The resurrected Christ appears to Paul while he is in prison.
A o saisai i filifili ma siosio e tagata Iutaia o e sa mananao e fasioti ia te ia, sa tu Paulo i luga o fasitepu o le Olo o Anetonia i Ierusalema ma molimau atu ma le lototoa i lona liua ia Iesu Keriso. Ina ua tuuina Paulo i le falepuipui, sa asiasi atu le Faaola ia te ia ma tautino atu o le a molimau atu Paulo e uiga ia te Ia i Roma. Sa mulimuli ane feagai Paulo ma le tele o tofotofoga ia na foliga mai ai e le ono mafai ona faataunuuina lenei folafolaga. O lenei lesona o loo aumaia ai se vaaiga aoao mo le Galuega 22–23, 26–28 ma ua faamoemoe e faatupulaia ai lou talitonuga o le a faataunuuina e le Tama Faalelagi ma Iesu Keriso a Laua folafolaga a o e taumafai e auauna atu ia i Laua.
O le faasoaina o aafiaga. Fai fesili e valaaulia ai tagata aoga e manatunatu i aafiaga faaleagaga e faatatau i upumoni o loo aoaoina. A o faasoa mai tagata aoga i o latou aafiaga, e mafai ona latou lagonaina le taua o lena upumoni ma faamalosia ai lo latou manao e ola ai i se faamaoni sili atu.
Sauniuniga a le tagata aoga: Valaaulia tagata aoga e mafaufau loloto i folafolaga na faia e le Alii ia i latou. Mo se faataitaiga, e mafai ona latou mafaufau i folafolaga i tatalo o le faamanatuga (tagai i le Moronae 4:3; 5:2) po o isi tusitusiga paia. O tagata aoga ua maua o latou faamanuiaga faapeteriaka e mafai ona faitau i ai ma vaavaai mo folafolaga mai le Alii. Faamanatu i tagata aoga o faamanuiaga faapeteriaka e patino i le tagata lava ia taitoatasi ma paia ma e le tatau ona faasoaina atu i tagata o le vasega.
Gaoioiga e ono Mafai Ona Aoao Ai
O ai e te faatuatuaina?
Faaali atu uunaiga nei ma valaaulia tagata aoga e tali mai i a latou api faamaumau mo suesuega ae latou te lei faasoaina mai a latou tali i le vasega.
O ai e te ono faatuatuaina e fai mea nei ma pe aisea foi?
Filifili ofu e te ofuina
Filifili le mea e te nofo ai
Tausia pea lava pea a latou folafolaga
Faatasi pea ma oe i taimi faigata
Tali fesili nei:
O fea o nei mataupu e sili ona taua ia te oe? Aisea?
E faapefea ona fesoasoani ia te oe le i ai o tagata i lou olaga e mafai ona e faatuatuaina?
Faaalu sina taimi e mafaufau ai pe o le a le tele o lou faatuatua i le Tama Faalelagi ma Iesu Keriso. E te talitonu o le a La tausia a Laua folafolaga ia te oe? E te talitonu o le a La faatasi ma oe i taimi faigata? Pe o le a lava lou faatuatuaina o i Laua e tuu atu ai ia i Laua e taialaina oe i aso taitasi? Aisea e te ioe ai pe leai foi?A o e suesueina lenei lesona, vaavaai mo tala e mafai ona fesoasoani ia te oe e faatupulaia ai lou mautinoa o le a faataunuuina e le Tama Faalelagi ma Iesu Keriso a Laua folafolaga a o e taumafai e auauna atu ia i Laua.
Ua toe foi Paulo i Ierusalema
Ina ua mavae lana malaga lona tolu faafaifeautalai, sa toe foi Paulo i Ierusalema e molimau atu ia Keriso. Sa tosoina ese o ia mai le malumalu e se vaega o tagata Iutaia o e sa mananao e fasioti ia te ia ae sa laveaiina o ia e fitafita Roma. Sa aveina o ia i fasitepu o le Olo o Anetonia ma faatagaina ai e tautala (tagai i le Galuega 21). Sa molimau atu Paulo e uiga i lona liua ia Iesu Keriso ma le faatonuga a le Faaola e talai atu i tagata Nuu Ese. Sa toe feitai tele tagata Iutaia, ma sa toe auina atu Paulo i le ‘olo mo lona saogalemu (tagai i le Galuega 22; 23:1–10).
Faitau le Galuega 23:11, ma vaavaai mo mea na fetalai ai le Faaola ma faia mo Paulo. E le gata i lea, e mafai foi ona e matamata i le vitio “Be of Good Cheer” (1:32), lea e mafai ona maua i le ChurchofJesusChrist.org.
O le a se mea e mafai ona tatou aoaoina e uiga i le Faaola mai mea na Ia fetalai ai ma faia i lenei fuaiupu?
Atonu e faailoa mai e tagata aoga upumoni e pei o nei: Na te silafia i tatou i o tatou igoa. Na te faamafanafana ma faamalosiau ia i tatou. E faatasi o Ia ma i tatou i taimi o o tatou luitau.
Mafaufau e valaaulia tagata aoga e manatunatu i o latou lava aafiaga e ala i le faaaogaina o le fesili lenei.
O anafea na faatino ai e le Faaola se tasi o upumoni nei i lou olaga, po o le olaga o se tasi e te iloaina?
Afai e manaomia e tagata aoga se fesoasoani e mafaufau ai i aafiaga, mafaufau e faasoa atu se aafiaga patino po o se faataitaiga i tusitusiga paia o loo faapupula mai ai nei upumoni, e pei o le Uluai Faaaliga a Iosefa Samita (tagai i le Iosefa Samita—Talafaasolopito 1:14–20).
O folafolaga a le Faaola
O le aafiaga a Paulo o se tasi lea o faataitaiga o le faataunuuina e le Faaola o Lana folafolaga e faatasi ma Aposetolo a o latou talai atu le talalelei (tagai i le Mataio 28:19–20).
I lau api faamaumau mo suesuega, fatu se siata e pei o lea o loo i lalo. I lenei lesona atoa, lisi folafolaga a le Alii i le itu tauagavale o le siata ma le faataunuuga o na folafolaga i le itu taumatau.
Mafaufau e tusi le siata i luga o le laupapa ma faatumu faatasi ma le vasega. Valaaulia tagata aoga e fatu foi le siata i a latou api talaaga.
Folafolaga
Faataunuuga o folafolaga
O le a faatasi Iesu ma Aposetolo a o latou talai atu le talalelei (tagai i le Mataio 28:19–20).
O le a molimau atu Paulo i Roma (tagai i le Galuega 23:11).
Na afio mai Iesu ia Paulo i le olo ina ua uma ona talai atu Paulo (tagai i le Galuega 23:11).
Na faia e le Faaola ni folafolaga faaopoopo i Ana Aposetolo.
Faitau le Mataio 10:18–20 ma le Mareko 16:17–18.Faailoa mai folafolaga a le Faaola, ona tusi lea i le koluma agavale o lau siata.
O a ni mea o aoao atu ia te oe e nei folafolaga e uiga ia Iesu Keriso?
Ua faaauau pea ona molimau atu Paulo ia Keriso
Faitau i aotelega nei, ma mafaufau loloto pe faape’i ni ou lagona pe ana e i ai i le tulaga o Paulo. Ona faitau lea o fuaiupu o loo lisi atu i tulaga taitasi e iloa ai pe o a mea a Paulo na fai ma pe na faapefea ona faataunuuina folafolaga a le Alii. Faaopoopo folafolaga ua faataunuuina e te maua i le itu taumatau o le siata i lau api faamaumau mo suesuega.
O le a e aoao atili e uiga i nei tala i lesona o i le lumanai.
O a ni folafolaga na e vaai ua faataunuuina?
Aisea e taua ai ia te oe le faataunuuina e Iesu Keriso o Ana folafolaga?
E faapefea e le iloaina e tausia e le Faaola Ana folafolaga ona tosina ai ou lagona ia te Ia ma lou manao e faalogo ma mulimuli ia te Ia?
E ui ina valaaulia i tatou e le Atua e taumafai e auauna atu ia te Ia, ae ua le faamoemoe o Ia e atoatoa i tatou a o lei faataunuuina e Ia Ana folafolaga ia i tatou. E ui ina sa feagai Paulo ma le tele o luitau (tagai i le 2 Korinito 11:23–27) ma sa lei atoatoa (tagai i le 1 Timoteo 1:15), ae sa faataunuuina lava e le Atua Ana folafolaga ia Paulo.
O folafolaga na faataunuuina i lou olaga
Mafaufau i folafolaga na faia e le Tama Faalelagi ma Iesu Keriso ia te oe.
Na aoao mai Elder David A. Bednar o le Korama a Aposetolo e Toasefululua e faapea:
Ata
Elder David A. Bednar, Quorum of the Twelve Apostles official portrait. 2020.
O folafolaga silisili ese uma ma le taua ua ofoina mai e le Tama Faalelagi i Ana fanau, e le mafai ona faitauina pe faamatalaina i se aotelega atoatoa. Peitai, e oo lava i [se] lisi o se vaega o faamanuiaga folafolaina … e tatau ona fai ma mafuaaga i ai tatou taitoatasi e “tu ma ofo” ma “faapauu i lalo ma ifo atu i le Tama” i le suafa o Iesu Keriso.
(David A. Bednar, “O Mea Silisili Ese ma le Taua,” Ensign po o le Liahona, Nov. 2017, 91)
O punaoa nei o loo i ai folafolaga na faia e le Tama Faalelagi ma Iesu Keriso ia i tatou.
Mo Le Malosi o le Autalavou(tamaitusi, 2011)
Lou faamanuiaga faapeteriaka (pe afai ua e mauaina)
Filifili nisi o nei punaoa e suesue i ai. A o e faailoa folafolaga, faaopoopo atu i latou i le itu agavale o le siata i lau api faamaumau mo suesuega.
O a mea ua aoaoina atu e nei folafolaga ia te oe e uiga i naunautaiga o le Faaola mo oe?
Vaai i le lisi o folafolaga ua e faailoaina. Saili le aafiaga a le Agaga Paia a o e mafaufau loloto pe na faapefea e le Tama Faalelagi ma Iesu Keriso ona faataunuuina na folafolaga i lou olaga. I le koluma taumatau o le siata i lau api faamaumau mo suesuega, faaopoopo i ai se faamatalaga puupuu pe na faapefea ona Laua faataunuuina se tasi o na folafolaga po o nisi folafolaga faaopoopo e te mafaufau i ai. Mo se faataitaiga, o le lagonaina o le uunaiga a le Agaga Paia e mafai ona avea o se faataunuuga o folafolaga na faia i tatalo o le faamanatuga (tagai i le Moronae 4:3; 5:2). E mafai foi ona e tusia pe na faapefea ona faataunuu e le Tama Faalelagi ma Iesu Keriso a Laua folafolaga i se tasi e te iloaina.
Mafaufau loloto pe mafai faapefea e nei faataitaiga ona faateleina lou mautinoa o le a faataunuu e le Tama Faalelagi ma Iesu Keriso a Laua folafolaga i le lumanai.
Tuu atu i tagata aoga se taimi ia lava e faamaea ai a latou siata. Valaaulia i latou e faasoa mai ni aafiaga patino po o ni molimau ua faateleina ai lo latou talitonuga e faataunuu e le Tama Faalelagi ma Iesu Keriso a Laua folafolaga.
Talatalaga ma Faamatalaga o Talaaga
Aisea e tatau ai ona tatou tuu atu lo tatou faalagolago i le Alii?
Sa faamatala mai e Elder Stanley G. Ellis o le Fitugafulu:
Ata
Official Portrait of Elder Stanley G. Ellis. Photographed in March 2017.
Uso e ma tuafafine, e mafai ona i ai lo tatou faatuatua e faalagolago ai ia te Ia! E finagalo o Ia i le mea sili ona lelei mo i tatou (tagai i le Mose 1:39). O le a Ia tali mai i a tatou tatalo (tagai i le Mataupu Faavae ma Feagaiga 112:10). O le a Ia tausia Ana folafolaga (tagai i le Mataupu Faavae ma Feagaiga 1:38). Ua ia te Ia le mana e tausi ai na folafolaga (tagai i le Alema 37:16). Na te silafia mea uma! Ma o le mea e sili ona taua, Na te silafia le mea e sili ona lelei (tagai i le Isaia 55:8–9).
(Stanley G. Ellis, “Pe Ua Tatou Faatuatuaina Ea o Ia? E Lelei le Faigata,” Ensign po o le Liahona, Nov. 2017, 114)
Aisea o le a ou manao ai e taumafai e auauna atu i le Atua?
Na aoao mai e Sister Elaine L. Jack, o le sa avea ma Peresitene Aoao o le Aualofa e faapea:
Ata
Portrait of Elaine L. Jack, Relief Society general president from 1990-1997.
I le avea ai ma se tina talavou, ou te manatua lo’u fai atu i la’u tama tama aupito i laitiiti, o Gordon, ina ua pau o ia mai lana uila ma feagai ai e le gata i tulivae maosiosia ae faapea foi ma le faaitiitia o se talitonuga mautinoa, “O lea ou te i ai iinei.” Ou te faapea atu a o ou opoina o ia e faamafanafana ia te ia, “O lea ou te i ai iinei.” Pe le faamanatu mai ea e lena mea ia i tatou e uiga i le Alii, o loo faatasi ma i tatou i taimi uma? (tagai i le Mataio 28:20) E le na ona i ai o Ia le lotu, i le malumalu, pe i taimi o tatou tootutuli ai i o tatou moega. O loo i ai o Ia “iinei” pe a tatou ola ai i ana aoaoga.
(Elaine L. Jack, “Ponder the Path of Thy Feet,” Ensign po o le Liahona, Nov. 1993, 100)
Galuega 23:11. Sa silafia e le Alii osigataulaga ma tofotofoga a Paulo ma sa faatasi ma Ia. Pe o le a Ia faia foi lava lea mo a’u?
Na aoao mai Sister Sharon Eubank, Fesoasoani Muamua i le Au Peresitene Aoao o le Aualofa:
Ata
Official Portrait of Sister Sharon Eubank. Photographed in 2017.
Ou te molimau atu e pele outou. Ua silafia e le Alii le malosi o loo outou taumafai ai. O loo outou alualu i luma. Ia faaauau pea. Na te silafia a outou osigataulaga uma lēmavaaia ma faitauina i latou mo lo outou lelei ma le lelei o i latou e te alofa i ai. E le o faia fua la outou galuega. E le o tuua na o outou. O Lona lava suafa, o Emanuelu, o lona uiga “Ua ia i tatou le Atua.” O loo Ia faatasi moni lava ma oe.
(Sharon Eubank, “O Keriso: O Le Malamalama e Susulu i le Pogisa,” Ensign po o le Liahona, Me 2019, 75–76)
E mafai faapefea ona ou malamalama atili i mea na tutupu i le Galuega 22–23, 26–28?
Matamata le vitio “Mataupu 63: Ua Faamaea e Paulo Lana Misiona” (2:32), lea e mafai ona maua i le ChurchofJesusChrist.org.
A o vaaia aoao e le vasega le talafaasolo o le Galuega 22–23, 26–28, mafaufau e valaaulia i latou e saili mo auala e tali pei ai Paulo o Keriso. Mafaufau i ni auala e fesoasoani ai ia i latou ia iloa auala na tuuaia sese ai Paulo ma Iesu Keriso ma faia vavega. Ona mafai lea e tagata aoga ona talanoaina pe na faapefea e aafiaga o Paulo ona fesoasoani ia te ia ia avea atili e faapei o le Faaola.
O Amona ma Atalii o Mosaea
Mafaufau e faatusatusa aafiaga o atalii o Mosaea i aafiaga o Paulo ma folafolaga na faataunuuina e le Alii. E mafai e tagata aoga ona faitau le Mosaea 28:6–8 ma saili le folafolaga a le Alii. Valaaulia tagata aoga e saili pe na faapefea ona faataunuuina e le Alii Ana folafolaga a o latou matamata i se vaega o le vitio po o le vitio atoa “Ammon Serves and Teaches King Lamon: Alema 17–19” (23:04), lea e mafai ona maua i le ChurchofJesusChrist.org.
