

Si Jonas sakay sa barko

Gisultihan sa Dios si Jonas nga magmisyon. Paadtoon unta siya sa siyudad sa Ninive ug sultihan ang mga tawo sa paghinulsol. Apan si Jonas dili gustong moadto didto. Misakay siya og barko nga moadto sa lahi nga siyudad.

barko diha sa unos

Grabe nga unos ang miabut. Ang mga marinero nangahadlok nga ang ilang barko malunod!

Si Jonas diha sa lawod

Nasayud si Jonas nga ang Dios ang mipadala sa unos tungod kay milayas siya. Gisultihan ni Jonas ang mga marinero nga ilabay siya sa dagat aron mohunong ang unos.

si Jonas ug ang usa ka balyena

Mipadala ang Dios og balyena sa pagluwas ni Jonas. Didto siya sa tiyan sa balyena sulod sa tulo ka adlaw. Nag-ampo si Jonas. Mihukom siya nga maghinulsol ug mosunod sa Dios. Gisultihan sa Dios ang balyena nga ibugwak si Jonas sa uga nga yuta.

Jonas nagtudlo sa mga katawhan

Miadto si Jonas sa Ninive. Gitudloan niya ang mga tawo didto. Ug ang mga tawo sa Ninive naminaw! Nagsugod na usab sila sa pagsunod sa Dios.

batan-ong lalaki nga nagtan-aw sa bangaw

Kon sayop ang akong pagpili, mahimo akong maghinulsol ug mosulay pag-usab. Gipangga sa Dios si Jonas, ug gipangga ako sa Dios!