Ia Fai le Finagalo o le Atua e Iloa ai Lana Mataupu
Ata
Jesus Christ is teaching in the temple and being approached by the chief priests, elders and scribes who ask Him the source of his authority. Christ questions them whether the baptism of John the Baptist was of heaven or of man. Outtakes include closeups of people in the crowd and of Caiaphas.
I le taimi o le Tausamiga o Fale Apitaga i Ierusalema, na faamalamalama ai e Iesu le ala e iloa ai e soo se tasi mo i latou lava o le mataupu na Ia aoaoina e mai le Tama Faalelagi. O le a fesoasoani lenei lesona ia te oe e iloa ai po o a mea e mafai ona e fai e iloa ai le moni o aoaoga a le Tama Faalelagi ma Iesu Keriso.
O le faaauai ai o tamaiti aoga. Saili mo auala e uunai ai tamaiti aoga uma e auai i le vasega. Na aoao mai Elder David A. Bednar o le Korama o Aposetolo e Toasefululua, e faapea o le tatou sini o le fesoasoani i tagata aoga ia “mafai ai ona faalagolago ia i latou lava i le faaleagaga … a o tatou fesoasoani ia i latou e aoao e ala lea i le faatino” (“Seek Learning by Faith” [Church Educational System address, Feb. 3, 2006], byu.edu).
Sauniuniga a le tagata o le vasega: Valaaulia tagata aoga e mafaufau po o ai, pe o le foi se mea sa aupito sili ona fesoasoani i le tapueina o lo latou malamalama ma talitonuga i le taimi nei e uiga ia Iesu Keriso ma Ana aoaoga. Valaaulia i latou e tusi o latou manatu i luga o se fasi pepa ma aumai le pepa i le vasega.
Gaoioiga e ono Mafai Ona Aoao Ai
O talitonuga eseese e uiga ia Iesu Keriso
O a ni talitonuga o i ai i tagata e uiga po o ai Iesu Keriso?
Aisea e taua ai mo oe le iloaina o le mea moni e uiga ia Iesu Keriso tusa lava po o a ni manatu o isi tagata?
Afai na maea ona fai e tagata o le vasega le gaoioiga sauniuni a tagata aoga, mafaufau e valaaulia i latou e faasoa ane mea na latou tusia.
Faaaoga se minute e mafaufau ai e uiga i mea sa faa-aafiaina ou talitonuga e uiga ia Iesu Keriso. Filimaoti po o a punavai e matele ina e tapa i ai mo le upumoni, ma mafaufau loloto pe faapefea ona latou faatosina ai ou talitonuga. A o e suesue i le aso lenei, saili po o a mea e mafai ona e fai ina ia e iloa ai le mea moni e uiga ia Iesu Keriso ma Ana aoaoga.
Ona sa toatele i latou i Ierusalema na mananao e fia fasioti ia Iesu, na Ia auai ai faalilolilo i le Tausamiga o Fale Apitaga (tagai i le Ioane 7:1, 10). A o tausaili tagata Iutaia ia Iesu, ma a o faagasolo le tausamiga, na femusuai tagata i le tasi i le isi i manatu eseese e uiga po o ai Iesu.
Faaali atu pe kopi le siata lenei i luga o le laupapa. Mafaufau e vaevae fuaiupu ma fesili i tagata aoga ia aua ai nei tele se taimi e faaalu i lenei vaega o le lesona.
Na faapefea ona faamatalaina e le au Faresaio soo se tasi e talitonu ia Iesu?
O a mafuaaga na faamatala e tagata mo le talitonu ai po o le lē talitonu ai ia Iesu Keriso?
O a ni manatu o tagata o i ai e uiga ia Iesu Keriso ma Ana aoaoga i aso nei?
E faapefea ona tatou iloa le mea moni e uiga ia Iesu Keriso ma mea o loo Ia aoaoina?
O le iloaina o le mea moni e uiga ia Iesu Keriso ma Ana aoaoga
A o faagasolo le Tausamiga o Fale Apitaga, na maliu atu Iesu i le malumalu e aoao atu ai. Na Ia faamatala i tagata na i ai i le malumalu o le mataupu sa Ia aoaoina ma o Ia lava na auina mai le Tama Faalelagi (tagai i le Ioane 7:14, 16–18, 28–29)
Faitau i le Ioane 7:17, ma saili po o a mea na fetalai mai ai Iesu e mafai ona fai e tagata ina ia iloa ai e moni mea na aoao mai e Iesu ma na auina mai o Ia mai le Tama Faalelagi.
Valaaulia tagata aoga e saili po o a mataupu faavae e mafai ona latou aoaoina mai lenei fuaiupu. Tusi i luga o le laupapa faamatalaga e faasoa mai e tagata aoga.
O se tasi o mataupu faavae e mafai ona tatou aoaoina mai lenei fuaiupu o loo faapea mai, afai tatou te faia le finagalo o le Tama Faalelagi, e mafai ona tatou iloa e moni Ana aoaoga faavae.
O le faia o le finagalo o le Tama Faalelagi o lona uiga o le ola e pei ua Ia finagalo e tatau ona tatou ola ai. Na soifua ma aoao atu e le Faaola o Iesu Keriso i taimi uma le finagalo o le Tama Faalelagi .
O a ni faataitaiga o le faia e Iesu o le finagalo o le Tama e mafai ona e faasoa i ai?
O le a se mea e ono faafaigata ai ona tausia se mataupu faavae e tatou te lē o mautinoa e moni?
Na tuuina mai e Peresitene Bonnie L. Oscarson, lea sa avea muamua ma Peresitene Aoao o Tamaitai Talavou, le fautuaga lenei i le iloaina o le upumoni:
Ata
Official portrait of Bonnie Lee Green Oscarson, Young Women general president, 2013. Sustained at the April 2013 general conference.
O nisi taimi tatou te taumafai ai e fai agai i tua. Mo se faataitaiga, atonu tatou te faia le auala lenei: O le a ou fiafia e ola i le tulafono o le sefuluai, ae e tatau ona ou iloa muamua pe moni. Atonu foi tatou te tatalo ina ia maua se molimau i le tulafono o le sefuluai ma faamoemoe o le a faamanuia i tatou e le Alii i lena molimau ae tatou te lei faatumuina lava se lisiti o le sefuluai. E le faapena le auala e fai ai. O loo faamoemoe le Alii ia i tatou ina ia faatino le faatuatua. E tatau ona tatou totogi ma le faamaoni e le aunoa se sefuluai atoa ina ia maua ai se molimau i le sefuluai. E faatatau lenei lava mamanu e tasi i mataupu faavae uma o le talalelei, pe o le tulafono o le ola mama, o le mataupu faavae o le tauagafau, o le Upu o le Poto, po o le tulafono o le anapogi.
(Bonnie L. Oscarson, “Ia Outou Liua,” Ensign po o le Liahona, Nov. 2013, 77)
Aisea e te manatu na finagalo ai Iesu Keriso ia tatou iloa o Lana aoaoga faavae e mai i le Tama Faalelagi ma e moni?
E faapefea e le iloa e moni aoaoga faavae a Iesu Keriso ona fesoasoani ia te i tatou e iloa ai o Ia?
Fesoasoani i tagata aoga e faaloloto atili lo latou malamalama i le mataupu faavae o loo aoaoina i le Ioane 7:17 . O se tasi auala e mafai ona fai ai lenei mea o le faasoa atu i aafiaga o tagata na mauaina se molimau o le upumoni ina ua faatinoina.
Mo le aoaoina o le mataupu faavae i le Ioane 7:17, o loo i ai ni vitio o faataitaiga i totonu o le vaega o le “Gaoioiga Faaopoopo e Aoao Ai” i le faaiuga o le lesona. E mafai foi ona valaaulia tagata aoga e faasoa mai i ni aafiaga pe fai le gaoioiga lenei.
Filifili se tasi o aoaoga a le Alii ua e manao e faamalosia lou molimau i ai. Mo nisi manatu i Ana aoaoga, e mafai ona e sueina lauga na fai mo le autalavou i se konafesi aoao lata mai nei. E mafai foi ona e sueina ni manatu i totonu o le Mo Le Malosi o le Autalavou (2011) tamaitusi pe o totonu o le Mo Le Malosi o le Autalavou mekasini. Valaaulia le Agaga e fesoasoani ia te oe e filifili se tasi o aoaoga a le Alii o le a silisili ona faamanuiaina oe i lenei taimi o lou olaga e te taulai i ai.
Tusi le aoaoga na e filifilia i le pito i luga o se itulau fou i totonu o lau api faamaumau suesuega pe o luga o se fasi pepa fou. Mafaufau loa i se ata faigofie po o se meafaitino e mafai ona e tusia se ata e faaata mai ai lenei aoaoga faavae, ma tusi le ata i le ogatotonu o lau pepa.
Mo se faataitaiga, atonu na e filifilia e faamalosi lau molimau o le Tusi a Mamona o le afioga a le Atua. E mafai ona e tusia se ata faigofie o le Tusi a Mamona.
Ina ia fesoasoani ia te oe e mafaufau i mea o le a manaomia ona fai ina ia maua ai se molimau i le aoaoga na e filifilia, mafaufau i gaoioiga eseese atonu e finagalo le Tama Faalelagi ia e faia e fesootai i le aoaoga. Tusi ni gaoioiga se tolu pe sili atu e siomia ai le ata na e tusia.
Mafaufau pe faapefea ona faatosinaina e le i ai o se molimau malosi atu i lenei aoaoga faavae lau faiā ma le Tama Faalelagi ma Iesu Keriso.
O a ni toatuga e mafai ona taofia oe mai le ola ai i lenei aoaoga faavae? O le a faapefea ona e foia nei toatuga?
O le a se mea e taua ona e malamalama i ai i le taimi ma le taumafaiga atonu e manaomia ona faaalu ina ia iloa ai o lenei aoaoga faavae e mai le Atua?
Mafaufau e valaaulia tagata aoga e faasoa atu i vaega toalaiti mea na latou tusia ma ata ma po o le a le aoaoga faavae na latou taulai i ai.
Atonu e te manao e faasoa au fuafuaga ma se tagata o lou aiga e mafai ona fesoasoani ia te oe e ola i le aoaoga faavae ma oo ai ina iloa e mai le Atua.
O le Tausamiga o Fale Apitaga (ua faaigoaina foi o le Tausamiga o Fale’ie po o Faleoo) e amata ma toe faaiu i le Sapati ma e valu aso le umi. O se vaega o lenei faamanatuga o le fausia o faleoo lē tumau e faaaoga ai lala o laau. Na nonofo tagata i totonu o nei faleoo i le taimi o le tausamiga e faamanatu ai ia i latou sa faamanuiaina e le Atua Ona tagata mo le 40 tausaga a o latou nonofo i le togavao o Sinai.
Ioane 7:17 . O le a le taua o le sailia o le upumoni e ala i le usitai?
Na fetalai le Faaola i Ona soo o i latou e faaauau pea ona ola i Ana aoaoga o le a latou iloaina le upumoni ma o lenei upumoni o le a faasaolotoina i latou (tagai i le Ioane 8:31–32).Na faamatala mai e Peresitene Dieter F. Uchtdorf o le Korama o Aposetolo e Toasefululua le mafuaaga o le a tatou mananao ai e taumafai ia maua se molimau patino i le upumoni.
Ata
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Atonu e fai mai nisi, o laasaga nei ua faigata tele pe e le aoga ai foi se taumafaiga. Ae ou te fautua atu o lenei molimau patino o le talalelei ma le Ekalesia o le mea aupito sili lea ona taua e mafai ona e mauaina i lenei olaga. E le gata e faamanuiaina ma taialaina ai oe i lenei olaga, ae o le a i ai foi sona aafiaga tuusao i lou olaga i le faavavau atoa.
(Dieter F. Uchtdorf, “Mauaina o se Molimau o le Malamalama ma le Upumoni,” Ensign po o le Liahona, Nov. 2014, 22)
Ioane 7:39 . Aisea na fai mai ai Ioane “e lei maua ai le Agaga Paia”?
Na faasino Ioane “i le na o le meaalofa o le Agaga Paia e le o i ai, talu ai o le mana o le Agaga Paia sa galue i le taimi o galuega a Ioane le Papatiso ma Iesu; semanu e leai se tasi e mauaina se molimau i upumoni sa aoaoina e nei tamalii [ Mataio 16:16–17 ; tagai foi i le 1 Korinito 12:3 ]” (Bible Dictionary, “ Agaga Paia ”).
Gaoioiga Faaopoopo e Aoao Ai
Vitio o faataitaiga i le mauaina o le molimau e ala i le usitai
O vitio nei o loo faaalia ai ni faataitaiga o tagata o loo ola i le talalelei ma mauaina se molimau e ala i lo latou usitai faatuatuaina. Mafaufau e faaali se tasi o nei vitio po o vitio uma e lua e fesoasoani e uunai ai tagata aoga e galulue i le faatuatua ma saili ia maua a latou lava molimau i aoaoga a le Tama Faalelagi.
Vitio 1: Na faamatalaina e Peresitene Bonnie L. Oscarson, o le sa avea muamua ma Peresitene Aoao o Tamaitai Talavou, lona olaga talavou i totonu o le sefulu tausaga mai le 1960. O lona usitai i le Upu o le Poto na mafai ai e le Agaga Paia ona faamautu atu ia te ia le moni o lena mataupu faavae o le talalelei. (Tagai i le Bonnie L. Oscarson, “Ia Outou Liua,” Ensign po o le Liahona, Nov. 2013, 77.)
Vitio 2: Na faamatalaina e Peresitene Henry B. Eyring o le Au Peresitene Sili le ala na fesoasoani ai le Tama Faalelagi ia te ia e malamalama i le upumoni o aiga e faavavau a o ia faia lana vaega e aloese ai ma finauga ae aumai le filemu i totonu o lona aiga. (Tagai i le Henry B. Eyring, “O Se Molimau Ola,” Ensign po o le Liahona, Me 2011, 126–27).
