Na liua e Iesu le suavai e fai ma uaina i se tausamaaga o le faaipoipoga i le vavega ua muai faamaumauina na Ia faia i le taimi o Lana galuega i le lalolagi. O lenei lesona o loo faamoemoe e fesoasoani ia faateleina lou faatuatua ia Iesu Keriso a o e suesueina lenei vavega ma faailoaina mea moni e uiga i le mana ma le uiga o le Faaola.
O le faia o fesili ina ia fesoasoani i tagata aoga e malamalama i tusitusiga paia. O fesili e fesoasoani i tagata aoga ina ia auiliili tusitusiga paia e mafai ona fesoasoani ia i latou e malamalama loloto atili ai i mea moni o loo aoao mai. Vaavaai mo avanoa e fai ai ni fesili o le a fesoasoani i tagata aoga e mafaufau loloto ai e uiga i upu taua po o fasifuaitau ma mafaufau pe faapefea ona fesootai se fuaitau ua tuuina mai ia i latou.
Tapenaga mo tagata aoga: Valaaulia tagata aoga e manatu faapea sa talosagaina i latou e fai se lauga i se sauniga faamanatuga e uiga i le mana o Iesu Keriso. Fai i ai e o mai sauniuni i le vasega e faasoa mai se tala i tusitusiga paia se tasi pe lua e mafai ona latou faaaogaina e faapupula mai ai Lona mana.
Gaoioiga e Mafai ona Aoao Mai Ai
O ai e te talitonuina?
Mafaufau e aumai se meaai manaia i le vasega ma ofo atu i se tagata aoga ua loto e tuuto na te taumafaina a o lei iloa po o le a le meaai. Filifili se tagata e volenitia mai. A o lei faaalia le meaai i le tagata aoga, fesili iai pe aisea ua lava ai lona talitonuina o oe ua ia taliaina ai le meaai a o lei iloa po o le a.
Pe mafai ona lava lou talitonuina o se isi e te tuuto i ai e faia soo se mea atonu latou te talosagaina oe e fai?
O le a se mea e tatau ona e iloa e uiga i lena tagata e naunau ai e faia se na tautinoga?
Manatunatu loloto mo sina taimi pe afai ua e lagona ua lava lou iloa i le Faaola e te talitonuina ai o Ia i soo se mea Na te talosagaina mai ia te oe. A o e suesue i le Ioane 2, vaavaai mo faamaoniga o Lona mana ma uiga e mafai ona faateleina ai lou talitonuina o Ia ma lou naunautaiga e usitai i soo se mea Na te talosagaina mai ia te oe.
O le uluai vavega faamaumauina o le galuega a Iesu
O le uluai vavega faamaumauina i le taimi o le galuega a le Faaola i le lalolagi o loo maua i le Ioane 2 . Ae e te lei suesueina lenei tala, e ono fesoasoani le iloa o le uaina e masani lava ona faaleleia atili lona tulaga lelei pe a faamatua i se taimi umi ma o se luma mo le au talimalo o le tausamaaga o se faaipoipoga pe a uma le uaina.
Mafaufau e matamata le vitio “Jesus Turns Water into Wine” (2:26), o loo maua i le ChurchofJesusChrist.org, a o lei faitauina lenei tala i tusitusiga paia.
Faitau faagesegese ma le toto’a le Ioane 2:1–11, ma mafaufau e faailoga soo se mea o loo matilatila ia te oe. A o e suesue, e mafai ona e manatu loloto i tali o fesili e pei o fesili nei: Mata o le a se mea na silafia e Maria e uiga i lana Tama? Mata o le a se mea na aoaoina e auauna e uiga ia Iesu?
Mafaufau e valaaulia tagata aoga e faitau le Ioane 2:1–11 i ni vaega toalaiti. Uunaia i latou e fai ma malolo e talanoaina i totonu o latou vaega upumoni ua latou aoao iai e uiga ia Iesu Keriso.
Ina ua maea se taimi talafeagai, valaaulia tagata aoga e faasoa mai o latou malamalamaaga i le vasega.
O a ni upumoni na e aoao iai e faatatau i le mana o le Faaola ma Lona tagata?
E mafai ona e mafaufau i ni tulaga e fesoasoani ai i se isi i lenei aso le iloa o nei upumoni?
Ua faapefea ona faamanuiaina lou olaga i le iloa o nei upumoni e uiga ia Iesu Keriso?
Filima’oti po o a upumoni ua faailoaina e silisili ona aoga i tagata aoga e faaalu ai se taimi e tele atu e suesue iai. O le gaoioiga lenei e aoao mai ai, e taulai i na o le tasi o le tele o upumoni taua e mafai ona faailoaina e tagata aoga mai lenei fuaitau.
“O le a lava se mea e fai mai ai o ia ia te outou, ia outou faia”
E pei o le tele o tulaga i le Feagaiga Fou, o le Faaliliuga a Iosefa Samita o le Ioane 2:4 e fesoasoani ia i tatou e maua ai ni malamalamaaga faaopoopo e uiga i le Faaola. O loo faapea mai: “Funa e, se a se mea ou te faia mo oe? ou te faia mo oe aua e lei oo mai lou itu aso” (i le Ioane 2:4, vaefaamatalaga a).
O le a se mea ua aoao atu e lenei mea ia te oe e uiga i le mafutaga a le Faaola ma Lona tina?
Mafaufau e faailoga le tala na fai e Maria i auauna, e pei ona tusia i le fuaiupu 5 .
O le a se mea ua aoao atu ia te oe mai faatonuga a Maria i auauna e uiga i lona faatuatua ia Iesu?
Sa faamatalaina e L. Whitney Clayton o le Fitugafulu nisi mea na silafia e Maria e uiga ia Iesu lea na faamalosia ai lona faatuatua ia te Ia.E te ono fia matamata i le vitio “Whatsoever He Saith unto You, Do It” (o loo maua i le ChurchofJesusChrist.org) mai le taimi 1:40 seia oo i le 2:29, pe faitau i le faamatalaga lenei.
Ata
Official Portrait of Elder L. Whitney Clayton. Photographed March 2017.
E sili atu le silafia o [Maria] e uiga ia [Iesu Keriso] nai lo se isi lava tagata i luga o le fogaeleele. Na ia silafia le mea moni o Lona soifua mai faavavega. Na ia silafia o Ia e leai se agasala ma o Ia “sa lē tautala e pei o isi tagata, sa lē mafai foi ona aoaoina o ia; aua sa lē manaomia e ia soo se tagata e aoaoina o ia” [ Faaliliuga a Iosefa Samita, Mataio 3:25 (i le Faamatalaga Faaopoopo o le Tusi Paia)]. Sa silafia e Maria Lona gafatia tulagaese e foia ai ni faafitauli, e aofia ai se tasi e patino pei o le saunia o le uaina mo se tausamaaga o le faaipoipoga. Sa ia te ia se talitonuga mautinoa e le maluelue ia te Ia ma i Lona mana paia. O lana faatonuga faigofie, ma tuusao i auauna sa leai ni tulaga manaomia, leai ni agavaa, leai ni tapulaa: “O se mea lava e fai mai ai o Ia ia te outou, ia outou faia.”
(L. Whitney Clayton, “Soo Se Mea Lava E Fai Mai Ai O Ia Ia Te Outou, Ia Outou Faia,” Ensign po o le Liahona, Me 2017, 97)
O le a se mea na iloa e Maria e uiga ia Iesu e taua mo i tatou ona iloa e uiga ia te Ia?
Mafaufau faapea o oe o se tasi o auauna na faalogo i le faatonuga a Maria. Toe faitau i le Ioane 2:6–8 ma vaavaai po o a mea na faatonuina ai e Iesu auauna e fai. A o lei faitaua, e ono fesoasoani mo oe le iloa “o nei vai maa e lei faaaogaina e teu ai ni vai inu ae sa faaaogaina mo sauniga mulumulu” (L. Whitney Clayton, “Soo Se Mea Lava E Fai Mai Ai O Ia Ia Te Outou, Ia Outou Faia,” 97).
Mata o le a sou manatu po o se lagona a o e avea se ipu i le pule o le tausamaaga?
O a ni faatonuga ua aumaia e Iesu Keriso i nei ona po o loo manaomia ai lou faalagolago ia te Ia ina ia usitaia?
Mafaufau pe o a ni auala e fesoasoani ai i tagata aoga ina ia faateleina lo latou mafai ona faalagolago ia Iesu Keriso ma fai mea Na te talosagaina mai ia i latou. Mo se faataitaiga, valaaulia tagata aoga e faasoa mai ni o latou aafiaga a o usitaia upu a le Faaola, faasoa mai se tala mai se lauga i le konafesi aoao, pe faamaea le gaoioiga lenei.
I le Faaliliuga a Iosefa Samita o le Ioane 2:11, ua tatou aoaoina e lē gata o lenei vavega sa faaalia ai le mamalu o le Faaola ae ua faamalolosia ai le faatuaua o ona au soo ia te Ia.” E lē liua e ni vavega ia tagata, ae o i latou o loo i ai le faatuatua ia Iesu Keriso ua faamalolosia e vavega lo latou faatuatua.
Faaaoga ni nai minute e saili ai mo ma aoao mai isi i totonu o tusitusiga paia e pei o Maria, na tele le faatuatua ia Iesu Keriso. Saili mo mafuaaga ua latou filifili taitasi ai e faalagolago ma usitai i soo se mea e fetalai mai ai Iesu. O faataitaiga e aofia ai Nifae ( 2 Nifae 4:34–35), Iakopo ( Iakopo 4:10), ma le uso o Iareto ( Eteru 3:9–12).
Mafaufau pe tuu se taimi i tagata aoga e tusi ai o latou malamalamaaga i totonu o latou api talaaga mo suesuega. E mafai e fesili nei o le a mulimuli mai ona fai ma taiala mo latou a o latou tusitusi. A maea ona tusitusi tagata aoga, mafaufau pe valaaulia ni volenitia e faasoa mai se vaega o a latou tusitusiga.
O le a se mea e te iloa e uiga ia Iesu Keriso e musuia ai oe e te usitai “i soo se mea lava e fetalai mai ai o ia ia te oe”? ( Ioane 2:5).
Aisea e mafai ai e se isi ona faalagolago ia Iesu Keriso e tusa pe o mea ua Ia fetalai mai ai e leai se uiga ia i latou?
O le a se mea e mafai ona e faia e te iloa atili ai Iesu Keriso ina ia mafai ona faateleina lou faatuatua ia te Ia?
Tala ma Faamatalaga o Talaaga
O se soli poloaiga le inu uaina i taimi faale-Tusi Paia?
E tele mau faasino i le Tusi Paia i le leaga o le ona ma meainu malolosi (mo se faataitaiga, tagai i le Faataoto 23:20–21 ; Isaia 5:11–12 ; Efeso 5:18). O nei fuaiupu e le o faasaina patino ai le faaaoga o le ava malosi, ae o loo tausalaina le soona faaloloto ma le ona. I o tatou taimi, sa faaalia mai ai e le Alii le Upu o le Poto, lea e faasa ai le faaaoga o meainu malolosi [tagai i le Mataupu Faavae ma Feagaiga 89:4–7 ]. E ao ina tatou aloese mai le faamasinoina o tagata i taimi anamua e ala i poloaiga ua tuuina mai e le Alii i o tatou taimi nei.
(Feagaiga Fou Tusi Lesona a le Tagata Aoga [2018], ChurchofJesusChrist.org)
Aisea na taua ai e Iesu Lona tina ia “Funa e”?
Na faamalamalama mai e James E. Talmage (1862–1933) o le Korama a Aposetolo e Toasefululua:
Ata
Portrait of James E. Talmage.
O le nauna o le ta’uga, “Funa e,” e pei ona sa faaaoga ai e se atalii i lona tina atonu e foliga e le logo lelei i o tatou taliga, pe lē faaaloalo; ae o lona faaaogaaga o se faailoga moni o le faafeagai. … I le taimi, i vaaiga matautia mulimuli o Lona aafiaga faaletino, sa tautau ai Keriso ma maliu i le mafatiaga i luga o le satauro, sa Ia silasila ifo i lalo ia Maria o tagi ai, Lona tina, ma tuuina atu atu o ia i le tausiga a le aposetolo pele ia Ioane, ma upu nei: “Sena e, faauta, o lau tama!” [ Ioane 19:26 ]. Pe mafai ea ona mafaufau iai faapea i lea taimi maualuga, o le popolega o lo tatou Alii mo le tina lea e lē o toe mamao ona Ia valavala lea i le oti, na o faatasi ma se isi lagona e ese mai nai lo le faamamaluga, agamalu ma le alofa?
(James E. Talmage, Jesus the Christ[1916], 144–45).
O se paita e tusa ma le iva kalone a Amerika (34 lita), o lona uiga o vai maa e ono na mafai ona i ai kalone i le va o le 100 i le 160 (pe tusa ma le 380 i le 600 lita).
Aisea e taua ai ona fai “soo se mea lava ua fai mai ai le [Atua] ia te oe”?
Sa aoao mai Elder L. Whitney Clayton o le Fitugafulu:
Ata
Official Portrait of Elder L. Whitney Clayton. Photographed March 2017.
A tatou filifili e fai “soo se mea lava ua fai mai ai le [Atua] ia i” tatou, ua tatou tuuto e faaogatusa a tatou amioga i aso uma ma le finagalo o le Atua. O ia faatinoga faigofie o le faatuatua e pei o le suesueina o tusitusiga paia, anapogi, ma le faalauteleina o o tatou valaauga e taitai atu ai i le faalolotoina o le gafatia faaleagaga e fetaiai ai ma manaoga o le olaga faaletino. A o faagasolo le taimi, o masaniga faigofie o talitonuga e taitai atu ai i taunuuga ofoofogia. Latou te suia lo tatou faatuatua mai se fatulaau seia oo i se mana malosi mo le lelei i o tatou olaga. …
… A tatou faalagolago ma mulimuli ia te Ia, e pei o le suavai i le uaina, e liua ai i tatou. O le a avea i tatou ma se mea e sili atu nai lo se isi mea e mafai ona ono avea ai i tatou. Faalagolago i le Alii, ma “o se mea lava e fai mai ai o Ia ia te outou, ia outou faia.”
(L. Whitney Clayton, “Soo Se Mea Lava E Fai Mai Ai O Ia Ia Te Outou, Ia Outou Faia,” Ensign po o le Liahona, Me 2017, 97–99)
Gaoioiga Faaopoopo e Aoao Ai
E mafai ona suia au e Iesu Keriso
I le liua o le suavai e fai ma uaina, na fai ai e Iesu se vavega. E mafai ona ia faia ni vavega tali tutusa i o tatou olaga, i le liua o tatou mai o tatou lava tagata e fai ma tagata e mafai ona avea ai i tatou. Mafaufau pe valaaulia tagata aoga e vaai pe faapefea ona fesootai o latou olaga i le suavai mai lenei vavega. E ono fai ma fesoasoani mo tagata aoga le mafaufau i le ituaiga vai maa na faaaogaina i lenei vavega faapea foi po o a mea a auauna na fai e faataunuu ai le vavega. Fesoasoani i tagata aoga e taulai i le Faaola ma malamalama ona o le iai o Lona mana i mea uma, e mafai moni ai lava ona faataunuu se suiga faavavega i o tatou olaga.
