Mataio 11–12; Luka 11

Vaaiga Aoao

Na molimau mai le Faaola e mafai ona tatou iloa atili le Tama Faalelagi e ala i lo tatou suesue i le faataitaiga a Lona Alo. I le taimi o Lana talaiga, na Ia aoao mai ai se tulafono maualuga atu ma sa faia faamalologa i nofoaga faitele. Na Ia aoao mai afai tatou te o atu ia te Ia, o le a Ia faamāmāina a tatou avega ma aumaia ia i tatou le malologa. Na Ia tuuina mai foi ni aoaoga manino e uiga i le Sapati ma e uiga i le tatalo.

Sauni e Aoao Atu

O faamatalaga nei e tuuina atu ai i faiaoga ni manatu mo mea e ono manaomia ona saunia muamua a o lei faia lesona taitasi.

Mataio 11:27; Ioane 5:19, 30; Ioane 8:18–28

Faamoemoega o le lesona: O lenei lesona e mafai ona fesoasoani i tamaiti o le vasega ia malamalama atili e uiga i le Tama Faalelagi ma Ona lagona e uiga ia i latou.

Sauniuniga a le tagata o le vasega: Valaaulia tamaiti o le vasega e mafaufau e uiga i a latou sootaga ma le Tama Faalelagi ma pe mafai faapefea ona latou faamalosia.

Anomea mo tamaiti o le vasega: Api talaaga o suesuega po o ni fasi pepa ia tofusia ai tamaiti taitasi o le vasega

Fautuaga mo aoaoga e faaaoga ai fesootaiga vitio i luga o upega tafailagi: I le faaiuga o le lesona, valaaulia tamaiti o le vasega e faaaoga le vaega mo talatalanoaga [chat feature] e faasoa atu ai se mea na latou tusia e uiga i le Tama Faalelagi. Filifili se tamaitiiti o le vasega na tusi i le vaega mo talatalanoaga e faasoa atili mai e uiga i o latou manatu faaalia. A maea ona faasoa lenei tamaitiiti o le vasega, valaaulia i latou e filifili se manatu faaalia a se isi tamaitiiti o le vasega ma ia faasoa ane lena tamaitiiti o le vasega.

Mataio 11:28–30

Faamoemoega o le lesona: O lenei lesona e mafai ona faatupulaia ai le mautinoa o tamaiti o le vasega e mafai e le Alii ona fesoasoani i luitau ma avega o feagai ai ma i latou.

Sauniuniga a le tamaitiiti o le vasega: Valaaulia tamaiti o le vasega e fesili i se tagata o o latou aiga po o se uo e uiga i se auala na tuuina atu ai e le Faaola le filemu ma le mafanafana ia i latou.

Anotusi e faaali atu: O se ata o manuvaefa o loo faaaogaina se amo
Vitio: “Come unto Christ: 2014 Theme Song” (4:48); “Chapter 17: Alma and His People Escape” (1:54; matamata mai le taimi 0:01 e oo i le 1:29)

Fautuaga mo aoaoga e faaaoga ai fesootaiga vitio i luga o upega tafailagi: Mafaufau pe faaali atu se ata o se faatagata faafasilaau e faaaoga ai se auaunaga e mafai ona faaaoga faatasi e le toatele i le taimi e tasi, e pei o le laupapa paepae, ia mafai ona faaaoga e tamaiti aoga e tusi ai upu po o ata e lio ai le faatagata faafasilaau e fai ma faailoga o avega ma luitau o feagai ma i latou.

Atamai i Aoaoga Faavae: Mataio 11:28–30

Faamoemoega o le lesona: O lenei lesona o le a tuu ai i tamaiti aoga se avanoa e faamatala mai ai o latou malamalama i aoaoga faavae, i le faaaogaina o mataupu faavae mo le ausiaina o le malamalama faaleagaga i se ata faataitai e tai tutusa ma aafiaga o ono i ai i o latou lava olaga.

Sauniuniga a le tamaitiiti aoga: Valaaulia tamaiti aoga e faataitai ona taulotoina le mau faasino mo le atamai i aoaoga faavae ma le fasifuaitau autu o le mau mo le Mataio 11:28–30 (po o le fuaitau atoa pe a mafaia e tamaiti aoga). Fai atu ia i latou e mafaufau pe faapefea ona latou faaaogaina mea ua latou aoaoina e uiga i le gafatia e Iesu Keriso ona faamāmāina a latou avega pe a latou o mai ia te Ia.

Anotusi e faaali atu: O le gaoioiga faafetaui puupuu
Anomea mo tamaiti aoga: Fasi pepa e mafai ona tusi ai i luga tamaiti aoga ma fesuiai ma le isi

Fautuaga mo aoaoga e faaaoga ai fesootaiga vitio i luga o upega tafailagi: Mafaufau e faaaoga le ki o le faasoa le lau [screen sharing] e faaali atu ai le polokalama o le Doctrinal Mastery ma faasino ai i tamaiti aoga le ala e maua ai le polokalama. Fai faatasi se gaoioiga e tautauloto [ai mau] ma le vasega.

Mareko 2:23–3:6

Faamoemoega o le lesona: O lenei lesona o le a fesoasoani i tamaiti aoga e malamalama atili i le faamoemoega o le Sapati ma pe faapefea ona valaaulia atoatoa faamanuiaga a le Alii i totonu o o latou olaga.

Sauniuniga a le tamaitiiti aoga: Valaaulia tamaiti aoga e mafaufau i se auala e sili ona latou fiafia e faalatalata atili ai i le Faaola, taitoatasi pe faatasi ma o latou aiga, i le aso Sapati.

Tufaaga: “O Le Aso Sapati”
Vitio: “Share Your Sabbath” (0:53)

Fautuaga mo aoaoga e faaaoga ai fesootaiga vitio i luga o upega tafailagi: Mafaufau e faaaoga le ki mo le talatalanoaga e tuu ai le avanoa i tamaiti aoga e fai ai ni a latou fesili o ono i ai e uiga i le aso Sapati. O le vaaia o fesili a le tasi ma le isi e mafai ona uunaia ai i latou e tali i fesili a le tasi ma le isi ma faia nisi fesili faaopoopo.

Luka 11:1–13

Faamoemoega o le lesona: O lenei lesona e mafai ona fesoasoani ai i tamaiti aoga e fa’aānoa atili ai a latou tatalo.

Sauniuniga a le tamaitiiti aoga: Valaaulia tamaiti aoga e mafaufau loloto i mea ua latou faia e fa’aānoa atili ai a latou tatalo.

Anotusi e faaali atu: O se laina faalava ua tusia i luga o le laupapa, faatasi ma le faaupuga E faigofie le tatalo i le tasi itu ma le faaupuga E faigata le tatalo i le isi itu

Fautuaga mo aoaoga e faaaoga ai fesootaiga vitio i luga o upega tafailagi: O se vaega o le gaoioiga i le amataga o le vasega, mafaufau pe fai se palota e fesili ai i tamaiti aoga pe latou te manatu e faigofie pe faigata le tatalo.