The angel Gabriel (Noah) appearing to Mary and declaring to her that she would become the mother of Jesus Christ. Mary is depicted seated on a round stone ledge. The ledge borders a tree and flowers. The angel Gabriel is depicted wearing white robes. A stone wall and stairways are in the background. There are flowers in the foreground. Luke 1:26-38
Na sau le agelu ia Kapelielu e faailoa mai ia Maria le fanau mai o Iesu Keriso. Sa ia molimau atu “e leai lava se mea e tasi e le mafaia e le Atua” (Luka 1:37) E mafai ona fesoasoani le tali faatuatua a Maria e te aoao ai le ala e te tali atu ai i le finagalo o le Atua ma le matua talitonu ia te Ia.
Valaauliaina o tagata aoga ia faatino. E aoao tagata aoga a o latou auai malosi i le faagasologa o le aoaoina ma ola i le talalelei. Ao e aoao atu, saili ni auala mo tagata aoga e auai i aafiaga o le aoaoga. A o latou faatino i le faatuatua, o le a atili ai ona liua tagata aoga i le Faaola ma Lana talalelei.
Tapenaga a le tagata aoga: Valaaulia tagata aoga e mafaufau loloto i fesili nei:
O le a se mea ua e iloa e uiga i le Tama Faalelagi ma Iesu Keriso ua fesoasoani ia te oe e tuu atu lou faatuatuaga ia i Laua?
Gaoioiga e Mafai Ona Faaaoga e Aoao Mai Ai
Valaaulia tagata aoga e tali mai i fesili nei: Mafaufau e valaaulia tagata aoga e tusi a latou tali i luga o le laupapa.
O ai e te faapea mai o tamaitai e aupito sili ona malolosi faatosinaga i lou olaga?
Faaali atu se ata o Maria, e pei o le ata o loo i le amataga o le lesona.
I lenei lesona, o le a e aoao atili ai ia Maria, le tina o Iesu Keriso.
Aisea e te manatu ai e tatau ona avea Maria o se tamaitai aupito malosi ana faatosinaga i le talafaasolopito o le lalolagi?
O le soifuaga ma le misiona a Maria sa valoia i le tele o tausaga ao lei fanau mai o ia. Suesue perofetaga o sosoo mai e uiga ia Maria, ma vaavaai mo mea o loo aoao atu ia te oe e uiga ia te ia.
O le a se mea ua e aoaoina e uiga ia Maria mai nei mau?
Faatomuaga i le Talalelei [Evagelia] a Luka
O le tala ia Maria ina ua ia iloa o le a avea o ia ma tina o Iesu Keriso o loo tusia i le Evagelia a Luka.
Faailoa atu i tagata aoga le Evagelia a Luka. O se tasi auala e faia ai o le aotele o le parakalafa lenei.
E mafai foi ona fesoasoani le fetufaai o nisi o faamatalaga o i le Tala ma Faamatalaga o Talaaga“ i lalo o le ulutala “Aisea e suesue ai le Evagelia a Luka?”
O Luka sa avea ma fomai (tagai Kolose 4:14)) ma “o se ave feau a Iesu Keriso” ( Faaliliuga a Iosefa Samita, Luka 1:1 [i le Luka 1:1, vaefaamatalaga a]). E tele ni mea sa tutupu mai le soifuaga o le Faaola o loo maua i le Evagelia a Luka, e aofia ai le faasilasilaga a le agelu ia Maria o le a avea o ia ma tina o le Alo o le Atua. O lenei mea na tupu ua lauiloa o le Uluai Faaaliga ia Maria.
Ao e suesue i lenei tala ma le faataitaiga faamaoni a Maria, ia nofouta i mea e te aoaoina ma uunaiga faaleagaga e te mauaina.
Ua faaali atu le agelu o Kaperielu ia Maria
Faitau le Luka 1:26–37 , vaavaai mo auiliiliga o loo siosiomia ai le faasilasilaga a le agelu ia Maia.
Atonu foi e te manao e matamata i le vitio “An Angel Foretells Christ’s Birth to Mary” (4:07), o loo maua i le ChurchofJesusChrist.org, a o e mulimuli ai i au tusitusiga paia.
O a ni faamatalaga mai le faasilasilaga e tumatila mai ia te oe?
O a ni au fesili e uiga i mea na e faitau ai?
O se tasi upumoni atonu e te matauina mai lenei tala o le E leai lava se mea e tasi e le mafaia e le Atua.Sa faasoa mai e Peresitene Russell M. Nelson se tasi o auala e faatatau ai lenei mea moni ia te oe.
Ata
Official portrait of President Russell M. Nelson taken January 2018
O le a talosagaina oe ia taliaina ni tofiga faigata ma avea ma se meafaigaluega i aao o le Alii. Ma o le a Ia faia oe ia mafai ona e faataunuu mea e faigata.
(Russell M. Nelson, “Becoming True Millennials” [faigalotu i le lalolagi atoa mo talavou matutua, Jan. 10, 2016], broadcasts.ChurchofJesusChrist.org).
Mafaufau e tusi i le laupapa a tagata aoga i le fesili muamua o fesili nei. Afai e tatau ai, fesoasoani ia i latou i ni auala eseese e tali ai le fesili lea, e aofia ai le faatoilaloina o mausa leaga po o agasala, o le agalelei, faasoa atu o le tala lelei i isi, faataunuuina o tiutetauave i le Ekalesia, auauna atu i se misiona, ma isi auala.
O le a se mea e ono fesili atu ai le Alii e te faia e foliga mai atonu e le mafai?
Aisea e ono foliga mai ai e le mafai ona faataunuuina nei mea i nisi taimi?
O nisi taimi pe a tatou fetaiai ma matafaioi e foliga mai e le mafai ona ausia, e mafai ona fesoasoani le vaai i faataitaiga a isi tagata sa tali faamaoni atu i o latou lava tulaga faigata.
Faitau le Luka 1:38, vaai pe na faapefea ona tali atu Maria ina ua ia iloa o le a avea o ia ma tina o Iesu.
O le a le mea i le tali a Maria ua fesoasoani ia te oe e malamalama ai e uiga ia te ia?
O a ni mea moni e te manatu o le a fesoasoani i se tagata e talitonu ai i le Alii e pei ona sa faia e Maria, tusa lava pe foliga mai e le mafaia se mea e fetalai mai ai le Alii?
Afai e mafai ona aoga i tagata aoga le suesue o ni faataitaiga faaopoopo o tagata sa tali atu i le faatuatua i o latou tulaga sa foliga mai e le mafai, mafaufau e tuu se taimi mo tagata aoga e saili se faataitaiga faapena mai tusitusiga paia. Atonu e aoga le faasino o i latou i tala e pei o le aumaia e Nifae o paptusi apamemea (tagai i le 1 Nifae 3–4), Mose o loo vaeluaina le Sami Ulaula (tagai i le Esoto 14:10–31), po o se isi tala i tusitusiga paia.
Faaali pe saunia se kopi mo tamaiti aoga o le isi vaega o le saunoaga a Peresetene Nelson.
Mafaufau i se mea na poloaiina oe e le Alii e fai e ono foliga e le mafai. Ao e faitau atili mai le saunoaga a Peresetene Nelson, vaavaai ni mea patino e mafai ona e faia e fesoasoani ia te oe i le faataunuuina o mea e le mafai ona fai:
Ata
Official portrait of President Russell M. Nelson taken January 2018
O le a faapefea ona e faataunuuina mea e faigata? O le faia o soo se mea e faamalosia ai lou faatuatua ia Iesu Keriso, e ala i le faateleina o lou malamalama i aoaoga faavae o loo aoaoina i Lana Ekalesia toefuataina, ma e ala i le sailia ma le filiga o le upumoni. … Pe a talosagaina oe e fai mea e ono le mafai ona fai, o le a mafai ai ona e laa i luma ma le faatuatua ma le naunautaiga malosi ma faia ma le fiafia mea uma ua i ai i lou mana e faataunuu ai faamoemoega o le Alii.
O le a i ai ni aso o le a e matuai lotovaivai ai lava. O lea ia tatalo ai mo le malosi ia aua le fiu!
(Russell M. Nelson, “Becoming True Millennials” [faigalotu i le lalolagi atoa mo talavou matutua, Jan. 10, 2016], broadcasts.ChurchofJesusChrist.org).
Valaaulia tagata aoga e tusifaamaumau a latou tali i fesili nei i a latou api talaaga o suesuega. Tuu ai pea le saunoaga a Peresitene Nelson e faaali a o latou tusitusi ina ia mafai ona latou vaai i ai. A ua lava le taimi e tusitusi ai, valaaulia ni volenitia e faasoa mai a latou tali i le vasega.
O le a se faatinoga e tasi mai le saunoaga a Peresitene Nelson e te manao ia e lelei atili ai?
O le a sou manatu e mafai faapefea e le faaleleia i le vaega lenei ona fesoasoani ia te oe ia faataunuuina mea e foliga faigata i lou olaga?
Tala ma Faamatalaga o Talaaga
Aisea e suesue ai le Evagelia a Luka?
O nisi o tala e sili ona lauiloa e uiga ia Keriso e tulagaese i le Evagelia a Luka: o tulaga o loo siosiomia ai le fanau mai o Ioane le Papatiso. (tagai i le Luka 1:5--25, 57--80); o le tala i tu ma aga o le Kerisimasi (tagai i le Luka 2:1–20); o le tala ia Iesu o se tama 12 tausaga i totonu o le malumalu (tagai i le Luka 2:41–52); faataoto e pei o le Samaria agalelei (tagai i le Luka 10:30-37), o le uii faamaumau oa (tagai i le Luka 15:11–32), ma le mauoa ma Lasalo (tagai i le Luka 16:19–31); o le tala i lepela e toa sefulu (tagai i le Luka 17:11–19); ma le tala i le Alii toetu o savali i tafatafa o ona soo i le ala i Emau (tagai i le Luka 24:13–32).
O isi vaaiga tulagaese o le faaaofia ai e Luka o aoaoga a Ioane le Papatiso e le o maua i isi Evagelia (tagai i le Mataio 3:2, 11–12); o lana faamamafa i le soifua tatalo o Iesu Keriso (tagai i le Luka 3:21 ; 5:16 ; 9:18, 28–29 ; 11:1); ma lona faaaofia ai o le valaauga, aoaoina, ma galuega faamisiona a Fitugafulu (tagai i le Luka 10:1–22). E sili atu i lena, o Luka o le na o le pau lea o le tusitala faa-Evagelia ua tusia faapea na afutoto le Faaola i Ketesemane ma sa auauna atu se agelu ia te Ia (tagai i le Luka 22:43-44).
Na aoao mai le Perofeta o Iosefa Samita (1805-44) e uiga i le faasinomaga o le agelu o Kaperielu:
Ata
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
“O [Noa] … o Kaperielu; e sosoo mai ia Atamu lona tulai mai i le pule i le Perisitua; na valaauina o ia e le Atua i lenei tofi, ma o ia o le tama o tagata ola uma i ona aso, ma na tuuina atu ia te ia le mana.
(Aoaoga a Peresitene o le Ekalesia: Iosefa Samita [2007], 151.)
O Isaraelu anamua, e malilie loa e faaipoipo, e lua vaega o le faaipoipoga: faamau (e taua foi o le faufautane; tagai i le Mataio 1:18) ma se sauniga o le faaipoipoga. E ui o ulugalii ua faamauina ua taua lava faaletulafono o le tane ma le ava (tagai i le Teuteronome 22:23–24), i le va o le taimi o le faamauga ma le sauniga o le faaipoioga, ae sa faamalosia lava se aiaiga faapitoa o le ola mama (tagai i le Mataio 1:18–25 ; tagai foi i le Tusi Lesona a Tagata Aoga o le Feagaiga Fou[2014], 13).
O le a se mea ua tatou iloa e uiga i le maitaga faavavega a Maria?
Ina ua fesili Maria pe faapefea ona avea o ia ma tina o Iesu, “ou te lei iloa se tane” ( Luka 1:34), Sa na ona faailoa atu e Kaperielu o le a faamalumalu ifo le Agaga Paia i luga ia te ia ma o lana tama foi o le Alo lea o le Atua (tagai i le Luka 1:35). O isi mau e faasino i le fanau mai o Iesu Keriso o loo faapena foi ona faamamafa mai faapea o Ia o le Alo o le Atua ae e le o faaalia mai ai pe na faapefea ona tupu lea vavega. Mataio 1:18–20 ; Nifae 11:14-15, 18-21 ; Alema 7:10).
. O faamanuiaga a le Atua e sau i Lona lava taimi ma Lana lava ala
Fai i le vasega e mafaufau i se faamanuiaga po o se tali mai le Atua o loo latou faatalitali pe faamoemoe i ai.
Valaaulia le vasega e suesue le tala i a Sakalia ma Elisapeta i le Luka 1:5–25, vaai ni lesona e mafai ona latou aoao ai e uiga i le taimi a le Alii.
A uma ona aoaoina e le vasega nei fuaiupu, valaaulia i latou e faasoa ni mea sa latou aoaoina. Mafaufau e faaaoga fesili e pei o nei e faalautele ai le talanoaga:
E te manatu o le a le mea na aoao e Sakaria ma Elisapeta e uiga i le Alii e ala i o la aafiaga o loo faamatala mai i nei fuaiupu?
O le se mea ua e aoao mai lenei tala e uiga i le mea e mafai ona e faia a o e faatalitali mo se faamanuiga po o se tali mai le Atua?
O a isi faataitaiga o le faalagolago i le finagalo ma le taimi o le Alii e mafai ona e mafaufau i ai mai lou lava olaga pe mai i tala i tusitusiga paia?
Pe na i ai se taimi i lou olaga na tali ai e le Alii se tatalo ae le o le auala po o le taimi lea sa e faamoemoeina?
Se faataitaiga o aso nei ua fesoasoani ai le Atua i se tasi e faataunuu ni mea na te lei manatu e mafai.
Ina ia fesoasoani i tagata aoga e vaai i se faapupulaga faanei ona po e faapea e leai se mea e faigata i le Atua, mafaufau e faaali le vitio “Sweet Power of Prayer: (time code 4:14 to 8:38), o loo maua i le ChurchofJesusChrist.org. I lenei vitio o loo toe faamatala ai e Peresitene Russell M. Nelson se aafiaga i le taimi na faaali mai ai e le Atua le ala e lipea ai le fatu o se ma’i i le taimi o le taotoga.
