Doktrinal nga Kahanas Rebyo 11

Pagsabot ug Paggamit

Kini nga leksiyon makatabang nimo sa pagrebyo sa mga kamatuoran nga makit-an sa mga tudling sa doktrinal nga kahanas ug mahimong makatabang nimo nga mabansay sa paggamit niini nga mga kamatuoran sa nagkalain-laing mga kahimtang.

Pagrebyo sa mga tudling sa doktrinal nga kahanas

Paggahin og gamay nga panahon sa pagrebyo sa mga tudling sa doktrinal nga kahanas diha sa Bag-ong Tugon. Hain man ang nahibaloan nimo pag-ayo? Hain man ang dili kaayo nimo pamilyar?

• Unsa ang pipila ka kamatuoran nga gitudlo niini nga mga tudling nga labing makahuluganon kanimo?

Pakisayran sa Kasulatan	Mahinungdanong Hugpong sa mga Pulong sa Kasulatan
Pakisayran sa Kasulatan Lucas 2:10–12	Mahinungdanong Hugpong sa mga Pulong sa Kasulatan “Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”
Pakisayran sa Kasulatan Juan 3:5	Mahinungdanong Hugpong sa mga Pulong sa Kasulatan “Walay makasulod sa gingharian sa Dios gawas kon matawo siya pinaagi sa tubig ug sa Espiritu.”
Pakisayran sa Kasulatan Juan 3:16	Mahinungdanong Hugpong sa mga Pulong sa Kasulatan “Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.”
Pakisayran sa Kasulatan Mateo 5:14–16	Mahinungdanong Hugpong sa mga Pulong sa Kasulatan “Ipadan-ag ang inyong kahayag atubangan sa mga tawo.”
Pakisayran sa Kasulatan Mateo 11:28–30	Mahinungdanong Hugpong sa mga Pulong sa Kasulatan “Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.”
Pakisayran sa Kasulatan Mateo 16:15–19	Mahinungdanong Hugpong sa mga Pulong sa Kasulatan Si Jesus miingon, “Ihatag ko kanimo ang mga yawi sa gingharian sa langit.”
Pakisayran sa Kasulatan Juan 7:17	Mahinungdanong Hugpong sa mga Pulong sa Kasulatan “Ang buot magbuhat sa gisugo sa Dios mahibalo kon ang akong gitudlo gikan ba sa Dios.”
Pakisayran sa Kasulatan Mateo 22:36–39	Mahinungdanong Hugpong sa mga Pulong sa Kasulatan “Higugmaa ang Ginoo nga imong Dios. … Higugmaa ang imong isigkatawo.”
Pakisayran sa Kasulatan Lucas 22:19–20	Mahinungdanong Hugpong sa mga Pulong sa Kasulatan Si Jesukristo misugo, ambit kamo sa sakramento “aron paghandom kanako.”
Pakisayran sa Kasulatan Juan 17:3	Mahinungdanong Hugpong sa mga Pulong sa Kasulatan “Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo.”
Pakisayran sa Kasulatan Lucas 24:36–39	Mahinungdanong Hugpong sa mga Pulong sa Kasulatan “Kay ang espiritu walay unod ug mga bukog sama sa nakita ninyo nga ania kanako.”

Usa ka paagi aron makahinumdom sa mga kamatuoran diha sa mga kasulatan mao ang pagkonektar niini sa matag-adlaw nga mga butang. Pagpili og duha ka tudling sa kasulatan sa doktrinal nga kahanas, ug irebyo ang mahinungdanong hugpong sa mga pulong nga may kalabotan sa matag usa. Dayon buhata ang mosunod sa matag usa sa mga tudling:

• Pagdrowing o litratohi ang usa ka butang nga sa imong hunahuna may kalabotan sa mahinungdanong hugpong sa mga pulong sa tudling. (Sama pananglit, alang sa Mateo 5:14–16, mahimo nimong drowingon o litratohan ang usa ka suga).

• Pagsulat og mubo nga pagpasabot kon sa unsang paagi ang butang may kalabotan sa kamatuoran nga gitudlo diha sa tudling.

Pagkonektar sa mga kamatuoran ngadto sa atong mga kinabuhi

Si Elder David A. Bednar sa Korum sa Napulog duha ka Apostoles nagtudlo og usa ka kamatuoran nga makatabang kanato sa paggamit sa mga tudling sa doktrinal nga kahanas. Iyang gitudlo nga ang mga baroganan sa ebanghelyo “[mohatag og] bililhong panglantaw sa mahangtorong kamatuoran samtang atong gisinati ang lainlaing mga kahimtang, mga hagit, mga desisyon, ug mga kasinatian sa pagkamortal” (“‘Ang Mga Baroganan sa Akong Ebanghelyo,’”Liahona, Mayo 2021, 124). Ang mga baroganan nga makita diha sa mga tudling sa doktrinal nga kahanas makatabang kanato sa pagkahibalo unsaon pagtubag sa daghang sitwasyon nga moabot sa atong mga kinabuhi.

1. Diha sa inyong journal sa pagtuon, kompletoha ang mosunod nga kalihokan alang sa duha ka tudling sa doktrinal nga kahanas:

Ihulagway ang usa ka sitwasyon diin ang usa ka tawo mahimong mogamit og usa ka kamatuoran gikan sa tudling sa doktrinal nga kahanas nga inyong gipili. Ipasabot unsaon nga ang paggamit sa kamatuoran mahimong makatabang sa tawo nga makadawat sa tabang sa Manluluwas.

Pagpamalandong sa mga kamatuoran sa Manluluwas

Pamalandongi ang mga tudling sa kasulatan sa doktrinal nga kahanas ug mahinungdanong hugpong sa mga pulong nga gitudlo panahon sa unang tunga sa tuig (tan-awa sa tsart nga mitungha sayo pa sa leksiyon).

2. Kompletoha ang mosunod diha sa imong journal sa pagtuon:

Pagsulat og mubo nga sulat sa usa ka tawo nga hapit na magsugod sa seminaryo ug wala makahibalo mahitungod sa mga tudling sa doktrinal nga kahanas. Ipasabot ngadto kanila kon sa unsang paagi makatabang kini nga mga tudling kanila nga mas makahibalo sa Manluluwas ug makahatag nila og mga tubag sa mga pangutana ug mga hagit nga lagmit motumaw sa ilang mga kinabuhi. Ikonsiderar ang pagpakigbahin og usa ka ehemplo sa dihang ikaw o imong kaila napanalanginan pinaagi sa pagkahibalo ug paghinumdom sa mga kamatuoran nga gitudlo sa Manluluwas sa mga tudling sa doktrinal nga kahanas.