Հիսուսը ջուրը գինի դարձրեց հարսանեկան խնջույքի ժամանակ և դա երկրային ծառայության ընթացքում Նրա կատարած առաջին հրաշքն էր: Այս դասը կօգնի ձեզ ավելացնել ձեր հավատքը Հիսուս Քրիստոսի հանդեպ, երբ դուք կուսումնասիրեք այս հրաշքը և ճշմարտություններ կբացահայտեք Փրկիչի զորության և բնավորության մասին:
Հարցեր տվեք, որպեսզի օգնեք ուսանողներին հասկանալ սուրբ գրությունները Հարցերը, որոնք օգնում են ուսանողներին վերլուծել սուրբ գրությունները, կարող են օգնել նրանց ավելի խորը հասկանալ ուսուցանվող ճշմարտությունները: Հնարավորություններ փնտրեք տալու այնպիսի հարցեր, որոնք կօգնեն ուսանողներին ավելի խորը մտածել կարևոր բառերի կամ արտահայտությունների մասին և քննել, թե ինչ առնչություն ունի տվյալ հատվածն իրենց հետ:
Ուսանողի պատրաստում. Առաջարկեք ուսանողներին պատկերացնել, թե իրենց խնդրել են հաղորդության ժողովի ժամանակ խոսել Հիսուս Քրիստոսի զորության մասին: Խնդրեք նրանց պատրաստված գալ դասարան և կիսվել սուրբ գրություններից մեկ կամ երկու պատմությունով, որոնք կարող են ցուցադրել Նրա զորությունը:
Հնարավոր ուսումնական վարժություններ
Ո՞ւմ եք դուք վստահում
Կարող եք որևէ համով ուտեստ բերել դասարան և այն առաջարկել ուսանողին, ով կցանկանա ուտել այդ ուտեստը՝ նախքան կիմանա, թե ինչ է այն իրենից ներկայացնում: Ընտրեք մի կամավոր: Ուսանողնին ուտեստը ցուցադրելուց առաջ հարցրեք նրան, թե ինչու է նա ձեզ այնքան վստահում, որ պատրաստ է ճաշակել ուտեստը՝ առանց իմանալու, թե ինչ է այն իրենից ներկայացում:
Արդյոք հնարավո՞ր է որևէ մեկին այնքան վստահել, որ անեք այն, ինչ նա ձեզ խնդրում է:
Ի՞նչ պետք է իմանաք այդ մարդու մասին, որպեսզի պատրաստ լինեք անել դա:
Մի պահ մտածեք՝ արդյոք դուք բավական լավ գիտեք Փրկիչին, որպեսզի վստահեք Նրան և անեք այն, ինչ Նա ձեզ խնդրում է: Հովհաննես 2 գլուխն ուսումնասիրելիս փնտրեք Նրա զորության և բնավորության վկայություններ, որոնք կարող են ավելացնել ձեր վստահությունը Նրա հանդեպ և ձեր պատրաստակամությունը՝ հնազանդորեն անել այն, ինչ Նա ձեզ խնդրում է:
Հիսուսի ծառայության առաջին գրանցված հրաշքը
Փրկիչի երկրային ծառայության ընթացքում կատարված առաջին հրաշքը նկարագրված է Հովհաննես 2 գլխում: Այդ պատմությունն ուսումնասիրելուց առաջ օգտակար կլինի իմանալ, որ գինու որակը տարիքի հետ բարձրանում է, և հարսանեկան խնջույքի հյուրընկալողների համար ամոթալի կլիներ գինու պակասություն ունենալ:
Այս պատմությունը կարդալուց առաջ կարող եք դիտել «Հիսուսը ջուրը գինի է դարձնում» տեսանյութը (2:26), որը կարող եք գտնել ChurchofJesusChrist.org կայքում:
Դանդաղ կարդացեք Հովհաննես 2.1-11 հատվածները և ընդգծեք ձեզ համար կարևոր մասերը: Ուսումնասիրելիս կարող եք մտածել, թե ինչ կպատասխանեիք հետևյալ հարցերին. ձեր կարծիքով, Մարիամն ի՞նչ գիտեր իր Որդու մասին: Ձեր կարծիքով, ծառաներն ի՞նչ իմացան Հիսուսի մասին:
Առաջարկեք ուսանողներին փոքր խմբերով կարդալ Հովհանես 2.1-11 հատվածները: Հորդորեք նրանց հաճախ դադար տալ, որպեսզի փոքր խմբերով քննարկեն Հիսուս Քրիստոսի մասին իրենց սովորածը:
Բավարար ժամանակ հատկացնելուց հետո, խնդրեք ուսանողներին դասարանի հետ կիսվել իրենց գաղափարներով:
Ի՞նչ ճշմարտություններ իմացաք Փրկիչի զորության և Նրա բնավորության մասին:
Կարո՞ղ եք պատկերացնել հանգամանքներ, երբ այդ ճշմարտությունների իմացությունը կարող էր ներկայումս օգնել որևէ մեկին:
Հիսուս Քրիստոսի մասին այս ճշմարտությունների իմացությունն ինչպե՞ս է օրհնել ձեր կյանքը:
Որոշեք, թե բացահայտված ճշմարտություններից որոնք կարող են առավել օգտակար լինել ուսանողների համար: Հետևյալ վարժությունը կենտրոնանում է այս հատվածում զետեղված կարևոր ճշմարտություններից միայն մեկի վրա:
«Ինչ որ ասէ ձեզ, արէք»
Ինչպես Նոր Կտակարանի բազմաթիվ այլ մասերում, Հովհաննես 2.4 հատվածի Ջոզեֆ Սմիթի Թարգմանությունը ևս օգնում է մեզ ձեռք բերել լրացուցիչ գաղափարներ Փրկիչի մասին: Այն ասում է. «Ի՞նչ կպատվիրես, որ ես անեմ քեզ համար, կին. ես կանեմ այն. քանզի իմ ժամանակը դեռ չի հասել» ( Հովհաննես 2.4 , ծանոթագրություն ա):
Այս հատվածն ի՞նչ է ուսուցանում ձեզ Փրկիչի՝ Իր մոր հետ ունեցած հարաբերությունների մասին:
Կարող եք նշել, թե Մարիամն ինչ ասաց ծառաներին ըստ 5-րդ հատվածի :
Մարիամի հրահանգները ծառաներին ի՞նչ է մեզ ուսուցանում Հիսուսի հանդեպ նրա հավատքի մասին:
Յոթանասունի Նախագահությունից երեց Լ. Վիթնի Քլեյթոնը բացատրեց, թե Մարիամն ինչ գիտեր Հիսուսի մասին, որը ամրապնդեց նրա հավատքը Նրա հանդեպ:Կարող եք դիտել «Ինչ որ ասէ ձեզ, արէք» տեսանյութը ChurchofJesusChrist.org կայքում՝ 1:40-2:29-ը, կամ կարդալ հետևյալ հայտարարությունը:
Նկար
Official Portrait of Elder L. Whitney Clayton. Photographed March 2017.
[Մարիամը] ավելի շատ գիտեր [Հիսուս Քրիստոսի] մասին, քան մեկ ուրիշը երկրի վրա: Նա գիտեր Նրա հրաշալի ծնունդի ճշմարտությունը: Մարիամը գիտեր, որ Նա անմեղ է և Նա «չէր խոսում ուրիշ մարդկանց պես, ոչ էլ նրան հնարավոր էր ուսուցանել. քանզի նա կարիք չուներ, որ որևէ մարդ ուսուցաներ իրեն» [ Ջոզեֆ Սմիթի Թարգմանություն, Մատթեոս 3.25 (Աստվածաշնչի հավելվածում)]: Մարիամը գիտեր խնդիրներ լուծելու Նրա արտասովոր կարողության մասին, այդ թվում՝ այնպիսի անձնական խնդիրների, ինչպիսին էր հարսանեկան խնջույքի համար գինի տրամադրելը: Նա անսասան հավատք ուներ Նրա և Նրա աստվածային զորության հանդեպ: Նրա պարզ հրահանգը ծառաներին բացատրության, որակավորման և սահմանափակման կարիք չունի. «Ինչ որ ասէ ձեզ, արէք»
(Լ. Վիթնի Քլեյթոն «Ինչ որ ասէ ձեզ, արէք», Ensign կամ Լիահոնա, մայիս 2017, 97)
Մարիամն ի՞նչ գիտեր Հիսուս Քրիստոսի մասին, որը մենք էլ պետք է իմանանք:
Պատկերացրեք, որ դուք այն ծառաներից եք, ովքեր լսեցին Մարիամի հրահանգը: Կարդացեք Հովհաննես 2.6-8-ը՝ փնտրելով, թե Հիսուսն ինչ հանձնարարեց անել սպասավորներին: Կարդալուց առաջ օգտակար կլինի իմանալ, որ «այդ ջրամանները օգտագործվում էին ոչ թե խմելու ջուր պահելու համար, այլ լվացման արարողության համար» (Լ. Վիթնի Քլեյթոն «Ինչ որ ասէ ձեզ, արէք», 97):
Ի՞նչ կմտածեիք կամ կզգայիք, երբ բաժակը խնջույքի սեղանապետին մոտեցնեիք:
Հիսուս Քրիստոսն ի՞նչ հրահանգներ է տվել այսօր, որոնք պահանջում են, որ դուք վստահեք Նրան հնազանդվելու համար:
Մտածեք, թե ինչպե՞ս կարող եք օգնել ուսանողներին ավելացնել Հիսուս Քրիստոսին վստահելու և Նրա հրահանգները կատարելու իրենց կարողությունը: Օրինակ՝ առաջարկեք ուսանողներին կիսվել, թե ինչպես են նրանք հնազանդվել Փրկիչի խոսքերին, կիսվել համաժողովի ելույթից մի պատմությամբ կամ կատարել հետևյալ վարժությունը:
Հովհաննես 2.11 հատվածի Ջոզեֆ Սմիթի Թարգմանությունից մենք իմանում ենք, որ այս հրաշքը ոչ միայն բացահայտեց Փրկիչի փառքը, այլ նաև որ «Նրա աշակերտների հավատքը Նրա հանդեպ ամրապնդվեց»: Հրաշքները դարձի չեն բերում մարդկանց, այլ ամրապնդում են հավատացյալների հավատքը Հիսուս Քրիստոսի հանդեպ:
Սուրբ գրություններում փնտրեք կամ ուրիշներից իմացեք, թե սուրբ գրություններում Մարիամի նման ուրիշ ով մեծ հավատք ուներ Հիսուս Քրիստոսի հանդեպ: Փնտրեք, թե ինչո՞ւ էին նրանք որոշել վստահել ու հնազանդվել Հիսուսի խոսքերին: Օրինակները ներառում են Նեփիին ( 2 Նեփի 4.34-35), Հակոբին ( Հակոբ 4.10 և Հարեդի եղբորը ( Եթեր 3.9-12):
Ուսանողներին ժամանակ տվեք գրանցելու իրենց մտքերը սուրբ գրությունների ուսումնասիրության օրագրերում: Հետևյալ հարցերը կարող են ուղեցույց հանդիսանալ նրանց համար: Երբ ուսանողներն ավարտեն, խնդրեք մի քանի կամավորների իրենց գրածով կիսվել դասարանի հետ:
Ի՞նչ գիտեք Հիսուս Քրիստոսի մասին, որը ոգեշնչում է ձեզ անել այն, «ինչ որ ասէ ձեզ»: ( Հովհաննես 2․5):
Մարդը ինչո՞ւ կարող է վստահել Հիսուս Քրիստոսին, նույնիսկ, եթե լիովին չի հասկանում Նրա ասածը:
Ի՞նչ կարող ենք անել Հիսուս Քրիստոսին ավելի լավ ճանաչելու համար, որպեսզի ձեր հավատքը Նրա հանդեպ աճի:
Բացատրական և պատմական տեղեկություն
Արդյո՞ք աստվածաշնչյան ժամանակներում գինի խմելը հակառակ էր պատվիրաններին
Աստվածաշնչում շատ է նշվում հարբեցողության և ոգելից խմիչքներից եկող չարիքի մասին (օրինակ, տես Առակաց 23.20–21 ; Եսայիա 5.11–12 ; Եփեսացիս 5.18): Այս հատվածները հատկապես չեն արգելում ալկոհոլի օգտագործումը, սակայն դրանք դատապարտում են ալկոհոլի չարաշահումն ու հարբեցողությունը: Մեր օրերում Տերը հայտնել է Իմաստության խոսքը, որն արգելում է ոգելից խմիչքների օգտագործումը (տես Վարդապետություն և Ուխտեր 89.4-7): Մենք չպետք է դատենք ավելի վաղ դարաշրջանների մարդկանց՝ ըստ մեր օրերում տված Տիրոջ պատվիրանների:
Տասներկու Առաքյալների Քվորումից երեց Ջեյմս Ի. Թալմիջը (1862–1933) բացատրել է.
Նկար
Portrait of James E. Talmage.
«Որդու կողմից իր մորը «Կին» բառով դիմելաձևը մեր ականջների համար կարող է կոպիտ հնչել, եթե ոչ՝ անհարգալից, սակայն դրա օգտագործումը իրականում հակառակ իմաստ էր կրում: … Երբ Քրիստոսը Իր մահկանացու կյանքի վերջին սոսկալի պահին խաչը բարձրացված հոգևարքի մեջ մահանում էր, նայեց վար՝ ողբացող Մարիամին՝ Իր մորը, և նրան Իր սիրելի առաքյալ Հովհաննեսի խնամքին հանձնեց, ասելով. «Ով կին, ահա քո որդին»: [ Հովհաննես 19.26 ]: Կարո՞ղ ենք արդյոք մտածել, որ այդ ծայրահեղ լարված պահին, երբ մեր Տերը մտահոգվեց Իր մոր համար, ումից շուտով մահը պիտի բաժաներ Իրեն, Իր մոր հանդեպ հարգանքից, քնքշությունից և սիրուց բացի այլ զգացմունքներ կարող էր տածել:
(Ջեյմս Է. Թալմիջ, Հիսուսը Քրիստոսն է [1916], 144-45)
Տակառը հավասար է մոտավորապես ինը ամերիկյան գալոնի (կամ 34 լիտրի), այնպես որ վեց կարասների մեջ կարող էր տեղավորվել 100-160 գալոն (կամ մոտ 380-600 լիտր):
Official Portrait of Elder L. Whitney Clayton. Photographed March 2017.
Երբ մենք որոշում ենք անել «ինչ որ [Աստված] ասէ» մեզ, մենք անկեղծորեն պարտավորվում ենք համապատասխանեցնել մեր առօրյա վարքագիծը Աստծո կամքի հետ: Հավատքի այնպիսի պարզ դրսևորումները, ինչպիսիք են՝ սուրբ գրությունների ուսումնասիրումը, կանոնավոր ծոմապահությունը և վճռական աղոթքը, խորացնում են մահկանացության պահանջները կատարելու մեր հոգևոր կարողության ջրհորը: Ժամանակի ընթացքում հավատքի հասարակ սովորությունները կարող են հրաշալի արդյունքների բերել: Դրանք ձևափոխում են մեր հավատքը սերմնաբույսից դեպի մեր կյանքը լավացնելու դինամիկ զորությունը: …
… Երբ մենք վստահում և հետևում ենք Նրան, մեր կյանքը ձևափոխվում է, ինչպես ջուրը դառնում է գինի: Մենք դառնում ենք ավելի լավը, քան այլ կերպ կլինեինք: Վստահեք Տիրոջը և «ինչ որ ասէ ձեզ, արէք»:
(Լ. Վիթնի Քլեյթոն «Ինչ որ ասէ ձեզ, արէք», Ensign կամ Լիահոնա, մայիս 2017, 97-99)
Օժանդակ ուսումնական վարժություն
Հիսուս Քրիստոսը կարող է փոխել ինձ
Ջուրը գինի դարձնելով Հիսուսը հրաշք գործեց: Նա կարող է նմանատիպ հրաշքներ գործել մեր կյանքում՝ փոխելով և դարձնելով մեզ այնպիսին, ինչպիսին կարող ենք դառնալ: Կարող եք առաջարկել ուսանողներին տեսնել, թե իրենց կյանքն ինչպես կարող է առնչություն ունենալ այս հրաշքի ջրի հետ: Ուսանողների համար օգտակար կլինի մտածել, թե ինչ ջրամաններ էին օգտագործվել հրաշքի համար, և ինչ արեցին ծառաները, որպեսզի օգնեն իրականացնել հրաշքը: Օգենք ուսանողներին կենտրոնանալ Փրկիչի վրա և հասկանալ, որ քանի որ Նա զորություն ունի բոլոր բաների վրա, Նա իսկապես կարող է հրաշքով փոփոխություններ իրականացնել մեր կյանքում:
