មាគ៌ារបស់ខ្ញុំឆ្ពោះទៅរកភាពខ្លួនទីពឹងខ្លួន

សេចក្ដីណែនាំសម្រាប់អ្នកសម្របសម្រួល

មាគ៌ារបស់ខ្ញុំឆ្ពោះទៅរកភាពខ្លួនទីពឹងខ្លួន ជួយសមាជិកឲ្យយល់អំពីកម្រិតនៃភាពខ្លួនទីពឹងខ្លួនរបស់ពួកគេ ហើយបង្កើតផែនការមួយដើម្បីកែលម្អ ។ កូនសៀវភៅនេះអាចយកទៅប្រើជាក្រុម ឬជាបុគ្គលបាន ។ ដើម្បីទទួលបានលទ្ធផលល្អបំផុត សូមធ្វើតាមឯកសារដូចដែលបានសរសេរដោយត្រឹមត្រូវបំផុត ។ សូមលើកទឹកចិត្តឲ្យមនុស្សទាំងអស់ចូលរួម សរសេរនៅក្នុងកូនសៀវភៅរបស់ពួកគេ ហើយធ្វើតាមពេលវេលាដែលបានផ្ដល់អនុសាសន៍ ។ ការប្រជុំ មាគ៌ារបស់ខ្ញុំ គួរតែមានរយៈពេលប្រហែលជាពីរម៉ោង ។

សម្រាប់ក្រុមធំ សូមរៀបចំបន្ទប់ ដោយមានតុសម្រាប់ក្រុមផ្សេងៗគ្នា ដែលមានមនុស្សបីនាក់ទៅប្រាំពីរនាក់ក្នុងមួយក្រុម ។ ការរៀនសូត្រកើតចេញពីការពិភាក្សាជាក្រុមតូចៗ និងការដឹកនាំពីព្រះវិញ្ញាណបរិសុទ្ធ អំឡុងពេលវគ្គ « ពិចារណា » ផ្ទាល់ខ្លួន ។ វគ្គ « ពិភាក្សា » និង « ពិចារណា » គួរតែមានរយៈពេលប្រហែលជាបីៗនាទី ។ សម្រាប់វគ្គ « អាន » សូមឲ្យនរណាម្នាក់អានឮៗដល់ក្រុម ។

សូមលើកទឹកចិត្តស្វាមីភរិយាឲ្យបំពេញកូនសៀវភៅនេះជាមួយគ្នា ។ ប្រសិនបើអាចធ្វើទៅបាន សូមឲ្យអ្នកចូលរួមទាំងឡាយបំពេញការវាយតម្លៃផ្ទាល់ខ្លួន ( ទំព័រ ៤ និង ៥ ) ពីមុនការប្រជុំ ។ សម្រាប់ការប្រជុំ មាគ៌ារបស់ខ្ញុំ សូមបំពេញការស្ទង់មតិមួយនៅគេហទំព័រ srs.lds.org/report ។ សម្រាប់ការណែនាំបន្ថែម សូមមើលវីដេអូ « របៀបប្រើ មាគ៌ារបស់ខ្ញុំ» នៅ srs.lds.org/videos ។

តើពរជ័យនៃភាពខ្លួនទីពឹងខ្លួនមានអ្វីខ្លះ ?
១៥ នាទី

មើល ៖សូមមើលវីដេអូ « I Will Provide for My Saints » (យើងនឹងផ្គត់ផ្គង់ដល់ពួកបរិសុទ្ធរបស់យើង ) មាននៅ srs.lds.org/videos ។ ( គ្មានវីដេអូឬ ? សូមបន្ដអាន ) ។

អនុវត្ត ៖សូមអានសំបុត្រមួយមកពីគណៈប្រធានទីមួយនៅទំព័រ ២ ហើយគូសបន្ទាត់ពីក្រោមពរជ័យដែលបានសន្យា ។

ពិភាក្សា ៖សូមពិភាក្សាសំណួរខាងក្រោមជាមួយមនុស្សពីរ ឬបីនាក់ផ្សេងទៀត ៖ តើគណៈប្រធានទីមួយមានប្រសាសន៍ថាអ្នកត្រូវធ្វើអ្វីខ្លះ ដើម្បីសក្ដិសមនឹងការសន្យានីមួយៗដែលអ្នកបានគូសបន្ទាត់ពីក្រោមនោះ ?

ពិចារណា ៖សូមចំណាយពេលបីនាទី ដើម្បីពិចារណាសំណួរខាងក្រោម ៖

ហេតុអ្វីបានជាព្រះវរបិតាសួគ៌សព្វព្រះទ័យឲ្យខ្ញុំមានភាពខ្លួនទីពឹងខ្លួន ? នៅពេលខ្ញុំមានភាពខ្លួនទីពឹងខ្លួនកាន់តែច្រើន តើខ្ញុំអាចក្លាយដូចជាទ្រង់យ៉ាងដូចម្ដេច ?

អាន ៖សូមអាន គោលលទ្ធិ និងសេចក្តីសញ្ញា ២៩:៣៤ ( នៅខាងស្តាំដៃ ) ។

ពិភាក្សា ៖តើអ្នកបានរៀនអ្វីខ្លះមកពីបទគម្ពីរនេះអំពីការចូលរៀន ការមានការងារធ្វើ ឬការចាប់ផ្ដើមអាជីវកម្ម? ហេតុអ្វីបានជាវាសំខាន់ដើម្បីយល់ពីសេចក្ដីពិតនេះ ?

ព្រះអង្គសង្គ្រោះនឹងជួយខ្ញុំប្រែក្លាយកាន់តែមានភាពខ្លួនទីពឹងខ្លួន
១០ នាទី

ពិចារណា ៖តើឧបសគ្គអ្វីខ្លះដែលកំពុងរារាំងខ្ញុំពីការផ្គត់ផ្គង់ខ្លួនឯង និងគ្រួសាររបស់ខ្ញុំ ? សូមសរសេរគំនិតរបស់អ្នកនៅត្រង់នេះ ៖

អាន ៖សូមអាន ម៉ាថាយ ២៨:១៨ ( នៅខាងស្ដាំ ) ។

ព្រះអង្គសង្រ្គោះមានអំណាច ដើម្បីជួយយើងឲ្យក្លាយជាមនុស្សខ្លួនទីពឹងខ្លួន ។ នៅពេលយើងអនុវត្តសេចក្តីជំនឿលើទ្រង់ នោះទ្រង់អាចធ្វើអព្ភូតហេតុបាន ។ ទ្រង់អាចបង្កើតជាផលប្រយោជន៍កាន់តែច្រើនចេញពីការខិតខំយើង លើសពីអ្វីដែលយើងអាចធ្វើបាន ។ ការធ្វើលំហាត់នៅក្នុងកូនសៀវភៅនេះ គឺជាជំហានទីមួយរបស់យើងដើរឆ្ពោះទៅរកភាពខ្លួនទីពឹងខ្លួនកាន់តែប្រសើរឡើង ។

ការវាយតម្លៃអំពីភាពខ្លួនទីពឹងខ្លួន
២០ នាទី

អនុវត្ត ៖សកម្មភាពនេះជួយអ្នកឲ្យវាស់វែងភាពខ្លួនទីពឹងខ្លួនខាងវិញ្ញាណ និងខាងសាច់ឈាមរបស់អ្នក ។ សូមឆ្លើយដោយស្មោះត្រង់ ។ ប្រិសនបើអ្នកពុំដឹងថាអ្នកចំណាយអស់ប្រាក់ប៉ុន្មានសម្រាប់ជំហានទី ១ នោះអ្នកត្រូវធ្វើការប៉ាន់ស្មានឲ្យបានល្អបំផុត ។ ប្រសិនបើចាំបាច់ សូមសុំជំនួយ ។ អ្នកអាចទៅកន្លែងស្ងាត់តែឯងដើម្បីបំពេញលំហាត់នេះ ប្រសិនបើអ្នកចង់ ។

ភាពខ្លួនទីពឹងខ្លួនគឺជា « លទ្ធភាព ការតាំងចិត្ត និងកិច្ចខិតខំដើម្បីផ្តល់នូវសេចក្ដីត្រូវការចាំបាច់ខាងវិញ្ញាណ និង ខាងសាច់ឈាមសម្រាប់ខ្លួនឯង និង ក្រុមគ្រួសារ » ( ក្បួនខ្នាតភាគ ២ ៖ ការគ្រប់គ្រងសាសនាចក្រ [ ឆ្នាំ ២០១០ ] ចំណុច ៦.១.១ )។

ជំហានទី ១
តើខ្ញុំចំណាយប្រាក់អស់ប៉ុន្មាន ? សូមសរសេរពីការចំណាយរាល់ខែរបស់អ្នកទៅលើចំណុចនីមួយៗនៅខាងក្រោមនេះ ។
ឧទាហរណ៍ ៖ អាហារ	៣០០
ដង្វាយមួយភាគក្នុងដប់ ដង្វាយផ្សេងៗ
ប្រាក់សន្សំ
ថ្លៃអាហារ
ថ្លៃផ្ទះ
ថ្លៃទឹក
ថ្លៃពេទ្យ
ថ្លៃមធ្យោបាយធ្វើដំណើរ
ចំណាយលើការអប់រំ
ថ្លៃបង់សងបំណុល
ថ្លៃសំលៀកបំពាក់
ថ្លៃភ្លើង/សាំង
ផ្សេងៗ ៖
ផ្សេងៗ ៖
ចំណាយសរុបប្រចាំខែ
ប្រាក់ចំណូលប្រចាំខែនាពេលបច្ចុប្បន្ន
អ្នកប្រហែលជាពុំដឹងពីរាល់ការចំណាយថ្មីៗរបស់អ្នកឡើយ ។ សូមពិភាក្សាពីការចំណាយរបស់អ្នកជាមួយនឹងប្តី ឬប្រពន្ធ ឬគ្រួសាររបស់អ្នក ។ សូមចាប់ផ្ដើមកត់ត្រាវាទុក ប្រសិនបើអ្នកពុំទាន់បានធ្វើដូច្នោះទេនោះ ។ អ្នកនឹងប្រើព័ត៌មាននេះនៅពេលក្រោយ នៅក្នុងការប្រជុំជាពីរក្រុម ។

ជំហានទី ២
តើសព្វថ្ងៃនេះខ្ញុំមានភាពខ្លួនទីពឹងខ្លួនដល់កម្រិតណា ? សូមគូសពីកម្រិតដែលអ្នក និងគ្រួសារអ្នកមាននាពេលបច្ចុប្បន្ននេះ ។
ឧទាហរណ៍ ៖ យើងមានអាហារបរិភោគគ្រប់គ្រាន់ ។	គ្មានសោះ	ពេលខ្លះ ✓	ញឹកញាប់	ជានិច្ច
យើងបង់ដង្វាយមួយភាគក្នុងដប់ និងដង្វាយតមអាហាររបស់យើង ។	គ្មានសោះ	ពេលខ្លះ	ញឹកញាប់	ជានិច្ច
យើងចំណាយតិចជាងប្រាក់ដែលយើងរកបាន យើងសន្សំប្រាក់ ។	គ្មានសោះ	ពេលខ្លះ	ញឹកញាប់	ជានិច្ច
យើងមានអាហារបរិភោគគ្រប់គ្រាន់ ។	គ្មានសោះ	ពេលខ្លះ	ញឹកញាប់	ជានិច្ច
យើងមានការការពារ និង មានសុវត្ថិភាពនៅក្នុងផ្ទះរបស់យើង ។	គ្មានសោះ	ពេលខ្លះ	ញឹកញាប់	ជានិច្ច
យើងមានទឹកស្អាតសម្រាប់ទទួលទាន និងប្រើប្រាស់គ្រប់គ្រាន់ ។	គ្មានសោះ	ពេលខ្លះ	ញឹកញាប់	ជានិច្ច
យើងអាចមានការថែទាំផ្នែកវេជ្ជសាស្ត្រ ពេលយើងត្រូវការ ។	គ្មានសោះ	ពេលខ្លះ	ញឹកញាប់	ជានិច្ច
យើងមានមធ្យោបាយធ្វើដំណើរពេលយើងត្រូវការ ។	គ្មានសោះ	ពេលខ្លះ	ញឹកញាប់	ជានិច្ច
កូនៗយើងចូលរៀននៅសាលា ។	គ្មានសោះ	ពេលខ្លះ	ញឹកញាប់	ជានិច្ច
យើងគ្មានបំណុលទេ ។	គ្មានសោះ	ពេលខ្លះ	ញឹកញាប់	ជានិច្ច
យើងមានសំលៀកបំពាក់ស្អាតសមរម្យ ។	គ្មានសោះ	ពេលខ្លះ	ញឹកញាប់	ជានិច្ច
យើងមានអគ្គីសនីនិងសាំងប្រើប្រាស់គ្រប់គ្រាន់ ។	គ្មានសោះ	ពេលខ្លះ	ញឹកញាប់	ជានិច្ច
យើងជឿថាព្រះអម្ចាស់នឹងប្រទានតាមតម្រូវការរបស់យើង ។	គ្មានសោះ	ពេលខ្លះ	ញឹកញាប់	ជានិច្ច
យើងទទួលអារម្មណ៍ ហើយធ្វើតាមការបំផុសគំនិតពីព្រះវិញ្ញាណបរិសុទ្ធ ។	គ្មានសោះ	ពេលខ្លះ	ញឹកញាប់	ជានិច្ច
យើងសិក្សាព្រះគម្ពីរប្រចាំថ្ងៃ ។	គ្មានសោះ	ពេលខ្លះ	ញឹកញាប់	ជានិច្ច
យើងអធិស្ឋានប្រចាំថ្ងៃ ។	គ្មានសោះ	ពេលខ្លះ	ញឹកញាប់	ជានិច្ច
យើងទទួលទានសាក្រាម៉ង់ប្រចាំសប្ដាហ៍ ។	គ្មានសោះ	ពេលខ្លះ	ញឹកញាប់	ជានិច្ច
យើងមានភាពសក្ដិសមកាន់ប័ណ្ណចូលព្រះវិហារបរិសុទ្ធ ។	គ្មានសោះ	ពេលខ្លះ	ញឹកញាប់	ជានិច្ច
យើងលះបង់ដើម្បីបម្រើដល់អ្នកដទៃ ។	គ្មានសោះ	ពេលខ្លះ	ញឹកញាប់	ជានិច្ច

ជំហានទី ៣
តើខ្ញុំចាំបាច់ត្រូវមានភាពខ្លួនទីពឹងខ្លួនកម្រិតណា ? យើងប្រែក្លាយទៅជាមានភាពខ្លួនទីពឹងខ្លួន នៅពេលយើងអាចឆ្លើយថា « ជានិច្ច » ចំពោះឃ្លានានានៅជំហានទី ២ ។ សូមប៉ាន់ស្មានតម្រូវការដែលអ្នកនឹងចំណាយប្រចាំខែដើម្បីឆ្លើយពាក្យថា « ជានិច្ច » ។
ឧទាហរណ៍ ៖ អាហារ	៧០០
ដង្វាយមួយភាគក្នុងដប់ ដង្វាយផ្សេងៗ
ប្រាក់សន្យំ
ថ្លៃអាហារ
ថ្លៃផ្ទះ
ថ្លៃទឹក
ថ្លៃពេទ្យ
ថ្លៃមធ្យោបាយធ្វើដំណើរ
ចំណាយលើការអប់រំ
ថ្លៃបង់សងបំណុល
ថ្លៃសំលៀកបំពាក់
ថ្លៃភ្លើង/សាំង
ផ្សេងៗ ៖
ផ្សេងៗ ៖
ចំណាយសរុបដើម្បីមានខ្លួនទីពឹងខ្លួន
គោលដៅប្រាក់ចំណូលនៃភាពខ្លួនទីពឹងខ្លួនរបស់ខ្ញុំ
សូមពិចារណាថា តើវានឹងមានស្ថានភាពបែបណា ប្រសិនបើអ្នកអាចឆ្លើយនឹងពាក្យ « ជានិច្ច » ចំពោះឃ្លាទាំងអស់នេះ ។ ពេលអ្នកតាមដានពីថ្លៃចំណាយបច្ចុប្បន្នរបស់អ្នក សូមព្យាយាមរៀនបន្ថែមទៀតអំពីអ្វី ដែលធ្វើឲ្យមានចម្លើយ « ជានិច្ច » ។

អ្នកណែនាំក្នុងមូលដ្ឋានអាចនឹងទាក់ទងអ្នកនៅពេលក្រោយដើម្បីជួយអ្នកធ្វើលំហាត់វាយតម្លៃ ឬជាមួយនឹងមាគ៌ាឆ្ពោះទៅកាន់ភាពខ្លួនទីពឹងខ្លួនរបស់អ្នក ។

តើខ្ញុំអាចបង្កើតភាពខ្លួនទីពឹងខ្លួនខាងវិញ្ញាណរបស់ខ្ញុំបានយ៉ាងដូចម្ដេច ?
១០ នាទី

ពិចារណា ៖សូមអាន គោលលទ្ធិ និងសេចក្តីសញ្ញា ៨៨:៦៣ និង ម៉ូសាយ ១៨:១០ ( នៅខាងស្តាំដៃ ) ។

តើមានចំណុចមួយ ឬពីរ ណាដែលអ្នកអាចផ្លាស់ប្ដូរនៅក្នុងជីវិតរបស់អ្នក ដើម្បីខិតទៅកាន់តែជិតនឹងព្រះអម្ចាស់ ហើយមានព្រះវិញ្ញាណបរិសុទ្ធគង់នៅនឹងអ្នក ?

អនុវត្ត ៖នៅក្នុងប្រអប់ខាងក្រោម សូមសរសេរគោលដៅជាក់លាក់មួយអំពីអ្វីដែលអ្នកចង់ផ្លាស់ប្ដូរ ។

តើការប៉ិនប្រសប់របស់ខ្ញុំមានអ្វីខ្លះ ?
១៥ នាទី

ពិចារណ ៖សូមសរសេរគោលដៅប្រាក់ចំណូលនៃភាពខ្លួនទីពឹងខ្លួនរបស់អ្នក ( ដកស្រង់ពីទំព័រទី ៥ ) នៅក្នុងប្រអប់ខាងស្ដាំដៃ ។ តើអ្នកមានជំនាញការងារចាំបាច់ដើម្បីរកបានប្រាក់ចំណូលនោះឬទេ ?

អាន ៖សូមអាន គោលលទ្ធិ និង សេចក្ដីសញ្ញា ៤៦:១១-១២ ( នៅខាងស្ដាំ ) ។

« ដ្បិតមនុស្សទាំងអស់ពុំបានគ្រប់អំណោយទាន ដែលបានប្រទានដល់ពួកគេឡើយ ដ្បិតមានអំណោយទានជាច្រើន ហើយមនុស្សរាល់គ្នាត្រូវបានប្រទានមួយ ដោយព្រះវិញ្ញាណនៃព្រះ ។ ចំពោះមនុស្សខ្លះត្រូវប្រទានឲ្យមួយ រីឯចំពោះមនុស្សខ្លះត្រូវបានប្រទានឲ្យមួយផ្សេងទៀត ដើម្បីឲ្យមនុស្សទាំងអស់ អាចបានជាប្រយោជន៍ដោយសាររបៀបនេះ » ។

គោលលទ្ធិ និង សេចក្ដីសញ្ញា ៤៦:១១–១២

យើងទាំងអស់គ្នាមានទេពកោសល្យផ្សេងៗគ្នា ។ ឧទាហរណ៍ មនុស្សខ្លះពូកែខាងការលក់ ខ្លះទៀតពូកែខាងការផលិតរបស់របរ ។ មនុស្សខ្លះពូកែធ្វើការជាមួយអ្នកដទៃ ខណៈដែលអ្នកខ្លះទៀតចូលចិត្តធ្វើការតែឯង ។

អនុវត្ត ៖សូមគិតអំពីទេពកោសល្យផ្ទាល់ខ្លួនរបស់អ្នក ។ តើអ្នកពូកែផ្នែកអ្វីខ្លះ? តើអ្នកមានបទពិសោធន៍ និងការប៉ិនប្រសប់អ្វីខ្លះ ? តារាងនៅទំព័រ ៧ មានឧទាហរណ៍មួយចំនួន ។ សូមគូសរង្វង់នៅរាល់បទពិសោធន៍ និងការប៉ិនប្រសប់ដែលអ្នកមាន ហើយសរសេរបន្ថែមទៀតនៅត្រង់កន្លែងទំនេរ ។

បទពិសោធន៍ ( សូមគូររង្វង់លើវា និង សរសេរបន្ថែម )		ការប៉ិនប្រសប់ ( សូមគូររង្វង់លើវា និង សរសេរបន្ថែម )
ការហៅបម្រើក្នុងសាសនាចក្រ	សំណង់	ភាពស្មោះត្រង់	ភាពរឹងមាំខាងរូបកាយ	ភាពសក្ដិសមនៃបណ្ណចូលព្រះវិហារបរិសុទ្ធ
បេសកកម្ម	កុំព្យូទ័រ	សេចក្ដីជំនឿលើព្រះយេស៊ូវគ្រីស្ទ	ឈ្លាសវៃ	ឧស្សាហ៍ព្យាយាម
ឪពុកម្តាយ / ដឹកនាំយុវវ័យ	កសិដ្ឋាន / សួនចម្ការ	អ្នកនិយាយភាសាអង់គ្លេស	អត់ធ្មត់	ជំនាញជួលជុលគ្រឿងយន្ត
ការមើលថែក្មេង	ការរៀបចំម្ហូប	អ្នកដែលពូកែស្តាប់គេ	អាចទុកចិត្តបាន	ជំនាញផ្នែកសំណង់
ការលក់	សំលៀកបំពាក់ / សិប្បកម្ម	មានចិត្តល្អចំពោះអ្នកដទៃ	ច្នៃប្រឌិត	ជំនាញខាងសម្អាត
ការថែទាំ / ជួសជុល	ការថែទាំសុខភាព	បុគ្គលិកលក្ខណៈល្អ	អ្នករៀនឆាប់ចេះ	ជំនាញលក់
មធ្យោបាយធ្វើដំណើរ	ការបង្រៀន	អ្នកបង្កើតក្រុម	គ្រូបង្រៀនល្អ	អ្នកដោះស្រាយបញ្ហា
ការអប់រំ / សញ្ញាបត្រ	ការគ្រប់គ្រងផ្ទះ	អ្នកពូកែនិពន្ធ	អ្នកទំនាក់ទំនង	ការដឹកនាំល្អិតល្អន់
បម្រើអ្នកដទៃ	ម្ចាស់អាជីវកម្ម	អ្នកពូកែរៀបចំ	ជំនាញខាងគណិតវិទ្យា	ផ្ដួចផ្ដើមគំនិត

អាន ៖ព្រះអម្ចាស់ស្គាល់យើងច្រើនជាងយើងស្គាល់ខ្លួនឯង ។ វាគឺជារឿងដ៏សំខាន់ដែលយើងត្រូវរៀនពីការប៉ិនប្រសប់ដែលទ្រង់បានប្រទានដល់យើង ។ យើងធ្វើនូវការណ៍នេះខ្លះៗដោយទូលសួរដល់ទ្រង់នៅក្នុងការអធិស្ឋាន ។ យើងក៏អាចសិក្សាអំពីពរជ័យអយ្យកោរបស់យើងផងដែរ ហើយសួរដល់មិត្តភក្ដិ និងគ្រួសារអំពីការប៉ិនប្រសប់ ដែលពួកគេដឹងថាយើងមាន ។

អនុវត្ត ៖សូមជួបមនុស្សម្នាក់ ឬពីរនាក់ ។ សូមចែកចាយបទពិសោធន៍មួយអំពីពេលដែលអ្នកសម្រចបានកិច្ចការមួយប្រកបដោយអត្ថន័យ ។ សូមឲ្យពួកគេប្រាប់អ្នកអំពីការប៉ិនប្រសប់ដែលពួកគេគិតថាអ្នកធ្លាប់ប្រើវាដើម្បីសម្រេចបានកិច្ចការនោះ ។ តើពួកគេបានមើលឃើញពីការប៉ិនប្រសប់មួយដែលអ្នកពុំបានគិតឃើញដែរឬទេ ?

បន្ទាប់ពីអ្នកដទៃប្រាប់អ្នកអំពីការប៉ិនប្រសប់របស់អ្នករួចហើយ សូមអ្នកសរសេរពីការប៉ិនប្រសប់ដ៏ល្អបំផុតរបស់អ្នក ។

តើការងារអ្វីខ្លះដែលអាចផ្ដល់ប្រាក់ចំណូលដែលខ្ញុំត្រូវការបាន ?
១០ នាទី

អនុវត្ត ៖សូមសរសេរគោលដៅប្រាក់ចំណូលនៃភាពខ្លួនទីពឹងខ្លួនរបស់អ្នក ( ដកស្រង់មកពីទំព័រ ៥ ) និងគោលដៅខាងវិញ្ញាណរបស់អ្នក ( ដកស្រង់មកពីទំព័រ ៦ ) ម្ដងទៀតនៅក្នុងប្រអប់ខាងស្ដាំ ។

អាន ៖នៅពេលយើងពិភាក្សាអំពីជម្រើសការងារ និងអាជីវកម្មផ្ទាល់ខ្លួន សូមចាំក្នុងចិត្តអំពីគោលដៅប្រាក់ចំណូលនៃភាពខ្លួនទីពឹងខ្លួនរបស់អ្នក ។ ការងារខ្លះផ្តល់ប្រាក់ខែច្រើនជាងការងារផ្សេងទៀត សូមគិតអំពីជម្រើសណាមួយ ដែលនឹងជួយអ្នករកបានប្រាក់ចំណូលនៃភាពខ្លួនទីពឹងខ្លួនរបស់អ្នក ។

ពិភាក្សា ៖សូមពិភាក្សាជាមួយក្រុមអំពីការងារដែលផ្ដល់ប្រាក់កម្រៃល្អបំផុត ការងារដែលមានតម្រូវការបំផុត និងការងារដែលមានអនាគតដ៏ល្អបំផុតនៅកន្លែងដែលអ្នករស់នៅ ។ សូមពិចារណាអំពីរបៀបដែលឱកាសទាំងនេះ នឹងមានឥទ្ធិពលទៅលើការបម្រើក្នុងគ្រួសាររបស់អ្នក និងសាសនាចក្រ ។ ឧទាហរណ៍មួយចំនួនត្រូវបានរៀបរាប់នៅក្នុងប្រអប់ខាងក្រោម ។ ( ការងារទាំងនេះ អាចនឹងពុំមែនជាជម្រើសល្អនៅក្នុងតំបន់អ្នកទេ ) ។

អនុវត្ត ៖សូមសរសេរអំពីការងារ ឬអាជីវកម្មពីរ ឬបីចេញមកពីជម្រើសដែលអ្នកបានពិភាក្សា ដែលអាចផ្ដល់ប្រាក់ចំណូលនៃភាពខ្លួនទីពឹងខ្លួនរបស់អ្នក ។ សូមពិចារណាអំពីជម្រើសនានាដែលត្រូវនឹងការប៉ិនប្រសប់ និងបទពិសោធន៍របស់អ្នក ឬជម្រើសទាំងឡាយ ដែលអាចនឹងត្រូវគ្នា បន្ទាប់ពីអ្នកទទួលបានការបំពាក់បំប៉ន ។

អាន ៖វិធីល្អបំផុតមួយដើម្បីរៀនអំពីការងារដែលអ្នកចាប់អារម្មណ៍ គឺនិយាយនឹងមនុស្សដែលធ្វើការងារនោះ ។

ពិភាក្សា ៖តើអ្នក ឬមនុស្សណាម្នាក់ក្នុងក្រុម ស្គាល់មនុស្សដែលធ្វើការងារដែលអ្នកចាប់អារម្មណ៍ដែរឬទេ ? សូមសរសេរឈ្មោះរបស់ពួកគេនៅខាងក្រោម ហើយរៀបចំដើម្បីជួបនឹងពួកគេ ។

អនុវត្ត ៖សូមគូសរង្វង់ត្រង់សំណួរដែលអ្នកចង់សួរដល់មនុស្សទាំងនេះ ៖

តើអ្នកសម្រេចចិត្តធ្វើការងារបែបនេះដោយរបៀបណា ?
តើផ្នែកដ៏ល្អបំផុត និងអាក្រក់បំផុតនៃការងាររបស់អ្នកមានអ្វីខ្លះ ?
តើការបំពាក់បំប៉ន ការសិក្សា ឬបទពិសោធន៍ការងារបែបណាដែលតម្រូវឲ្យមាន ដើម្បីចាប់ផ្ដើមការងារនេះ ?
តើប្រាក់ចំណូលកម្រិតណាដែលមនុស្សម្នាក់អាចរំពឹងនឹងទទួល ពេលចាប់ផ្ដើមការងារនេះ ?
តើខ្ញុំអាចទៅតាមអ្នកមួយថ្ងៃដើម្បីរៀនពីការងាររបស់អ្នកបានឬទេ ?
តើអ្នកស្គាល់នរណាម្នាក់ទៀត ដែលខ្ញុំអាចនិយាយពីការងារនេះដែរទេ ?

សប្ដាហ៍នេះ សូមនិយាយនឹងមនុស្សយ៉ាងហោចណាស់ឲ្យបានបីនាក់ អំពីការងារដែលអ្នកចាប់អារម្មណ៍ ។ សូមសរសេរចំណុចបីយ៉ាងដែលអ្នកបានរៀន ៖

ពិភាក្សា ៖អ្នកអាចនឹងពុំទាន់មានគុណសម្បត្តិគ្រប់គ្រាន់នៅឡើយ ដើម្បីទទួលបានការងារដែលជាជម្រើសរបស់អ្នក ឬចាប់ផ្ដើមអាជីវកម្មដែលអ្នកចង់បាន ។ សូមពិភាក្សាជាក្រុមអំពីសាលារៀន និងការបំពាក់បំប៉ននៅក្នុងតំបន់អ្នក ដែលនឹងជួយអ្នកមានគុណសម្បត្តិដើម្បីទៅធ្វើការដែលនឹងផ្ដល់នូវគោលដៅប្រាក់ចំណូលនៃភាពខ្លួនទីពឹងខ្លួនរបស់អ្នក ។

អនុវត្ត ៖សូមសរសេរនូវឱកាសការបំពាក់បំប៉ន ឬការអប់រំដែលអ្នកគិតថា ជាជម្រើសល្អ ហើយដែលអ្នកនឹងចង់រៀនបន្ថែមទៀត ។

« ក្នុងនាមជាមនុស្សម្នាក់ យើងដាក់អាទិភាពខ្ពស់ទៅលើការរៀនសូត្រខាងអាណាចក្រ និងការអភិវឌ្ឍខាងអាជីព ។ យើងចង់ ហើយយើងត្រូវតែពូកែខាងវិជ្ជា និងសិប្បកម្មផងដែរ ។ ខ្ញុំសូមសរសើរអ្នកចំពោះការព្យាយាមដោយឧស្សាហ៍ដើម្បីទទួលបានការអប់រំ ហើយប្រែក្លាយទៅជាស្ទាត់ជំនាញនៅក្នុងជំនាញរបស់អ្នក ។ ខ្ញុំសូមអញ្ជើញអ្នកឲ្យប្រែក្លាយទៅជាអ្នកជំនាញផងដែរ នៅក្នុងគោលលទ្ធិនៃដំណឹងល្អ-- ជាពិសេសគោលលទ្ធិនៃបព្វជិតភាព » ។

ឌៀថើរ អេស្វ អុជដូហ្វ« Your Potential, Your Privilege »Ensign ឬ Liahona, ខែ ឧសភា ឆ្នាំ ២០១១ ទំព័រ ៥៩

តើក្រុមភាពខ្លួនទីពឹងខ្លួននេះគឺជាអ្វី ?
៥ នាទី

អាន ៖នៅពេលអ្នកសម្រេចចិត្តចំពោះប្រភេទការងារ ដែលនឹងជួយអ្នកឲ្យក្លាយជាមនុស្សខ្លួនទីពឹងខ្លួន នោះជំហានបន្ទាប់គឺត្រូវចូលរួមក្នុងក្រុមភាពខ្លួនទីពឹងខ្លួន ។ ក្រុមភាពខ្លួនទីពឹងខ្លួន ផ្ដោតទៅលើប្រធានបទមួយនៃប្រធានបទបី ៖ ការចាប់ផ្ដើម និងការពង្រីកអាជីវកម្មរបស់ខ្ញុំ, ការស្វែងរកការងារល្អ ឬការចាប់ផ្ដើមការអប់រំដែលចាំបាច់ ។

ក្រុមភាពខ្លួនទីពឹងខ្លួន គឺខុសពីថ្នាក់រៀន មេរៀន ឬវគ្គបណ្ដុះបណ្ដាលផ្សេងៗក្នុងសាសនាចក្រ ។ គ្មានគ្រូបង្រៀន ឬអ្នកបង្ហាត់បង្រៀនទេ ផ្ទុយទៅវិញ សមាជិកក្រុមរៀនជាមួយគ្នា លើកទឹកចិត្តគ្នាទៅវិញទៅមកឲ្យអនុវត្ត រក្សាការតាំងចិត្ត ហើយប្រឹក្សាគ្នាដោះស្រាយបញ្ហា ។ ក្រុមនេះជួបជុំគ្នា ១២ ដងមានរយៈពេលប្រហែលជាពីរម៉ោងក្នុងការប្រជុំនីមួយៗ វាសំខាន់ដើម្បីចូលរួមជាទៀងទាត់ ហើយទាន់ម៉ោង ។ ការអនុវត្តនូវការតាំងចិត្តរបស់យើង អាចនឹងចំណាយពេលមួយម៉ោងទៅពីរម៉ោងក្នុងមួយថ្ងៃ ។

ក្នុងក្រុមនីមួយៗ អ្នកចូលរួមទាំងឡាយក៏រៀនអំពីជំនាញភាពខ្លួនទីពឹងខ្លួនខាងវិញ្ញាណដោយប្រើកូនសៀវភៅ មូលដ្ឋានគ្រឹះរបស់ខ្ញុំ ៖ គោលការណ៍ ជំនាញ ទម្លាប់ ផងដែរ ។ ពួកគេអនុវត្តទម្លាប់ទាំងឡាយដែលនឹងជួយពួកគេឲ្យកាន់តែរឹងមាំខាងវិញ្ញាណ និងខាងសាច់ឈាម ។

តើក្រុមណាខ្លះដែលអាចចូលរួមបាន ?
៥ នាទី

ការចាប់ផ្ដើម និង ការពង្រីកអាជីវកម្មរបស់ខ្ញុំ

សម្រាប់អស់អ្នកមានអាជីវកម្មរួចហើយ ឬចង់ចាប់ផ្តើមវា ។ សមាជិកក្រុមអនុវត្តការរក្សាកំណត់ត្រា ការធ្វើទីផ្សារ និងការគ្រប់គ្រងសាច់ប្រាក់ ។ ពួកគេក៏អាចសាកល្បងរបៀបបង្កើនប្រាក់ចំណូលរបស់ពួកគេតាមរយៈការដកពិសោធន៍មុខជំនួញតូចៗផងដែរ ។

ការស្វែងរកការងាររបស់ខ្ញុំ

សម្រាប់អស់អ្នកដែលមានជំនាញដើម្បីទទួលបានការងារល្អ ។ សមាជិកក្រុមមានការងារមួយ តាមរយៈការស្គាល់ឱកាសនានា តាមបណ្តាញ តាមការណែនាំខ្លួនឯងដោយល្អតាមវិជ្ជាជីវៈ និងការរៀបចំខ្លួនសម្រាប់ឆ្លើយសំណួរសម្ភាសន៍ ។ ការចូលរួមក្នុងក្រុមនេះផ្តល់ជាប្រយោជន៍ដើម្បីមានការងារមួយ ។

ការអប់រំសម្រាប់ការងារដ៏ប្រសើរ

គម្របសៀវភៅការអប់រំសម្រាប់ការងារដ៏ល្អប្រសើរ

សម្រាប់អស់អ្នកដែលត្រូវការការអប់រំ ឬការបំពាក់បំប៉ន ដើម្បីមានការងារល្អមួយ ឬដើម្បីបង្កើតមុខជំនួញមួយ ។ សមាជិកក្រុមកំណត់ពីការងារដែលនឹងជួយពួកគេឲ្យមានភាពខ្លួនទីពឹងខ្លួន។ ពួកគេស្វែងរកសាលារៀន ឬកម្មវិធីមួយ ដែលនាំទៅរកការងារនោះ ( ដូចជាកម្មវិធីច្រកផ្លូវ--សូមមើលទំព័រ ១១ ) ។ តាមការចូលរួមក្នុងក្រុមនេះ ផ្តល់ជាប្រយោជន៍នៅក្នុងផែនការរៀនសូត្រ និងប្រាក់កម្ចី ភី.អ៊ី.អែហ្វ. ( បើចាំបាច់ ) ។

កំណត់ចំណាំ ៖ សៀវភៅលំហាត់ទាំងនេះពុំមានគ្រប់ភាសានោះទេ ។ ធនធានភាពខ្លួនទីពឹងខ្លួនផ្សេងទៀត អាចមាននៅក្នុងតំបន់របស់អ្នក ។

តើក្រុមនៃភាពខ្លួនទីពឹងខ្លួនមួយណាដែលខ្ញុំគួរចូលរួម?
១០ នាទី

ពិចារណ ៖សូមចំណាយពេលបីនាទីនៅតែម្នាក់ឯងដើម្បីពិចារណា ហើយអធិស្ឋានសូមការណែនាំអំពីក្រុមណាមួយ ដែលអាចជួយអ្នកនៅលើមាគ៌ារបស់អ្នកទៅកាន់ភាពខ្លួនទីពឹងខ្លួន ។

អនុវត្ត ៖ឥឡូវ មនុស្សគ្រប់គ្នានឹងបំបែកគ្នាជាក្រុមតាមដែលពួកគេបានជ្រើសរើស ។ ប្រសិនបើអ្នកនឹងបញ្ចប់វគ្គ មាគ៌ារបស់ខ្ញុំ នៅក្នុងការប្រជុំធម្មនិដ្ឋានមួយ សូមក្រោកឈរ ហើយទៅចូលរួមនឹងក្រុមដែលអ្នកបានជ្រើសរើស ។ ( ក្រុមនីមួយៗអាចចែកចេញជាក្រុមតូចៗជាច្រើនទៀត ។ អ្នកជំនាញផ្នែកភាពខ្លួនទីពឹងខ្លួននឹងណែនាំអ្នក ) ។

ពិភាក្សា ៖សូមពិភាក្សាអំពីថ្ងៃ ពេលវេលា និង ទីកន្លែងនៃការប្រជុំជាក្រុមរបស់អ្នក ។ សូមសរសេរព័ត៌មាននេះនៅក្នុងប្រអប់ខាងស្ដាំ ។ ប្រសិនបើអ្នកបានបញ្ចប់តែ មាគ៌ារបស់ខ្ញុំ សូមទាក់ទងទៅមជ្ឈមណ្ឌលធនធានភាពខ្លួនទីពឹងខ្លួនដើម្បីដឹងពីពេលវេលានៃការប្រជុំជាក្រុម ។

ជំហានបន្ទាប់

ខ្ញុំនឹងពិភាក្សាការវាយតម្លៃពីភាពខ្លួនទីពឹងខ្លួនរបស់ខ្ញុំជាមួយនឹងស្វាមី ឬភរិយាខ្ញុំ ឬសមាជិកគ្រួសារផ្សេងទៀត ( សូមមើលទំព័រ ៤-៥ ) ។

ខ្ញុំនឹងធ្វើការលើគោលដៅនៃភាពខ្លួនទីពឹងខ្លួនខាងវិញ្ញាណរបស់ខ្ញុំ ។

ខ្ញុំនឹងចាប់ផ្ដើមកត់ត្រារាល់ការចំណាយរបស់ខ្ញុំ ។

ខ្ញុំនឹងពិភាក្សាជាមួយមនុស្សបីនាក់អំពីការងារដែលខ្ញុំកំពុងពិចារណាអំពីវា ។

ខ្ញុំនឹងចូលរួម ហើយចូលរៀនក្នុងក្រុមនៃភាពខ្លួនទីពឹងខ្លួន ។

កម្មវិធីច្រកផ្លូវ

កម្មវិធីច្រកផ្លូវ គឺជាឱកាសអប់រំដែលចំណាយថ្លៃតិចមួយ ដែលផ្ដល់ឲ្យនៅក្នុងភាពជាដៃគូជាមួយនឹងប៊ីវ៉ាយយូ-អៃដាហូ ។ មាននៅតំបន់ជាច្រើន ជាកម្មវិធីនេះរួមបញ្ចូលទាំងវគ្គសិក្សាតាមអ៊ិនធើរណិត ព្រមជាមួយនឹងការជួបជុំក្នុងមូលដ្ឋាន ។ សិស្សក្នុងកម្មវិធីច្រកផ្លូវទទួលបានក្រេឌីតមហាវិទ្យាល័យ ព្រមជាមួយនឹងការរីកចម្រើនផ្នែកភាសាអង់គ្លេស ខាងវិញ្ញាណ និងជំនាញទីផ្សាររបស់ពួកគេ -- រួមមានទាំងការគ្រប់គ្រងថវិកា គណិតវិទ្យា និងអ្វីជាច្រើនទៀត ។ កម្មវិធីនេះត្រូវចំណាយពេលមួយឆ្នាំដើម្បីបញ្ចប់ ( តម្រូវឲ្យមានកម្រិតភាសាអង់គ្លេសជាមូលដ្ឋានគ្រឹះ ដើម្បីចាប់ផ្ដើមរៀនកម្មវិធីនេះ ) ។ ដើម្បីរៀនបន្ថែមទៀត សូមទាក់ទងទៅកាន់អ្នកជំនាញភាពខ្លួនទីពឹងខ្លួនប្រចាំស្ដេករបស់អ្នក ឬចូលមើលគេហទំព័រ pathway.lds.org ។