“Moses mo Snek we Oli Wokem long Bras,” Ol Stori long OlTesteman (2022)
“Moses mo Snek we Oli Wokem long Bras,” Ol Stori long OlTesteman
Namba 21
Moses mo Snek we Oli Wokem long Bras
Stap lanem blong gat fet long Lod
Taem we Ol Man Isrel oli bin travel long waelples, plante taem oli fogetem Lod mo oli bin komplen. Lod i sendem ol snek blong helpem olgeta blong oli gat tingting i stap daon mo blong oli stap tingbaot Hem. Ol snek oli kakae ol man, mo plante pipol i bin ded.
Namba 21:1–6
I no longtaem afta, ol pipol oli bin sakem sin. Oli bin askem Moses blong prea long Lod blong i mekem ol snek ia oli gowe. Lod i no bin mekem ol snek oli gowe. Be Hem i mekem wan rod blong i sevem ol pipol sapos snek i kakae olgeta.
Namba 21:7
Lod i talem long Moses blong wokem wan snek wetem bras, mo i fasem long wan longfala stik. Taem snek i kakae ol man, bae oli mas luk long snek ia we oli wokem long bras, mo bae Lod i sevem olgeta. Lod i bin helpem Ol Man Isrel blong oli gat tingting i stap daon mo blong oli trastem Hem.
Namba 21:8–9; 1 Nifae 17:41; Hileman 8:14–15