Iloilo Lou Aoaoina 11

1 Timoteo–1 Ioane

YW Shares a Scripture with Friend

O lenei lesona ua faamoemoe e fesoasoani ia te oe e iloilo ai sini na e faatutuina ma lou tuputupu a’e patino na e mauaina i le gasologa o lou suesueina o le Feagaiga Fou. 

O le faapatinoina o le aoaoina. Fesoasoani i tagata aoga e toe manatunatu i o latou aafiaga patino e faatatau i mea o loo aoaoina. Tuu atu se taimi mo i latou e mafaufau loloto ai i faamanuiaga ua latou maua e ala i le ola ai i le talalelei a Iesu Keriso ma pe faapefea ona latou avea atili e faapei o Ia.

Sauniuniga a le tagata aoga: Valaaulia tagata aoga e mafaufau loloto i mea ua latou aoaoina e uiga ia Iesu Keriso ma auala latou te lagona ai ua avea atili i latou e faapei o Keriso.

Gaoioiga e ono Mafai Ona Aoao Ai

Avea atili ai e faapei o Iesu Keriso

O lenei lesona ua faamoemoe e fesoasoani i tagata aoga e mafaufau ai pe o faapefea ona latou latalata atili atu ia Keriso ma avea ma Ona soo. O se vaega o lenei mea, o le a maua ai e tagata aoga se avanoa e iloilo ai (1) auala ua avea atili ai i latou e pei o Iesu Keriso, (2) lo latou gafatia e faamalamalama ai aoaoga i le Feagaiga Fou, ma le (3) sini ua latou faatutuina. O gaoioiga nei e mafai ona fetuunai e taulai atu ai i upumoni na faamamafaina i vasega talu ai nei.

O se tasi o auala e amata ai le vasega o le fai atu lea i tagata aoga e toefaamanatu a latou api faamaumau mo suesuega ma mau mo faamatalaga ma uunaiga na latou faamaumauina i nai vaiaso ua tuanai. Valaaulia tagata aoga e faasoa i le tasi ma le isi mea ua latou aoaoina e uiga ia Iesu Keriso ma Lana talalelei. Fesoasoani i tagata aoga e manatunatu i auala ua latou avea atili ai e faapei o Ia.

I se lesona talu ai, o le avea e faapei o Iesu Keriso sa faatusaina i le a‘ea o se mauga maualuga.

• O le a se mea ua e iloa e uiga i le a‘ea o se mauga e avea ai lenei faatusa ma se talafaatusa lelei?

• O le a se mea e te lagona e faigata i le avea ai e faapei o Iesu Keriso? Aisea e taua ai ia te oe le luitau?

Afai na e a‘ea se mauga muamua, mafaufau i ou lagona ina ua e taunuu i le tumutumu. Afai e te lei a‘e muamua i se mauga, mafaufau pe faape’i se lagona o lenei mea.

• E mafai faapefea e le faatumauina o le sini faamoemoeina i le mafaufau ona faaosofia oe i le taimi o lau a‘ega faaleagaga?

Afai na e faamaeaina le lesona talu ai i le 2 Peteru 1, vaai i le atatusi o se mauga na e fatuina i lau api faamaumau mo suesuega. Afai e te le‘i faia sa oe lava ata tusi, vaai i le ata lenei:

Divine Attributes Mountain Diagram

Faaaoga sina taimi e mafaufau ai e uiga i uiga paia o loo lisiina i luga o lau ata.

• O fea o nei uiga paia o e galue e atiina ae? O a mai lau taumafaiga?

Mafaufau i lou alofa mo Iesu Keriso ma le ala ua e iloa lelei atili ai o Ia.

• O le a se mea e mafai ona e faia e faaauau ona avea ai oe e faapei o Keriso?

O le aoao atu e faapei o Iesu Keriso

An actor portraying Jesus Christ holding a child on his lap. They are surrounded by people.

Jesus at the temple teaches His Apostles about the widow’s mites.

Jesus sitting at a table teaching.

Jesus blessing bread he is about to feed to the gathered multitude.

Mafaufau e faaali atu ni ata faataamilo i le potuaoga o le Faaola o loo aoao atu i nofoaga eseese.

• O a ni isi o tulaga ma nofoaga na aoao ai le Faaola?

O loo faasino mai e le Aoao Atu i le Ala a le Faaola:

O le tele o aoaoga a le Faaola e lei tupu i totonu o se sunako ae i nofoaga le taualoa, o aso uma—ao taumamafa ma Ona soo, utu vai mai se vai eli, po o le femaliuai e ui atu i tafatafa o se laau o le mati.

(“Ia Faaaoga Avanoa e Lei Fuafuaina mo le Aoao Atu,” Aoao Atu i le Ala a le Faaola [2016], 16)

Mafaufau i avanoa e te ono maua e aoao atu ai se mataupu faavae o le talalelei pe faamatala atu se talitonuga i se tasi.

• O anafea ma o fea foi e te manatu e mafai ona e faasoa atu ai se mea na e aoaoina talu ai nei pe lagonaina e uiga i le Faaola?

Na aoao mai i tatou e le Aposetolo o Peteru i le ala e avea ai faapei o Iesu Keriso ina ua ia tusia, “Ia saunia pea lava outou e tali atu … i le uiga o le faamoemoe o loo ia te outou” ( 1 Peteru 3:15). A o tatou faataitai ona faamalamalama atu mea tatou te talitonu i ai, e mafai ona tatou saunia mo taimi e aoao atu ai po o afea ma po o fea foi e o mai ai.

Filifili se tasi o autu nei na e suesueina i nai vaiaso ua tuanai, ma faamaea laasaga taitasi o loo mulimuli mai.

O Le Togiola a Iesu Keriso (tagai i le Eperu 9:11–15, 24, 28 ; 10:10–17)

Faatuatua ia Iesu Keriso (tagai i le Eperu 11 ; Iakopo 2:17–18)

O le Atua o le Tama o o tatou agaga (tagai i le Eperu 12:9 ; tagai foi i le Ioane 20:17 ; Galuega 17:29 ; Roma 8:16–17)

a. Tusi i lalo se tulaga moni e mafai ai, e pei o le Faaola, ona maua se avanoa e aoao atu ai se tasi pe tali se fesili e uiga i lenei autu.

e. Tusi i lalo se fesili atonu o loo iai i se tasi e faatatau i lenei autu.

i. Fuafua pe faapefea ona e faamatalaina lenei autu ma tali le fesili. Faaaoga se mau e tasi pe sili atu i lau faamatalaga. (O mau o loo lisi atu i puipui ua saunia e faamanatu atu ai ia te oe mea atonu ua uma ona e suesueina.)

Mafaufau e valaaulia ni nai tagata aoga e faatinoga faataitai e faamalamalamaina ai se upumoni o le talalelei. Fautuaina tagata aoga ia mautinoa ma faalagolago i le Agaga e fesoasoani ia i latou ia manatua mea ua latou iloa. Tuu atu i tagata aoga le avanoa e talanoa ai i mea sa lelei ma mea sa faigata i le tala faatino faataitai. Valaaulia tagata aoga e vaavaai mo avanoa e faataitai ai le aoao atu ma tuputupu ae ai i lo latou tomai e faasoa atu ai o latou talitonuga ma isi.

O a‘u taumafaiga e suesue i tusitusiga paia ma tatalo

Joseph Smith reading the Bible by candlelight.

Uu i luga se Tusi Paia ma faaali atu se ata o Iosefa Samita i lona talavou. Valaaulia tagata aoga e talanoaina le matafaioi o le suesueina o tusitusiga paia ma le tatalo i le mauaina ai o faaaliga. Mafaufau e fai atu le fesili lenei.

• O le a se mea ua e aoaoina e uiga i le suesueina o tusitusiga paia ma le tatalo mai le suesueina o le Feagaiga Fou po o aafiaga o Iosefa Samita?

Tusi i lalo mea o loo e faia i le taimi nei, taumafai e fai, pe manao e fai e faaleleia ai au taumafaiga e tatalo ma suesue i tusitusiga paia. E mafai ona aofia ai se sini a tagata ma le Autalavou ua e faatuina mo oe lava po o se sini patino i le seminare.

Ina ia fesoasoani ia te oe e vaai faalemafaufau i lou alualu i luma i lenei sini, tusi le ata lenei i lau api faamaumau mo suesuega. Faaopoopo se tasi o ulutala nei i luga ae o vaega taitasi e fa o lau ata: Lesona; Faamanuiaga; Mea Faalavefau; Tuputupu Ae i le Lumanai. I lalo o ulutala talafeagai, tusi au tali i fesili taitasi nei e fesoasoani ia te oe e iloilo ai lou alualu i luma ma faaauau ai ona faaleleia.

An illustration of an arrow.

• O a ni lesona sa ou aoaoina e ala i le tatalo ma le suesueina o tusitusiga paia?

• O a faamanuiaga po o tali ua ou iloaina?

• Pe o ou feagai ea ma ni mea faalavefau i le ausiaina o la‘u sini o le suesueina o tusitusiga paia? Afai o lea, e mafai faapefea ona ou liliu atu i le Alii e faatoilalo i latou?

• O le a se tuputupu ae i le lumanai ou te fia vaai i ai i a‘u tatalo ma le suesueina o tusitusiga paia?

Afai e le o i ai sau sini i lenei vaega, atonu e te manao e maua se sini se tasi i le taimi nei ma iloilo iai i nai vaiaso ma masina e sosoo ai. Saili le taitaiga a le Agaga Paia ia iloa ai pe faapefea e au taumafaiga e tatalo ma suesue i tusitusiga paia ona fiafia ai le Alii. Saili foi ia iloa soo se suiga atonu e manaomia ona e faia ia maua ai faamanuiaga ma maua ai tali e finagalo le Alii e tuuina mai ia te oe.

Afai e toamalie tagata aoga, valaaulia ni volenitia e faasoa mai le ata na latou fatuina i totonu o a latou api talaaga ma le alualu i luma o loo latou maitauina. Fesoasoani i tagata aoga ia iloa e oo lava i sina tuputupu ae laitiiti, ma fautuaina i latou e faaauau pea ona suesue i tusitusiga paia ma tatalo i lo latou Tama Faalelagi mo faaaliga.