Mga Istorya sa Kasulatan
Si Moises ug ang Mana
Mabasa nimo ang istorya mahitungod sa mana diha sa Exodo 16.
Si Moises usa ka propeta. Gipangulohan niya ang katawhan sa Dios paingon ngadto sa gisaad nga yuta. Naglakaw sila sulod sa daghang adlaw.
Gigutom ang katawhan. Wala silay pagkaon. Mao nga ang Dios nagpadala kanila og pagkaon gikan sa langit. Gitawag kini og mana.
Matag buntag, ang katawhan nanguha og mana aron makakaon. Apan dili kini magpabiling presko sa tibuok gabii. Kinahanglan silang mokuha og dugang sa sunod nga adlaw.
Ang mana nagpahinumdom kanato kang Jesukristo. Ang Dios nagpadala og mana aron sa pagluwas sa katawhan. Gipadala usab Niya si Jesus nganhi sa yuta aron sa pagluwas kanato. Gikinahanglan nato si Jesus kada adlaw, sama nga kita nagkinahanglan og pagkaon kada adlaw.
Mosunod ako ni Jesus. Siya mohatag kanako og kusog ug motabang kanako nga makabati sa Iyang gugma kada adlaw.
Mga paghulagway pinaagi ni Apryl Stott