O se tasi o faamoemoega o le atamai i aoaoga faavae o le fesoasoani lea ia te oe e tauloto mau faasino ma fasifuaitau o mau autu mo le atamai i fuaitau o aoaoga faavae. O lenei lesona ua faamoemoe e fesoasoani ia te oe e saili ma faataitai ona taulotoina mau faasino ma fasifuaitau o mau autu mo muai fuaitau e 11 o le atamai i fasifuaitau o aoaoga faavae o le Feagaiga Fou.
Fatufatuina o se siosiomaga o le alofa. O le saunia o avanoa mo tagata o le vasega e faamasani ai le tasi ma le isi e mafai ona tapue ai se siosiomaga o le alofa, faaaloalo, ma le faamoemoe i totonu o le potuaoga. Saili auala e uunaia ai tagata o le vasega e faasoa ai faamatalaga talafeagai o o latou olaga i le tasi ma i le isi.
Gaoioiga e Ono Mafai Ona Aoao Ai
E ono manaomia ona aoao atu se lesona i se fasifuaitau o tusitusiga paia o le atamai i aoaoga faavae e suitulaga i le lesona lenei. Tagai i le faatulagana o le saoasaoa mo lau vasega e faamautinoa ai le aoaoina atu o lesona taitasi i fasifuaitau o tusitusiga paia o le atamai i aoaoga faavae a o faagasolo le vaituuaga faaleaoaoga.
Mau faasino ma fasifuaitau autu o mau
Aisea o le a aoga ai ona iloa mau faasino o tusitusiga paia ma fasifuaitau autu o mau mo fuaitau o tusitusiga paia mo le atamai i aoaoga faavae?
Atonu o e manatua lenei faamatalaga mai ia Elder Richard G. Scott (1928–2015) o le Korama a Aposetolo e Toasefululua e uiga i le taua o le taulotoina o mau:
Ata
O le ata aloaia mulimuli o Elder Richard G. Scott o le Korama o Aposetolo e Toasefululua, 2004. Na maliu i le aso 22 o Setema 2015.
E mafai ona oo mai se mana maoae mai le taulotoina o mau. O le taulotoina o se mau o le fatuina lea o se faigauo fou. E faapei lava o le mauaina o se tagata fou e mafai ona fesoasoani mai i se taimi o puapuaga, tuuina mai musumusuga ma faamafanafanaga, ma avea o se punavai o uunaiga mo suiga manaomia.
(Richard G. Scott, “O Le Mana o Tusitusiga Paia,” Ensign po o le Liahona, Nov. 2011, 6)
Ina ia fesoasoani ia te oe e aoao mau faasino ma fasifuaitau autu o tusitusiga paia mo muai fasifuaitau e 11 o mau o le atamai i aoaoga faavae, mafaufau e lolomi le siata lenei i totonu o lau api talaaga mo suesuega pe sii mai le polokalama faatekionolosi (app) mo le Atamai i Aoaoga Faavae i totonu o sau telefoni po o komepiuta feaveai ma faaaoga gaoioiga i luga o le polokalama faatekionolosi (app) e fesoasoani ia te oe mo le taulotoina.
E fuafua i le toatele o lau vasega, mafaufau e atofa i tagata aoga taitoatasi le tasi pe sili atu foi o fuaitau o mau e 11 o le atamai i aoaoga faavae. Afai e manaomia, e mafai ona atofa le fuaitau lava lea e tasi i tagata aoga e toatele.
Valaaulia tagata aoga e faataamilo i le potuaoga ma galulue ma ni paga e saili ma, pe a latou filifilia, e maka uma fuaitau o mau e 11 o le atamai i aoaoga faavae ma fasifuaitau autu o mau. Uunaia tagata aoga e fesuiai a latou paga pe a maea ni nai minute.
Valaaulia tagata aoga e fai mea nei a o fegalegaleai le tasi ma le isi (e ono fesoasoani le tusi o nei faatonuga i luga o le laupapa):
Fai se fesili e faamasani latili ai le tasi i le isi (mo se faataitaiga, “O le a se mea se tasi e te fiafia e fai?” po o le “O fea se nofoaga se tasi e te fiafia tele e asiasi iai?”).
Fesoasoani le tasi i le isi e saili le fuaitau o mau ua atofaina o le atamai i aoaoga faavae ma le fasifuaitau autu o mau. Mafaufau e faailoga le fuaitau ma le fasifuaitau autu o mau i totonu o au tusitusiga paia.
Faasoa pe aisea e taua ai le upumoni o loo i le fasifuaitau autu o le mau.
Taumafai e tauloto le mau faasino ma le fasifuaitau autu o le mau.
Filfili i ni fuaitau se tolu pe sili atu o mau o le atamai i aoaoga faavae, ma fai mea nei:
Tusi tauloto mau faasino ma fasifuaitau autu o mau.
Faasoa pe aisea e te manatu ai e taua ona iloa nei fuaiupu.
I nai aso e sosoo ai, taumafai ia taulotoina mau faasino ma fasifuaitau autu o mau mo le ia le itiiti ifo ma le tolu pe sili atu ni fasifuaitau o mau o le atamai i aoaoga faavae. Saili mo auala e faapea e mafai e le iloaina o nei fuaiupu ona faamanuiaina ai lou olaga ma olaga o ē e te masani ai.
Gaoioiga Faaopoopo e Aoao Mai Ai
O se isi gaoioiga
O se isi auala e fesoasoani ai i tagata aoga e tauloto fasifuaitau autu o mau, o le tusi lea i luga o ni fasi pepa ni fesili e fesootai latalata i fuaitau taitasi o le atamai i aoaoga faavae. E mafai ona galulue taitoalua tagata aoga e tali fesili. O faataitaiga nei o ituaiga fesili e mafai ona fai:
O a ni mea e te fiafia e fai i le taimi o le Kerisimasi?
Sue le Luka 2:10–12 . Mafaufau e faailoga le fasifuaitau autu o le mau “Aua o le aso nei ua fanau ai i le aai o Tavita, lo outou Faaola, o le Alii o Keriso.”
Taumafai e tauloto le mau faasino ma le fasifuaitau autu o le mau.
Aisea e taua ai mo oe lou iloaina o le matafaioi a Iesu Keriso o le avea ai ma o lo tatou Faaola?
O le a se mea o mafai ona e manatua e uiga i lou papatisoga?
Sue le Ioane 3:5 . Mafaufau e faailoga le fasifuaitau autu o le mau “Afai e le fanau se tasi i le vai ma le Agaga, e le mafai ona sao o ia i le malo o le Atua.”
Taumafai e tauloto le mau faasino ma le fasifuaitau autu o le mau.
O le a sau tala e fai i se tasi faatoa liliu mai e uiga i faamanuiaga o le avea ai ma tagata o le malo o le Alii?