A painting of a mass of people from different ethnic backgrounds. Submission for the 11th Annual Art Competition.
Ինչո՞ւ երբեմն դժվար է սեր ցուցաբերել ուրիշների հանդեպ: Աստծո հանդեպ մեր սերը ինչպե՞ս է կապված ուրիշներին սիրելու հետ: Հովհաննես Առաքյալն ուսուցանել է Սրբերին, թե Աստծո սերը նրանց հանդեպ ինչպես կարող է ոգեշնչել նրանց սիրել Աստծուն և ուրիշներին (տես Ա Հովհաննես 4.11, 19): Այս դասը կարող է օգնել ձեզ հասկանալ և կիրառել Աստծո նման ուրիշներին սիրելու պատվիրանը:
Օգնեք ուսանողներին արդյունավետ արդար քայլեր կատարել Եթե ուսանողները հավատքով գործեն ավետարանի սկզբունքները կիրառելիս, Սուրբ Հոգին կվկայի նրանց այդ ճշմարտությունների մասին (տես Հովհաննես 7.17): Ուսանողներին հնարավորություններ տվեք կիրառել սկզբունքները դասարանում, որպեսզի Սուրբ Հոգին կարողանա այդ ճշմարտությունները ավելի խորը պահել նրանց սրտերի մեջ:
Ուսանողի նախապատրաստում. Ուսանողներին առաջարկեք պատրաստվել կիսվելու, թե նրանք ինչպես են սեր ցուցաբերել ուրիշների հանդեպ կամ, ինչպես են ուրիշները սեր ցուցաբերել իրենց հանդեպ, և դա ինչ ազդեցություն է ունեցել իրենց և ուրիշների վրա:
Հնարավոր ուսումնական վարժություններ
Սիրել ուրիշներին
Մտածեք, թե ինչպես կարող եք ավարտել հետևյալ նախադասությունները.
Հեշտ է սիրել ուրիշներին, երբ …
Ավելի դժվար է սիրել ուրիշներին, երբ …
Գրեք վերոնշված արտահայտությունները գրատախտակին, այնուհետև առաջարկեք մի քանի ուսանողների գրել, թե նրանք ինչպես կարող են ավարտել այս նախադասություններից մեկը:
Խորհեք հետևյալ հարցի շուրջ.
Ի՞նչն է ձեզ ոգեշնչում կամ խանգարում սեր ցուցաբերել ուրիշների հանդեպ:
Հովհաննեսի ուսմունքները սիրո մասին
Հովհաննես առաքյալը ուսուցանել է ուրիշներին սիրելու անհրաժեշտության մասին:
Կարդացեք Ա Հովհաննես 3.16-17 , 4.7-11, 19-21 հատվածները և նշեք ճշմարտությունները, որոնք կարող են օգտակար լինել ձեզ՝ ուրիշներին սիրելու դժվարությունները հաղթահարելու համար: (Նկատի ունեցեք, որ քավություն բառը [ Ա Հովհաննեսի 4․10 ] հատվածում նշանակում է այն քավիչ զոհաբերությունը, որը բավարարում է Աստծո արդարադատությունը):
Ի՞նչ հետաքրքիր կամ իմաստալից միտք եք գտել Հովհաննեսի ուսմունքներում: Ինչո՞ւ:
Ուշադիր լսեք ուսանողների պատասխանները: Ձգտեք ստեղծել այնպիսի մթնոլորտ, որտեղ ուսանողները կարողանան կիսվել իրենց մտքերով: Հարցրեք, թե նրանց գտածն ինչպես կարող է օգնել իրենց սիրել ուրիշներին:
Այս հատվածներում ուսուցանված ճշմարտութոյւններից մեկն այն է, որ եթե մենք սիրենք Աստծուն, մենք կսիրենք նաև ուրիշներին: Կարող եք Ա Հովհաննես 4.21 հատվածում նշել այդ ճշմարտությունը:
Մտածեք, թե ինչպես կարելի է ուսանողներին օգնել ավելի խորը հասկանալ այս ճշմարտությունը: Դուք դա կարող եք անել՝ քննարկելով հետևյալ հարցերից մեկը կամ բոլորը. Ձեր կարծիքով, Աստծո հանդեպ սերն ինչո՞ւ է կապված ուրիշների հանդեպ սիրո հետ: Ձեր և ուրիշների հանդեպ Աստծո սիրո մասին մտածելը ինչպե՞ս կարող է ազդել ուրիշների նկատմամբ ձեր գործողությունների վրա: Ինչպե՞ս կարող է փոխվել մեր և ուրիշների կյանքը, եթե մենք հասկանանք ու կիրառենք այս ճշմարտությունը:
Ուսանողներին նաև օգտակար կլինի կատարել հետևյալ վարժությունը.
Ուրիշներին սիրելու օրհնությունների շուրջ խորհելու համար ընտրեք հետևյալ օրինակներից մեկը և պատասխանեք հետևյալ հարցերին մեկին.
Ցուցադրեք հետևյալ տարբերակները և հիշեցրեք ուսանողներին դասին իրենց նախապատրաստման մասին: Խնդրեք նրանց դասարանով կամ անհատապես ընտրել օրինակներից մեկը կամ երկուսը:
ա. Օրինակ Փրկչի կյանքից, երբ նա սեր է ցուցաբերել ուրիշների հանդեպ:
բ. Ձեր ծանոթը, որն ուրիշներին սիրելու վառ օրինակ է հանդիսանում
գ. Ուրիշներին սիրելու ձեր սեփական փորձառությունը կամ դեպքեր, երբ ուրիշներն են սեր ցուցաբերել ձեր հանդեպ:
դ. Օրինակներ գերագույն համաժողովի ուղերձներից կամ Եկեղեցու տեսանյութերից, օրինակ՝ «Մեզ վրա վերցնել Հիսուս Քրիստոսի անունը» տեսանյութը 4:43-6:15 (ChurchofJesusChrist.org կայքում):
Դուք կամ այդ անձը ի՞նչ եք արել՝ ուրիշների հանդեպ սեր ցուցաբերելու համար:
Ձեր կամ նրանց գործողություններն ինչպե՞ս են սեր ցուցադրել Աստծո հանդեպ:
Ի՞նչ արդյունք տվեց դա:
Ի՞նչ սովորեցիք այդ օրինակից:
Եթե ուսանողներն անհատապես են կատարել այս վարժությունը, կարող եք նրանց խնդրել իրենց պատասխաններով կիսվել փոքր խմբերում կամ դասարանի հետ:
Ստանալ ուրիշներին սիրելու օրհնությունները
Կարդացեք Ա Հովհաննես 3.17-18 հատվածները՝ տեսնելով, թե Հովհաննեսն ինչպես է մեզ հորդորել սիրել ուրիշներին:
Ձեր կարծիքով, ի՞նչ է նշանակում ուրիշներին սիրել «գործով եւ ճշմարտութիւնով»: ( Ա Հովհաննես 3․18):
Նշեք, թե ինչպես կարող եք «գործով եւ ճշմարտութիւնով» սեր ցուցաբերել ուրիշների հանդեպ կամ այնպես, ինչպես Փրկիչն է մեզ սիրել: Օգտակար կլինի տարբեր մարդկանց, օրինակ՝ ընտանիքի անդամների, ընկերների կամ դասընկերների հանդեպ սեր դրսևորելու ուղիներ դիտարկել:
Եթե կօգնի ուրիշներին «գործով և ճշմարտությամբ» սիրելու որոշ օրինակներ տեսնել, ապա դիտեք «Այժմ ծառայում եմ» տեսանյութը՝ (2:18) այդ օրինակները տեսնելու համար: Տեսանյութը հասանելի է ChurchofJesusChrist.org կայքում:
Սեր ցուցաբերելու վերաբերյալ գաղափարներից որո՞նք են հատկապես առանձնանում ձեզ համար: Ինչո՞ւ:
Ինչո՞ւ է կարևոր, որ մեր գործողությունները անկեղծ լինեն:
Այդ գործողությունները պարբերաբար կատարելով, ինչպե՞ս կարող ենք ավելի նմանվել Հիսուս Քրիստոսին:
Կիրառում
Հիշեք որևէ մեկին, ում հանդեպ Տերը կցանկանար, որ դուք ավելի շատ սեր ցուցաբերեիք: Փորձեք մտածել Երկնային Հոր և Փրկչի՝ նրանց հանդեպ ունեցած սիրո մասին: Աղոթեք Երկնային Հորը: Փորձեք լսել և զգալ, թե Նա ինչ կցանկանար, որ դուք անեք՝ այդ մարդու հանդեպ սեր ցուցաբերելու համար: Կարող եք աղոթել՝ ձեր ջանքերին օժանդակություն ստանալու համար: Օգտակար կլինի նաև, եթե ձեր ծրագրով կիսվեք վստահելի չափահասի կամ ընկերոջ հետ և նրանից օգնություն խնդրեք:
Կարող եք հարցնել՝ արդյոք ուսանողները ցանկանում էն վկայել ուրիշներին սիրելու կարևորության և այն մասին, թե դա ինչպես է ցուցադրում մեր սերը Աստծո հանդեպ: Կարող եք նաև կիսվել անձնական վկայությամբ:
Բացատրական և պատմական տեղեկություններ
Ա Հովհաննես 3․18 : Ի՞նչ է նշանակում սիրել «գործով եւ ճշմարտութիւնով»
Երեց Ջոզեֆ Բ. Վիրթլինը (1917–2008) Տասներկու Առաքյալների Քվորումից բացատրել է.
Նկար
Last official portrait of Elder Joseph B. Wirthlin of the Quorum of the Twelve Apostles, 2004. Died December 1, 2008.
Հաճախ սիրո մեծագույն արտահայտություններից են հասարակ բարի գործերը և ուրիշների հանդեպ հոգատարությունը:
(Ջոզեֆ Բ. Վիրթլին, «Մեծ պատվիրանը», Ensign կամ Լիահոնա, նոյեմբեր 2007, 29)
Որո՞նք են ուրիշներին սիրելու որոշ օրհնությունները
Նախագահ Դիտեր Ֆ. Ուխդորֆը՝ այն ժամանակ Առաջին Նախագահությունից, վկայել է այդ օրհնությունների մասին:
Նկար
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Քանի որ սերը մեծ պատվիրանն է ընտանիքում, Եկեղեցում և կյանքում, այն պետք է մեր գործողությունների կենտրոնը լինի: Սերը բուժիչ բալասան է, որը փակում է անձնական և ընտանեկան հարաբերություններում առաջացող ճեղքերը: Դա այն կապն է, որը միավորում է ընտանիքներ, համայնքներ և ազգեր: Սերը մի ուժ է, որն առաջացնում է ընկերություն, հանդուրժողականություն, քաղաքավարություն և հարգանք: Այն պառակտումը և ատելությունը հաղթահարելու աղբյուր է: Սերը կրակ է, որը ջերմացնում է մեր կյանքը անզուգական ուրախությամբ և աստվածային հույսով: Սերը պետք է ուղղորդի մեզ կյանքում:
Երբ մենք իսկապես հասկանում ենք, թե ինչ է նշանակում սիրել այնպես, ինչպես Հիսուս Քրիստոսն է մեզ սիրում, շփոթությունն անցնում է, և մենք հստակ պատկերացնում ենք մեր առաջնահերթությունները: Մեր ուղին, որպես Քրիստոսի աշակերտներ, ավելի ուրախ է դառնում: Մեր կյանքը նոր իմաստ է ստանում: Երկնային Հոր հետ մեր հարաբերությունները ավելի խորն են դառնում:
Ա Հովհաննես 3․18 Մենք ինչպե՞ս կարող ենք «գործով եւ ճշմարտութիւնով» սեր ցուցաբերել մեր ընտանեկան հարաբերություններում
Դիտեք «Ամուսնության հավերժական օրհնությունները» տեսանյութը 6:23-8:41՝ տեսնելով, թե երեց Ռիչարդ Գ. Սքոթը (1928–2015) Տասներկու Առաքյալների Քվորումից ինչպես է նկարագրում այն բարի գործերը, որոնցով ինքը և իր կինը փոխանակվում էին իրենց կյանքի ընթացքում, կամ դիտեք «Երկու բաժանված եղբայրները» տեսանյութը (6:12), որը ցուցադրում է, թե երկու եղբայրներ ինչպես են սովորում հասկանալ և սիրել միմյանց:
Ա Հովհաննես 4․12 Հովհաննեսն ի՞նչ նկատի ուներ, երբ ասաց, որ «Աստուծուն երբէք մէկը չէ տեսել»
«Ջոզեֆ Սմիթի Թարգմանությունը պարզաբանում է այն սխալ ընկալումը, որ մահկանացու մարդիկ չեն կարող տեսնել Աստծուն. «Աստուծուն երբէք մէկը չէ տեսել» բացի նրանցից, ովքեր հավատում են ( Ա Հովհաննես 4.12 , ծանոթագրություն ա): Հովհաննեսն ուսուցանել է. «Եթէ իրար սիրենք Աստուած մեզանում է բնակվում, եւ նորա սէրը կատարեալ է մեզանում» ( Ա Հովհաննես 4:12): Հովհաննեսն ինքն էր տեսել Աստծուն (տես Հայտնություն 5.1 , ՎևՈւ 67.11): Եթե ցանկանում եք ավելի շատ բան կարդալ այն մասին, թե մահկանացու մարդիկ ինչպես կարող են տեսնել Աստծուն, տես Հովհաննես 14.23 , Գործք Առաքելոց 7.56 , ՎևՈւ 93.1 , Ջոզեֆ Սմիթ–Պատմություն 1.16-17 » (Նոր Կտակարանի ձեռնարկ ուսանողների համար [2014], 517):
Official portrait of President Russell M. Nelson taken January 2018
Կյանքում մեր ամենամեծ առաջնահերթություններից է սիրել Աստծուն և սիրել մեր մերձավորներին: Դա ներառում է մեր ընտանիքը, մեր համայնքը, մեր ազգը և մեր աշխարհը:
(Ռասսել Մ․ Նելսոն, «Ուսուցանիր մեզ հանդուրժողականություն և սեր», Ensign կամ Լիահոնա, մայիս 1994, 69)
Օժանդակ ուսումնական վարժություն
Ա Հովհաննես 3․1-3 , 4․12 : Մենք կարող ենք նմանվել Երկնային Հորը՝ ավելի մաքուր դառնալով
Եթե ուսանողներին օգտակար լինի ավելի շատ բան սովորել այն մասին, թե նրանք ինչպես կարող են ավելի նմանվել Երկնային Հորը, առաջարկեք նրանց ուսումնասիրել Ա Հովհաննես 3.1-3 հատվածները և կիսվել իրենց սովորածով: Բացատրեք, որ Ա Հովհաննես 3.1 հատվածի «որդիները» կարող են թարգմանվել որպես «զավակներ» (տես Ա Հովհաննես 3.1 , ծանոթագրություն բ), և այս իմաստով Աստծո զավակները վերաբերում են հոգեպես վերածնված մարդկանց (տես նաև Մոսիա 5.7):
Ուսանողներին առաջարկեք կիսվել, թե նրանք ինչ գիտեն Երկնային Հոր մասին «ինչպէս որ է» ( Ա Հովհաննես 3.2): Խնդրեք նրանց կիսվել գաղափարներով այն մասին, թե մենք ինչպես կարող ենք «սրբել մեր անձերը» ( Ա Հովհաննես 3.3)՝ Աստծուն նմանվելու համար: Հնարավորություններից մեկն է ձգտել սիրել այնպես, ինչպես Աստված է սիրում (տես Ա Հովհաննես 4.12):
Ուսանողներին հիշեցրեք, որ մենք չենք կարող մաքուր դառնալ առանց Փրկչի: Առաջարկեք նրանց ուսումնասիրել Սուրբ գրքերի ուղեցույցի « Սրբագործում » հոդվածը (scriptures.ChurchofJesusChrist.org) և փնտրել գաղափարներ այն մասին, թե մենք ինչպես կարող ենք Քրիստոսի օգնությամբ ավելի մաքուր դառնալ: Առաջարկեք նրանց ծրագիր կազմել, թե ինչպես անել դա:
