Mataio 27; Mareko 15; Luka 23; Ioane 19

Vaaiga Aoao

Ina ua uma ona pue faapagotaina Iesu ma faamasinoina sese i luma o taitai Iutaia, sa auina atu o Ia ina ia faamasinoina i luma o Pilato. A o feagai o Ia ma le tiga ogaoga o le tautau mai i se satauro, sa taufaifai atu fili ia te Ia ma fai atu ia te Ia e na te laveai o Ia lava mai sauaga, peitai sa Ia onosaia pea ma le amiotonu. Ina ua mavae Lona maliu, sa faia e Ona soo se taumafaiga tele ina ia maua mai Lona tino ma saunia ai ma le faaeteete mo le tanuga.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona muai saunia ae lei amatalia lesona taitasi.

Ioane 18:33–40; Luka 23:8–11

Faamoemoega o le lesona: O lenei lesona o le a fesoasoani i tamaiti aoga e aoao atili ai e uiga i uiga o le Faaola ma pe mafai faapefea ona latou mulimuli i Lana faataitaiga.

Sauniuniga a le tamaitiiti aoga: Valaaulia tamaiti aoga e mafaufau loloto i uiga o Iesu Keriso ma mafaufau po o a ni Ona uiga latou te mananao e atiina ae atoatoa. Valaaulia tamaiti aoga e o mai saunia i le vasega e faasoa mai ia le itiiti ifo ma se tasi pe sili atu se uiga o Iesu Keriso ma pe aisea latou te lagona ai o lena uiga o se uiga lelei e ao ona mauaina.

Vitio: “Jesus Is Tried by Caiaphas, Peter Denies Knowing Him” (4:24; matamata mai le faailo taimi 0:00 i le 1:39); “Jesus Is Condemned before Pilate” (3:18); “Jesus Is Scourged and Crucified” (4:48; matamata mai le faailo taimi 0:00 i le 2:03)

Fautuaga faavitio mo le aotauina: Ina ia iloatino ai po o le fea tala i le faamasinoga o le Faaola o le a faitau e tamaiti aoga, valaaulia i latou e sii mai se tasi i le fa tamailima o o latou lima ma faaali atu i le vasega. Ona faaali atu lea o tala eseese ua faanumeraina e tasi e oo i le fa. Valaaulia tamaiti aoga e faitau le tala e fetaui ma le numera o tamatamailima na latou sii mai.

Mataio 27:24–66; Mareko 15:15–38

Faamoemoega o le lesona: O lenei lesona e mafai ona fesoasoani i tamaiti aoga ia malamalama atili ai ma talisapaia le puapuagatia ma le maliu o le Faaola i luga o le satauro o se vaega taua o Lana Togiola.

Sauniuniga a le tamaitiiti aoga: Valaaulia tamaiti aoga e faitau le Mataio 27:35–50 po o le saunoaga a Epikopo Gérald Caussé mai lenei lesona. Fai atu ia i latou e o mai saunia e faasoa mai po o le a le uiga ia i latou lava e faapea na patino le maliu le Faaola mo i latou.

Vitio: “Jesus Is Scourged and Crucified” (4:48; matamata mai le faailotaimi 1:04 i le 4:48); “None Were with Him” (18:12; matamata mai le faailotaimi 9:00 i le 12:37)

Fautuaga faavitio mo le aotauina: Mafaufau e faaali atu ata ma faamatalaga ma faaali vitio e fesoasoani ai i tamaiti e aoao e ala i le vaai e auai ai i anomea. Ma le isi, ina ia faia le lesona ia sili atu ona anoa i ala o faasalalauga, mafaufau e sii mai se viiga e uiga i le Togiola a le Faaola mai le ChurchofJesusChrist.org ma taina a o faia e tamaiti aoga le gaoioiga faaiu.

Luka 23:33–46; Ioane 19:26–30

Faamoemoega o le lesona: O lenei lesona ua faamoemoe e fesoasoani i tamaiti aoga e mafaufau ai e uiga i mea e mafai ona latou aoaoina mai le faataitaiga a le Faaola i le taimi o Lona Faasatauroga ma le ala e faatosinaina ai e lenei mea o latou lagona ma le manao ia avea atili e faapei o Ia.

Sauniuniga a le tamaitiiti aoga: Valaaulia tamaiti aoga e o mai saunia e faasoa mai e uiga i se tasi latou te iloaina na faaalia lo latou agaalofa po o le mutimuti alofa e ui ina o loo aafia i luitau faigata.

Ata e faaali atu: O ata o mea eseese na tutupu i le aso mulimuli o le soifuaga faaletino o le Faaola—e pei o Lona puapuagatia i Ketesemane, o le faamasinoga na faia e taitai Iutaia, o le faamasinoga na faia e Pilato ma Herota, o le sasaina, ma le Faasatauroga—pe a manaomia
Vitio: “Love One Another as He Has Loved Us” (9:43; matamata mai le faailotaimi 3:22 i le 7:54)

Fautuaga faavitio mo le aotauina: Mafaufau e faasoa atu le lau o lau komepiuta e fai ma laupapa paepae. E mafai e tamaiti aoga ona taina upumoni latou te aoaoina e uiga ia Iesu Keriso i le lesona atoa i luga o le laupapa paepae. I se taimi mulimuli ane o le lesona, e mafai foi ona latou lisiina ai ni auala e mafai ona avea atili ai i latou e faapei o Iesu Keriso.

Mataio 27:50–66; Mareko 15:39–47;Luka 23:46–56;Ioane 19:38–42

Faamoemoega o le lesona: O lenei lesona ua faamoemoe e fesoasoani i tamaiti aoga ia malamalama ma manatunatu i mea na faia e Iesu Keriso mo i latou ma mea e mafai ona latou faia e faaalia ai le faamamaluina ma le talisapaia o Ia.

Sauniuniga a le tamaitiiti aoga: Valaaulia tamaiti aoga e mafaufau loloto i mea na faia e le Faaola mo i latou ma fai se lisi o auala e mafai ona latou faaalia ai lo latou alolofa mo Ia.

Aitema: O se ata o se e pele ua maliu ma, pe afai foi o maua, le talaaga o se ua maliu po o se polokalama mai i sauniga o le maliu.
Ata: O se ata faigofie o le malumalu o Ierusalema i le Feagaiga Fou i luga o le laupapa; ata o se tuugamau, muro, ma mea manogi

Fautuaga faavitio mo le aotauina: Mafaufau e valaaulia se tamaitiiti aoga se toatasi pe toalua e sauni e faasoa ane mea latou te mananao e manatua e uiga i se e pele ua maliu ma pe faapefea ona latou alolofa ma faamamaluina i latou.

Atamai i Aoaoga Faavae Toefaamanatu 11

Faamoemoega o le lesona: O lenei lesona o le a fesoasoani i tagata aoga e toe faamanatu ai upumoni o loo maua i fuaitau o mau o le atamai i aoaoga faavae ma o le a fesoasoani ia i latou e faataitai ai le faaaogaina o nei upumoni i ni tulaga eseese.

Sauniuniga a le tamaitiiti aoga: Afai e ono mafai, tuu atu i tamaiti aoga se kopi o le pepa faasoa o loo aofia ai i lenei lesona. Valaaulia i latou e toe faamanatu ia mau o le atamai i aoaoga faavae ma fasifuaitau autu. Ma le isi, fai atu ia i latou e mafaufau i ni tulaga e mafai ona fesoasoani ai upumoni o loo maua i nei fuaitau o le atamai i aoaoga faavae.

Siata: O le siata o le atamai i aoaoga faavae e faaali i luga o le laupapa pe tufaina atu
Anomea mo tamaiti aoga: Pepa mo tusitusiga

Fautuaga faavitio mo le aotauina: A maea ona tusia e tamaiti aoga uma se tulaga i luga o se fasipepa, filifili se tamaitiiti aoga se toatasi e faaali atu mea na ia tusiaina i le vasega. Atonu e fesoasoani le valaaulia o le vasega e filifili le vaaiga mo le failauga i luga o a latou polokalama faakomepiuta (e le o le vaaiga o le potu-ata) e vaai manino atili ai i mea na tusia e le tamaitiiti aoga lautogia. Ona mafai lea ona tali mai tamaiti aoga i le fuaitau o le atamai i aoaoga faavae e mafai ona fesoasoani i se tasi o loo iai i lena tulaga. Ona mafai lea e lena tamaitiiti aoga ona piki se isi tamaitiiti aoga e faaali mai o latou tulaga, ma faasolo ai faapena .