Seminare
Mataio 13; Luka 8; 13

Mataio 13; Luka 8; 13

Vaaiga Aoao

I le vaiaso lenei, o le a e maua le avanoa e suesue ai i nisi o faataoto a le Faaola, e aofia ai le faataoto i le lulu saito ma le faataoto i le saito ma titania. O le suesueina o faataoto a le Faaola e mafai ona fesoasoani ia te oe e aoao ai mea moni faaleagaga ma maua ai se alofa sili atu mo Iesu Keriso.

Sauni e Aoao Atu

O nei faamatalaga e aoga mo faiaoga ia latou iloa ai po o a ni mea e tatau ona saunia ae lei amata lesona taitasi.

Mataio 13

Faamoemoega o le lesona: O lenei lesona o le a maua ai e tamaiti aoga avanoa e suesue ai faataoto, ia iloa ai o latou uiga faaleagaga, ma vaai ai mo ni auala e faatino ai mea ua latou aoaoina.

  • Sauniuniga mo tamaiti aoga: Valaaulia tamaiti aoga e iloilo lo latou gafatia e malamalama i faataoto a le Alii. E mafai ona faitau tamaiti aoga i le Mataio 13:44–48 ma fua faatatau lo latou talitonuga i lo latou agavaa e aumai ai lesona faaleagaga mai nei faataoto pupuu.

  • Ata:Sauni e faʻaali se ata ma ata natia.

Mataio 13:3–8, 18–23

Faamoemoega o le lesona: O lenei lesona o le a fesoasoani i tamaiti aoga e saunia ai o latou loto e talia ma faafaileleina le afioga a le Atua.

  • Sauniuniga mo tamaiti aoga: Valaaulia tamaiti aoga e mafaufau loloto i le fesili o loo faalauiloaina mai i totonu o le Sau, Mulimuli Mai ia te Aʻu i lenei vaiaso: “Aisea o nisi o taimi e talia ai e o tatou loto le mea moni, ae o nisi o taimi e faaosoosoina ai i tatou e tetee atu i ai?” (Mati 20–26. Mataio 13; Luka 8; 13; ‘O Le Ua i Ai Taliga e Faalogo Ai, ina Faalogo Mai ia o Ia,’” Sau, Mulimuli Mai ia te Au—Mo Tagata Taitoatasi ma Aiga: Feagaiga Fou 2023).

  • Fautuaga mo aoaoga e faaaoga ai fesootaiga vitio i luga o upega tafailagi: Mafaufau pe tuu se avanoa i tamaiti aoga e faasoa ai i a latou ata tusia ma isi tamaiti o le vasega. E mafai ona faia lenei mea i ni potu vaevaeina.

Mataio 13:24–30, 36–43

Faamoemoega o le lesona: O lenei lesona o le a fesoasoni i tamaiti aoga ina ia siitia ai lo latou naunautaiga e auai i le faapotopotoina o Isaraelu.

  • Sauniuniga mo tamaiti aoga: Valaaulia tamaiti aoga ina ia saunia e talanoa i fesili nei: O ai se tasi o tagata o lou aiga na muamua auai i le Ekalesia? O le a se mea ua e iloa e uiga i le latou talaaga? E mafai ona talanoa tagata aoga i fesili nei ma se tasi o le latou aiga.

  • Fautuaga mo aoaoga e faaaoga ai fesootaiga vitio i luga o upega tafailagi: Mo fesili i le amataga o le lesona, mafaufau e valaaulia tagata aoga e faaaoga auaunaga o feau tusitusi e faasoa ai a latou tali. Ona tuu atu lea i tamaiti aoga le taimi e faitau ai tali a latou uo. O nisi tagata aoga e mafai ona faailoa mai se tali latou te mananao e faalogo atili i ai.

Toe Iloiloga o le Atamai Faapitoa i Aoaoga Faavae 4 Faamoemoe o le lesona: O lenei lesona o le a maua ai e tagata aoga avanoa e faataitai ai le faaogaina o tusitusiga paia o le Atamai i aoaoga faapitoa i Aoaoga faavae i ni ata faataitai e tutusa ma e ono fetaiai ma i latou i le latou lava olaga.

Maitau: O le lesona o fuaitau o le atamai i aoaoga faavae e ono aoaoina e sui tulaga i lenei iloiloga o le lesona. Vaai i le faasologa faatulagaina o lesona i le eria po o le itulagi faatonu po o le taitai faamaopoopo e mautinoa ai o aoaoga faavae o le atamai i lalo o le lesona o le a aoaoina ao faia le vasega seminare.

  • Tapenaga mo tagata aoga: Valaaulia tagata aoga e mafaufau loloto i auala ua latou faatinoina i o latou olaga ia soo se mea moni sa aoao atu i fuaitau o atamai i aoaoga faavae ua latou aoaoina i lenei vaega o le tausaga.

  • Mea Faitino: Tusi le mau fefaasinoai mo le fuaitau o le atamai i aoaoga faavae o loo faaogaina i le lesona i fasipepa (tasi le mau fefaasinoai i pepa taitasi). Tautau i luga pepa i soo se vaega o le potu.

Tofotofo Lou Aoaoina 3

Faamoemoe o le lesona: O lenei lesona ua faamoemoe e fesoasoani i tagata aoga e iloilo ai sini na latou setiina ma aoaoina ma le tuputupu ae o le tagata lava ia na latou maua mai a latou suesuega o le Feagaiga Fou e oo mai i lenei vaega o le tausaga.

  • Tapenaga mo tagata aoga: Valaaulia tagata aoga e suesue i le Mataio 11:16–19 ma sauni e faaali mai se tomai o le suesuega o mau latou te ono faaaogaina ia malamalama lelei ai i nei fuaiupu. Atonu e aoga le lisiina o ni nai tomai pei o le faafesootai po o le fefaasinoai, e aoga le faaaoga o fesoasoaniga mo suesuega, po o le malamalama i faailoga ma faatusa e toe faafou ai mafaufau o tagata aoga i nisi o tomai na aoaoina ai i latou.

  • Fautuaga mo aoaoga e faaaoga ai fesootaiga i vitio i luga o upega tafailagi: E mafai ona valaauina tagata aoga e faasoa lau o a latou masini ma faaali se faataitaiga pe faapefea ona latou faaaogaina se tomai i suesuega o mau ia latou tusitusiga paia o masini faaneionapo.