Ang nabanhaw nga Kristo nagpakita ngadto kang Pablo samtang anaa siya sa bilanggoan.
Samtang gikadenahan ug gipalibotan sa mga Judio nga gustong mopatay kaniya, si Pablo mibarog sa mga ang-ang sa Antonia Fortress sa Jerusalem ug maisogon nga mipamatuod sa iyang pagkakabig kang Jesukristo. Human sa pagkabilanggo ni Pablo, ang Manluluwas mibisita kaniya ug misaad nga si Pablo magpamatuod Kaniya didto sa Roma. Si Pablo pagkahuman nakasinati og daghang mga pagsulay nga nakahimo niini nga saad nga daw dili matuman. Kini nga leksiyon naghatag og kinatibuk-ang pagpasabot alang sa Mga Buhat 22–23, 26–28 ug gituyo aron sa pagdugang sa imong pagsalig nga ang Langitnong Amahan ug si Jesukristo motuman sa Ilang mga saad samtang ikaw maningkamot sa pag-alagad Kanila.
Kang kinsa ka misalig?
Kang kinsa ninyo isalig ang pagbuhat sa mosunod ug ngano?
Pagpili unsa ang imong isul-ob
Pagpili asa ka mopuyo
Motuman kanunay sa ilang mga gisaad
Magpabilin uban kanimo sa malisod nga mga panahon
Tubaga ang mosunod nga mga pangutana:
Hain niini ang labing importante alang kanimo? Ngano man?
Sa unsang paagi kini nakatabang kanimo nga adunay mga tawo sa imong kinabuhi nga imong masaligan?
Paggahin og panahon sa pagpamalandong unsa kadako ang imong pagsalig sa Langitnong Amahan ug kang Jesukristo. Motuo ka ba nga Sila motuman sa Ilang mga saad nganha kanimo? Motuo ka ba nga Sila mag-uban kanimo atol sa malisod nga mga panahon? Ikaw ba adunay igong pagsalig Kanila aron tugotan Sila nga mogiya kanimo sa matag adlaw? Ngano o nganong dili? Sa imong pagtuon niini nga leksiyon, pangita og mga asoy nga makatabang kanimo nga madugangan ang imong kompyansa nga ang Langitnong Amahan ug si Jesukristo motuman sa Ilang mga saad samtang maningkamot ka nga moalagad Kanila.
Si Pablo mibalik ngadto sa Jerusalem
Human sa iyang ikatulong misyonaryong panaw, si Pablo mibalik sa Jerusalem aron magmatuod kang Kristo. Siya giguyod gikan sa templo sa usa ka grupo sa mga Judio nga gustong mopatay kaniya apan siya giluwas sa Romanhong mga sundalo. Siya gidala ngadto sa mga ang-ang sa Antonia Fortress ug gitugotan sa pagsulti (tan-awa sa Mga Buhat 21). Si Pablo nagpamatuod mahitungod sa iyang pagkakabig ngadto kang Jesukristo ug sa sugo sa Manluluwas sa pagsangyaw ngadto sa mga Hentil. Ang mga Judio nasuko pag-usab, ug si Pablo gipadala og balik sa kampo alang sa iyang kaluwasan (tan-awa sa Mga Buhat 22; 23:1–10).
Basaha ang Mga Buhat 23:11; ug pangitaa unsa ang giingon ug gibuhat sa Manluluwas alang kang Pablo. Agig dugang, mahimo usab nimong tan-awon ang bidyo nga “Be of Good Cheer [Sumalig Ka]” (1:32), nga makita sa ChurchofJesusChrist.org.
Unsa ang atong makat-onan mahitungod sa Manluluwas gikan sa unsa ang Iyang giingon ug gibuhat niini nga bersikulo?
Kanus-a napakita sa Manluluwas ang usa niini nga mga kamatuoran diha sa imong kinabuhi o sa kinabuhi sa usa ka tawo nga imong nailhan?
Ang mga saad sa Manluluwas
Ang kasinatian ni Pablo usa ka ehemplo nga ang Manluluwas nagtuman sa Iyang saad nga ubanan ang Apostoles diha sa ilang pagsangyaw sa ebanghelyo (tan-awa sa Mateo 28:19–20).
1. Buhata ang mosunod:
Sa imong journal sa pagtuon, pagmugna og usa ka tsart sama sa anaa sa ubos. Sa kinatibuk-an niini nga leksiyon, ilista ang mga saad sa Ginoo diha sa wala nga bahin sa tsart ug ang katumanan sa maong mga saad diha sa tuo.
Mga saad
Katumanan sa mga saad
Mga saad
Si Jesus kauban sa Apostoles diha sa ilang pagsangyaw sa ebanghelyo (tan-awa sa Mateo 28:19–20).
Si Pablo magpamatuod didto sa Roma (tan-awa sa Mga Buhat 23:11).
Katumanan sa mga saad
Si Jesus miadto kang Pablo sa kampo human si Pablo nagsangyaw (tan-awa sa Mga Buhat 23:11).
Ang Manluluwas mihimo og dugang nga mga saad ngadto sa Iyang Apostoles.
Basaha ang Mateo 10:18–20 ug Marcos 16:17–18. Ilha ang mga saad sa Manluluwas, ug isulat kini diha sa wala nga kolum sa imong tsart.
Unsa ang gitudlo niini nga mga saad kanimo mahitungod ni Jesukristo?
Si Pablo nagpadayon sa pagpamatuod kang Kristo
Basaha ang tanan nga mosunod nga mga pinamubo [summaries], ug pamalandongi kon unsa kaha ang imong bation kon ikaw ang anaa sa sitwasyon ni Pablo. Dayon basaha ang mga bersikulo nga nalista human sa kada sitwasyon aron makita giunsa ni Pablo paglihok ug giunsa pagkatuman ang mga gisaad sa Ginoo. Idugang ang natuman nga mga saad nga imong nakita sa tuong bahin sa tsart sa imong journal sa pagtuon.
Si Pablo gihusay atubangan sa mga Romanhong gobernador ug mga hari; Mga Buhat 26:1–2, 22–23.
Si Pablo gipadala sakay sa usa ka barko paingon sa Roma apan nakasugat og usa ka makalilisang nga unos nga naghulga sa paglunod kanila; Mga Buhat 27:22, 25, 41, 44.
Si Pablo natanggong sa usa ka isla diin siya gipaak og usa ka bitin; Mga Buhat 28:4–6.
Makakat-on ka og dugang pa mahitungod niining mga asoy sa umaabot nga mga leksiyon.
Unsa nga mga saad ang imong nakit-an nga natuman?
Nganong importante kanimo nga si Jesukristo motuman sa Iyang mga saad?
Sa unsang paagi nga ang pagkahibalo nga ang Manluluwas motuman sa Iyang mga saad makaimpluwensiya sa imong mga pagbati ngadto Kaniya ug sa imong tinguha sa pagpaminaw ug pagsunod Kaniya?
Bisan tuod ang Dios nagdapit kanato sa pagpaningkamot sa pag-alagad Kaniya, Siya wala magdahom nga maperpekto una kita sa dili pa Niya tumanon ang Iyang mga saad ngari kanato. Bisan og si Pablo nakasinati og daghang mga hagit (tan-awa sa 2 Mga Taga-Corinto 11:23–27) ug wala maperpekto (tan-awa sa 1 Timoteo 1:15), ang Dios padayon nga nagtuman sa Iyang mga saad ngadto kang Pablo.
Mga saad nga natuman sa imong kinabuhi
Paghunahuna mahitungod sa mga saad nga gihimo sa Langitnong Amahan ug ni Jesukristo diha kanimo.
Si Elder David A. Bednar sa Korum sa Napulog Duha ka Apostoles mitudlo:
Imahe
Elder David A. Bednar, Korum sa Napulog Duha ka Apostoles opisyal nga hulagway. 2020.
Ang tanan nga bililhon ug dagko uyamot nga mga saad nga gitanyag sa Langitnong Amahan sa Iyang mga anak dili maihap o hingpit nga mahulagway. Hinoon, bisan [ang usa ka] dili kompleto nga lista sa gisaad nga mga panalangin … makapahimo sa matag usa kanato nga “[m]agpabilin nga natingala” ug “moluhod ug mosimba sa Amahan” sa pangalan ni Jesukristo.
(David A. Bednar, “Bililhon ug Dagko Uyamot nga mga Saad,” Liahona, Nob. 2017, 91)
Ang mosunod nga mga kapanguhaan naglangkob og mga saad nga gihimo sa Langitnong Amahan ug ni Jesukristo alang kanato.
Pagpili og pipila gikan niining mga kapanguhaan aron tun-an. Sa imong pag-ila sa mga saad, idugang kini sa walang bahin sa tsart diha sa imong journal sa pagtuon.
Unsa ang gitudlo niini nga mga saad kabahin sa mga tinguha sa Manluluwas alang kanimo?
Tan-awa ang listahan sa mga saad nga imong naila. Pangitaa ang impluwensiya sa Espiritu Santo diha sa imong pagpamalandong giunsa sa Langitnong Amahan ug ni Jesukristo pagtuman sa maong mga saad sa imong kinabuhi. Sa tuong kolum sa tsart sa imong journal sa pagtuon, pagdugang og mubo nga paghulagway giunsa Nila pagtuman sa usa sa daghang mga saad o bisan unsang dugang nga mga saad nga imong mahunahunaan. Pananglitan, ang pagbati sa impluwensiya sa Espiritu Santo mahimong katumanan sa mga saad nga gihimo diha sa mga pag-ampo alang sa sakramento (tan-awa sa Moroni 4:3; 5:2). Mahimo usab nimong isulat giunsa sa Langitnong Amahan ug ni Jesukristo pagtuman sa Ilang mga saad sa tawo nga imong kaila.
Pamalandongi unsaon niining mga pananglitan pagdugang sa imong kompyansa nga ang Langitnong Amahan ug si Jesukristo motuman sa Ilang mga saad sa umaabot.
Opsiyonal: Gustong Makakat-on Pa og Dugang?
Nganong kinahanglan man natong ibutang ang atong pagsalig sa Ginoo?
Si Elder Stanley G. Ellis sa Seventy mipasabot:
Imahe
Opisyal nga Hulagway ni Elder Stanley G. Ellis. Gilitratohan niadtong Marso 2017.
Mga kaigsoonan, makaangkon kita sa hugot nga pagtuo sa pagsalig Kaniya! Siya nagtinguha sa unsay labing maayo alang kanato (tan-awa sa Moises 1:39). Siya motubag sa atong mga pag-ampo (tan-awa sa Doktrina ug mga Pakigsaad 112:10). Siya motuman sa Iyang mga saad (tan-awa sa Doktrina ug mga Pakigsaad 1:38). Siya adunay gahom sa pagtuman niadto nga mga saad (tan-awa sa Alma 37:16). Siya nasayod sa tanan! Ug labaw sa tanan, Siya nasayod unsa ang labing maayo (tan-awa sa Isaias 55:8–9).
(Stanley G. Ellis, “Misalig ba kita Kaniya? Ang Kalisud Makaayo,” Liahona, Nob. 2017, 114)
Nganong gusto man nakong maningkamot nga moalagad sa Dios?
Si Sister Elaine L. Jack, kanhi Kinatibuk-ang Presidente sa Relief Society, mipasabot:
Imahe
Hulagway ni Elaine L. Jack, Kinatibuk-ang Presidente sa Relief Society gikan sa 1990-1997.
Isip usa ka batan-ong inahan ako nahinumdom nga nagsulti sa akong kamanghorang anak, nga si Gordon, sa dihang siya nahagbong gikan sa iyang bisikleta ug dili lamang sa pangos sa tuhod ang gisagubang apan lakip ang pagkawala usab sa kompyansa, “Ania ako dinhi.” Akong gisulti samtang siya akong gigakos aron hupayon siya, “Ania ako dinhi.” Dili ba kana nagpahinumdom kanato sa Ginoo, nga nag-uban kanato kanunay? (tan-awa sa Mateo 28:20) Siya wala lamang sa simbahan, sa templo, o kon kita moluhod dapit sa atong katre. Siya “ania dinhi” kon kita nagpuyo pinaagi sa iyang mga pagtulon-an.
(Elaine L. Jack, “Ponder the Path of Thy Feet, Liahona, Nob. 1993, 100)
Mga Buhat 23:11. Ang Ginoo nasayod sa mga sakripisyo ug mga pagsulay ni Pablo ug Siya nag-uban kaniya. Iya bang buhaton ang susama alang kanako?
Si Sister Sharon Eubank, Unang Magtatambag sa Kinatibuk-ang Kapangulohan sa Relief Society mitudlo:
Imahe
Opisyal nga Hulagway ni Sister Sharon Eubank. Gilitratohan niadtong 2017.
Ako mopamatuod nga ikaw gihigugma. Ang Ginoo nasayod giunsa nimo sa pagpaningkamot. Nakahimo ka og kalamboan. Padayon lang. Nakakita Siya sa tanan nimong sakripisyo nga wala makita sa uban ug moganti kanimo ug niadtong imong mga gihigugma. Ang imong gihimo wala makawang. Wala ka mag-inusara. Ang Iya mismong ngalan, Emmanuel, nagpasabot og “Ang Dios uban kanato.” Sigurado nga Siya uban kanimo.
(Sharon Eubank, “Kristo: Ang Kahayag nga Nagdan-ag taliwala sa Kangitngit,” Liahona, Mayo 2019, 75–76)
Sa unsang paagi nako mas masabtan ang mga panghitabo sa Mga Buhat 22–23, 26–28?
Tan-awa ang bidyo nga “Chapter 63: Paul Finishes His Mission [Kapitulo 63: Pablo Mitapos sa Iyang Misyon]” (2:32), nga makita sa ChurchofJesusChrist.org.
