Rebyo 20 sa Doktrinal nga Kahanas

Sabta ug Ipasabot

Young Men nga nagbasa og mga kasulatan

Ang usa ka katuyoan sa doktrinal nga kahanas mao ang pagtabang kanimo nga mas masabtan ang mga pagtulon-an sa Manluluwas ug mapasabot kini sa imong kaugalingong mga pulong. Kini nga leksiyon maghatag kanimo og kahigayonan sa pagpalawom sa imong pagsabot ug pagbansay sa pagpasabot sa mga kamatuoran gikan sa lainlaing mga tudling sa doktrinal nga kahanas sa Bag-ong Tugon.

Unsa ang imong nahibaloan mahitungod ni Jesukristo?

Ihulagway unsa ang imong nahibaloan mahitungod kang Jesukristo gamit lamang ang bahin sa Iyang kinabuhi nga girepresentar sa mosunod nga hulagway:

Si Kristo nagbitay diha sa usa ka krus didto sa Kalbaryo. Duha ka tulisan, nagbitay usab diha sa mga krus anaa sa wala ug tuo nga bahin ni Kristo. Daghang tumatan-aw, lakip ni Maria, ang inahan ni Kristo, Maria Magdalena, uban pang nagbangotan ug mga sundalo nga Romano nagpundok palibot sa mga krus. Panugdog diha sa kapanganoran nanagpundok diha sa kalangitan.

Karon tan-awa kining mga hulagway ug tubaga ang mosunod nga mga pangutana:

Paghulagway sa aktor. Si Maria naggunit sa batang si Jesus ug nagtan-aw kaniya.

Si Jesukristo nagbarog ug nagbutang sa Iyang mga kamot diha sa mga mata sa usa ka tawo nga buta nga nagluhod sa iyang atubangan. Usa ka grupo sa kalalakin-an, kababayen-an ug kabataan nanagpundok libot ni Kristo. Ang mga tawo nagsaksi ni Kristo nga nag-ayo sa tawo nga buta. Ang mga bato nga arko makita sa luyo.

Ang Unang Panan-awon, ni Del Parson (62470); GAK 403; Manwal sa Primary 1-04; Manwal sa Primary 2-38; Manwal sa Primary 3-10; Manwal sa Primary 5-06; Manwal sa Primary 6-40; Manwal sa Primary 7-40; Joseph Smith—Kasaysayan 1:14–20

• Unsa nga mga panghitabo ang gipakita sa matag usa niining tulo ka mga hulagway?

• Unsa ang nadugang sa matag usa niini nga mga panghitabo sa imong pagsabot kang Jesukristo ug sa Iyang misyon?

Aron makat-on gayod kon kinsa ang Manluluwas ug nganong Siya importante kanimo, makatabang ang pagtuon og daghang mga asoy sa Iyang kinabuhi ug ang mga sinulat sa sobra pa sa usa ka propeta.

Sa susamang paagi, ang pagtuon ug pagtandi sa mga kamatuoran nga anaa sa daghang mga tudling sa doktrinal nga kahanas mahimong makatabang kanimo nga mas hingpit nga makasabot sa doktrina sa Manluluwas kaysa pagsalig lamang sa bisan unsang usa ka tudling.

1. Tun-i ang mosunod nga mga tudling sa doktrinal nga kahanas ug tubaga ang katugbang nga mga pangutana diha sa imong journal sa pagtuon:

Basaha ug ikonsiderar unsa ang gitudlo sa Mga Hebreo 12:9, Santiago 1:5–6, ug Santiago 2:17–18 kanato mahitungod sa atong Langitnong Amahan ug sa atong relasyon Kaniya.

• Sa unsang paagi nga ang dungan nga pagtuon niining tulo ka mga tudling sa doktrinal nga kahanas nagtabang kanimo aron mas makasabot sa atong relasyon ngadto sa Dios?

Basaha ug ikonsiderar unsa ang gitudlo sa 1 Pedro 4:6 ug Pinadayag 20:12 kanato mahitungod sa Kataposang Paghukom sa plano sa Langitnong Amahan.

• Sa unsang paagi nga ang pagtuon og dungan niining duha ka mga tudlling sa doktrinal nga kahanas nakatabang kanimo aron mas makasabot sa Kataposang Paghukom?

Ikonsiderar ang pag-cross-reference o pagsumpay sa bisan unsang mga tudling nga gusto nimong dunganon pagtuon og balik sa umaabot.

Pagsumpay sa mga tudling sa doktrinal nga kahanas

2. Kompletoha ang mosunod nga kalihokan:

1. Pagpili og usa sa mga tudling sa doktrinal nga kahanas sa Bag-ong Tugon nga gusto nimong mas makat-onan, ug isulat ang pakisayran ug ang mahinungdanong hugpong sa pulong sa kasulatan diha sa imong journal sa pagtuon.

2. Pangitaa ug basaha ang tibuok tudling sa doktrinal nga kahanas, ug irekord unsa ang imong nasabtan mahitungod sa doktrina nga gitudlo niini.

3. Pangitaa ang kompleto nga lista sa mga tudling sa doktrinal nga kahanas ug sa mahinungdanong hugpong sa mga pulong sa kasulatan nga anaa sa kataposan sa Mahinungdanon nga Dokumento sa Doktrinal nga Kahanas (2022).

4. Pangitaa ug basaha ang bisan duha ka mga tudling sa doktrinal nga kahanas gikan sa laing mga kurso sa kasulatan nga may kalabotan sa tudling sa Bag-ong Tugon nga imong gipili.

5. Irekord sa imong journal sa pagtuon giunsa niining dugang nga mga tudling pagpataas sa imong pagsabot sa tudling sa Bag-ong Tugon.