Jesus Christ depicted as the Good Shepherd. Christ is portrayed with a small herd of sheep. He is carrying a sheep (or lamb) over His shoulders. Christ is also carrying a staff in His hands.
Na aoao mai Iesu o Ia o le Leoleo Mamoe Lelei. Na Ia faaaogaina lenei faatusa e fesoasoani ai i Ana au faalogologo e malamalama atili ia te Ia ma lo latou sootaga ma Ia. O le faamoemoega o lenei lesona ia fesoasoani ia te oe e lagona le mautinoa atili ia Iesu Keriso i le avea ai ma ou Leoleo Mamoe ma faatupulaia lou naunautaiga e faalogo i Lona siufofoga ma mulimuli ia te Ia.
O le faaaogaina o ata. O ata e mafai ona fesoasoani i tagata aoga e vaai faalemafaufau ai i tagata, nofoaga, mea tutupu, meafaitino, ma faatusa o loo i tusitusiga paia. I le tuufaatasia ai ma upu o tusitusiga paia, e mafai e ata ona faapupula upumoni ma faaleleia atili aafiaga faaleaoaoga o tagata aoga.
Sauniuniga a le tagata o le vasega: Valaaulia tagata aoga e faitau i le tusitusiga “ O Le Leoleo Mamoe Lelei ” i le O Le Taiala i Tusitusiga Paia. Fai atu ia i latou e sauni e tali le fesili “Aisea e lelei ai le faalagiga ‘Leoleo Mamoe Lelei’ e faamatala ai Iesu Keriso?”
Gaoioiga e ono Mafai Ona Aoao Ai
O Iesu Keriso o le Leoleo Mamoe Lelei
Ina ia fesoasoani i tagata aoga e vaai faalemafaufau ma mafaufau ia Iesu Keriso i le avea ai ma Leoleo Mamoe Lelei, mafaufau e faaali atu se ata o le Faaola o i ai ma se mamoe.
Vaai ma le toto’a i le ata na faaali atu i le amataga o lenei lesona, ma mafaufau po o le a se mea atonu o aoao mai ai. Atonu e mafai ona fesoasoani fesili nei: Faamata aisea ua sii ai e le Leoleo Mamoe le tamai mamoe? O le a se mea o e maitauina i le tulaga o le Leoleo Mamoe pe a faatusa i isi mamoe?
O le aso lenei o le a e suesue ai i le faataoto o le leoleo mamoe lelei. I lenei faataoto, o loo faatusaina e Iesu Keriso o Ia lava i se leoleo mamoe e taitai ma leoleo lana lafu mamoe. A o e suesue i ai, vaai toto’a i mea e te aoaoina e uiga i le Faaola.
I le Ioane 10, o loo aoao mai Iesu o Ia o le Leoleo Mamoe Lelei (tagai i fuaiupu 11, 14).
E mafai ona valaauliaina tagata aoga e faasoa mai i mea ua latou aoaoina i a latou suesuega o sauniuniga a le tamaitiiti aoga. Afai o loo i ai se lisi a tamaiti aoga o faalagiga eseese mo Iesu Keriso i totonu o a latou api faamaumau suesuega, e mafai ona latou faaopoopo i ai ii.
I le pito i luga o se itulau o lau api faamaumau suesuega, tusi ai le ulutala “Leoleo Mamoe Lelei.” O iinei e mafai ona e lisiina ai mea e te aoaoina pe lagonaina e uiga ia Iesu Keriso, le Leoleo Mamoe Lelei, ma mea Na te faia mo Ana mamoe. A e manao e fai, e mafai ona e tusia se ata faigofie o se mamoe i luga o lau pepa e pei o loo faaalia atu i lalo ma tusi i totonu o le ata mea na e aoaoina pe lagonaina.
Ata
sheep
Afai e te manao ai, e mafai ona fai se lisi i luga o le laupapa ma le vasega nai lo o totonu o api faamaumau suesuega a tamaiti aoga.
E mafai ona galulue taitoatasi tamaiti aoga pe i ni vaega toalaiti pe fai paga. Mafaufau e faaali atu fuaiupu nei ina ia mafai ona latou toe tagai i ai.
Faitau i le Ioane 10:1–5, ma vaai mo se faataoto o aoao mai e Iesu e uiga i Lona matafaioi o le Leoleo Mamoe Lelei.
E mafai ona valaaulia tamaiti aoga e faasoa mai mea ua latou mauaina. Atonu e fesoasoani le valaaulia o tamaiti aoga e fai ni a latou fesili o i ai i le uiga o nei fuaiupu.
Matamata i le vitio, “O Le Leoleo Mamoe Lelei” mai le taimi 1:54 to 3:33. I le vitio lenei, o loo saunoa mai ai Peresitene M. Russell Ballard o le Korama a Aposetolo e Toasefululua e uiga i se aafiaga o le matauina o leoleo mamoe ma mamoe. O loo i ai lenei vitio i le ChurchofJesusChrist.org.
Faaopoopo i ai ni malamalamaaga ua e mauaina e uiga i le Leoleo Mamoe Lelei i lau lisi.
O le a se mea ua faagaeetia ai oe i le mafutaga a leoleo mamoe ma mamoe o loo faamatalaina iinei?
O nisi o i latou na faalogologo sa le malamalama i le faataoto na aoaoina mai e Iesu (tagai i le Ioane 10:6). Na faamatala e Iesu auala na aoao mai ai lenei faataoto e uiga ia te Ia. Faitau i le Ioane 10:7–18, 27–28, ma vaavaai mo ni malamalamaaga faaopoopo e uiga ia Iesu i le avea ai ma Leoleo Mamoe Lelei. Faaopoopo mea na e maitauina i lau lisi. (Manatua: O le auauna o se tasi e na o le pau lava le mafuaaga autu e galue ai e mo se taui.)
Mafaufau e faasoa atu nisi o mau nei e fesoasoani ai i tagata aoga e aoao atili e uiga i le Leoleo Mamoe Lelei: Salamo 23 ; Esekielu 34:11–16 ; Alema 5:57–60 .
I le iloiloina o lau lisi, o le a se mea ua fesoasoani atu le faataoto o le Leoleo Mamoe Lelei ina ia e malamalama ai ia Iesu Keriso?
O le a se mea na e aoaoina mai nei fuaiupu pe aisea atonu e te manao e mulimuli ai ia te Ia?
Tusi le fuaiupu e lei uma i le laupapa ma valaaulia tamati aoga e faauma. E mafai ona tusia e tagata aoga ni malamalamaaga e pei o le “ola maua atili,” “puipuiga mai luko ma gaoi,” po o le “ola e faavavau.” Mafaufau e talanoaina atoatoa soo se tasi o nei tali. Vaai ma le totoa pe faapefea ona tali mai tamaiti aoga, ma ia nofouta i le agaga a o e mafaufauina ni fesili tulitatao e fai atu.
Afai ou te mulimuli i le Leoleo Mamoe Lelei, o le a ou maua …
O a ni aafiaga e oo mai i lou mafaufau sa e lagonaina ai le tausiga faaleoleo mamoe o le Faaola ia te oe?
E mafai faapefea ona e faalogo i le siufofoga o le Leoleo Mamoe Lelei?
O lenei vaega o le lesona ua faamoemoeina e fesoasoani i tagata aoga e iloa ai le siufofoga o le Leoleo Mamoe Lelei ma faatupulaia ai lo latou naunautaiga e faalogo ma mulimuli ia te Ia. Mafaufau e valaaulia i latou e manatunatu i nisi o fesili nei po o fesili uma.
Mafaufau e uiga i fesili nei:
O le a se mea o e manaomia ai le fesoasoani po o le taitaiga a le Faaola?
O fea o faamanuiaga e ofoina e le Faaola i Ana mamoe o e naunau i ai?
Aisea atonu e te manao e faatupulaia ai lou agavaa e faalogo i le siufofoga o le Leoleo Mamoe Lelei?
I lenei faataoto, o mamoe a le Leoleo Mamoe Lelei o i latou e faalogo i Lona siufofoga ma mulimuli ia te Ia (tagai i le Ioane 10:3–5, 27).
Na tuuina mai e Peresitene Russell M. Nelson malamalamaaga nei e uiga i le faalogo i le siufofoga o Iesu Keriso:
Ata
Official portrait of President Russell M. Nelson taken January 2018
Ua silafia e lo tatou Tama a siomia i tatou e le lē mautonu ma le fefe, o le mea o le a sili ona fesoasoani tele ia i tatou, o le faalogo lea i Lona Alo.
Ona a tatou saili atu e faalogo—faalogo moni lava—i Lona Alo, o le a taialaina i tatou ia iloa po o le a le mea e fai i soo se tulaga.
… I [nei] upu e fa—“Faalogo ia te Ia”—ua aumai ai e le Atua ia i tatou le mamanu mo le manuia, fiafia, ma le olioli i lenei olaga. E ao ona tatou lagona afioga a le Alii, faalogo i ai, ma usitai i mea ua Ia tau mai ia i tatou!
A o tatou saili e avea ma soo o Iesu Keriso, o a tatou taumafaiga ia faalogo ia te Ia e manaomia ona matua faia ma le faamoemoe sili i ai. E manaomia ai le lotofuatiaifo ma taumafaiga tumau e faatumu o tatou olaga i aso taitasi i Ana afioga, Ana aoaoga, Ana upumoni.
(Russell M. Nelson, “Faalogo ia te Ia,” Ensign po o le Liahona, Me 2020, 89)
O a ni auala e mafai ona faalogoina ai le siufofoga o le Leoleo Mamoe Lelei?
Mafaufau e faaali atu se tasi pe sili atu o nei vitio o faasoa a taitai o le Ekalesia i auala latou te faalogo ai i le siufofoga o le Faaola.
A mafai, matamata i vitio ua faaulutalaina “How I #HearHim: Elder David A. Bednar” (1:15) ma le “How I #HearHim: Sister Joy D. Jones” (2:45) e faalogologo ai i faataitaiga o auala e faalogo ai taitai o le Ekalesia i le siufofoga o le Faaola. O nei vitio, faatasi ma isi faataitaiga faaopoopo, o loo mauaina i le ChurchofJesusChrist.org.
O a ni auala e te manatu e mafai ona fesoasoani ai ia te oe ma ou manaoga le lagonaina o le siufofoga o Iesu Keriso?
O le a se mea ua e aoaoina pe lagonaina e uiga ia Iesu Keriso mai le aoao ai e uiga i Lona matafaioi o le Leoleo Mamoe Lelei?
Tala ma Faamatalaga o Talaaga
Ioane 10:7 . Aisea na fetalai ai Iesu, “O au nei o le faitotoa o mamoe”?
O leoleo mamoe i Isaraelu e tutu i le faitotoa o se lotoa mamoe ma asiasia mamoe taitasi a o ulufale atu, ma togafiti ni manu’a pe a manaomia. A uma ona faapotopoto atu mamoe i le lotoa mo le po, ona taoto ifo lea o le leoleo mamoe e moe i le faitotoa, e poloka ai le ala ina ia le mafai ai e le au osofai po o tagata gaoi ona faatamaia ia mamoe. O le fetalaiga a le Faaola, “O a’u nei o le faitotoa,” ua faamanino ai sa naunau o Ia e “ofoina atu [Lona] soifua mo mamoe” ( Ioane 10:7, 15) ma o le a Ia faia le tonu pe o ai o le a ulufale atu i le malo o le lagi. O le faaaogaina o se faatusa e pei o se faitotoa, na ta’u mai ai e le perofeta ia Iakopo o le Tusi a Mamona faapea “o le leoleo o le faitotoa o Le Paia o Isaraelu” ma “na te le faaaogaina se auauna iina” ( 2 Nifae 9:41).
O le a le eseesega o le Leoleo Mamoe Lelei ma se auauna?
Sa aoao mai Peresitene Ezra Taft Benson (1899–1994):
Ata
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Ae ui i lea, o nisi taimi, a fia aai tele nei manu feai, ona feosofi mai lea i luga o pa ma faamatau i mamoe. O se tulaga faapea e tuu eseese ai le leoleo moni—o le ua alofa i ana mamoe—mai le auauna—o le ua na ona galue mo le taui.
O le leoleo mamoe moni, na ia naunau e ofoina atu lona ola e sui ai ana mamoe. E alu atu o ia i le mea o i ai mamoe ma tau mo lo latou saogalemu. I se isi itu, o le auauna, ua taua ia te ia lona lava saogalemu nai lo o mamoe, ma sola ese ai mai le tulaga matautia.
Sa faaaogaina e Iesu lea faataitaiga o [O]na aso e tau atu ai o Ia lava o se Leoleo Mamoe Lelei, o le Leoleo Mamoe moni. Ona o Lona alofa mo Ona uso ma tuafafine, o le a Ia ofoina atu ai ma le lotomalie ma le Lona soifua mo i latou. (Tagai i le Ioane 10:17–18 .)
(Ezra Taft Benson, “O Se Valaauga i le Perisitua: ‘Fafaga A’u Mamoe,’” Ensign, Me 1983, 43)
Ioane 10:30 . O le a uiga o le fetalaiga a Iesu, ina ua Ia fetalai mai, “O au nei ma le Tama, e tasi lava i maua”?
Na aoao mai Elder Jeffrey R. Holland o le Korama a Aposetolo e Toasefululua:
Ata
Official Portrait of Elder Jeffrey R. Holland. Photographed January 2018.
O la tatou uluai mataupu faavae o le faatuatua ma sili ona taua i totonu O Le Ekalesia a Iesu Keriso o le Au Paia o Aso e Gata Ai o le “Matou te talitonu i le Atua, le Tama Faavavau, ma Lona Alo, o Iesu Keriso, ma le Agaga Paia” [ Mataupu Faavae o le Faatuatua 1:1 ]. Tatou te talitonu o nei peresona paia e toatolu o loo maua ai se Aiga Atua e tasi e aufaatasi i le faamoemoe, i uiga, i le molimau, i le misiona. Tatou te talitonu e faatumulia i Latou i le uiga faaleatua lava e tasi o le alofa mutimutivale ma le alofa, faamasino tonu ma le alofa tunoa, onosai, faamagalo, ma le togiola. Ou te manatu e sao ona faapea atu tatou te talitonu e tasi i Latou i uiga taua ma le faavavau e manatu i ai, sei vagana tatou te le talitonu o i Latou o ni tagata e toatolu o loo tuufaatasia i se mea e tasi, o se manatu o le Tolutasi e le o aoaoina mai lava i totonu o tusitusiga paia aua e le moni.
E mafai faapefea ona e faalogo i le siufofoga o le Leoleo Mamoe Lelei?
Mafaufau i le gaoioiga lenei e filifili pe fai e amata ai le vaega o loo tutusa la ulutala i le lesona.
Fusi mata o se tagata o le vasega pe fai atu i ai e moeiini ona mata. Afai e toatele le vasega, e mafai foi ona fusi mata o nisi tamaiti aoga. Ona filifili filemu ai lea o ni tamaiti aoga o totoe ma valaaulia i latou, ia taitoatasi i le taimi, e faitau leotele i le Ioane 10:27 . Vaai pe mafai e tamaiti aoga o loo fusi mata ona mataulia leo o tamaiti aoga o loo faitaua le fuaiupu.
Mafaufau e fai i ai le fesili, “O le a se mea e manaomia ona fai ia mataulia lelei ai le leo o se isi ina ia mafai ona e iloagofie mai i isi leo?”
Isi mamoe
I le Ioane 10:16, sa aoao atu ai e le Faaola ia tagata Iutaia i Ierusalema o le a Ia asiasi atu i fanau a le Atua i isi nuu, ma aoao atu ia i latou Lana talalelei, ma aumaia i latou i Lana lafu (Lana Ekalesia). O le Tusi a Mamona ua aumaia ai le malamalama i lenei fuaiupu.
E mafai ona faitau tagata aoga i le 3 Nifae 15:13–17, 21 ; 16:1–3, ma vaai se auala se tasi na faataunuuina ai lenei valoaga. Mafaufau e fautua atu i tagata aoga e fefaasinoai nei fuaiupu ma le Ioane 10:16 pe latou te faailoga le Ioane 10:16, vaefaamatalaga a. E mafai ona valaaulia tamaiti aoga e talatalanoa po o a mea o aoao mai e nei malamalamaaga ia i tatou e faatatau i le uiga ma le misiona a Iesu Keriso.
