8:

Maghiusa, Dungan nga Magserbisyo

Report:Daklit nga ipaambit sa grupo ang usa ka butang nga inyong gihimo sa miaging semana aron sa pagtabang sa pagsulbad og problema.

Pamalandungi:Sa unsang paagi ang paghikalimot sa akong kaugalingon diha sa pagserbisyo sa uban sa pagkatinuod makaluwas kanako?

Tan-awa:“In the Lord’s Way [Sa Pamaagi sa Ginoo],” anaa sa srs.lds.org/videos. (Walay video? Basaha ang pahina 21)

Sa Pamaagi sa Ginoo

Kon dili mo makatan-aw sa video, basaha kini nga script.

still from In the Lord’s way

Presidente Henry B. Eyring: Ang mga baruganan nga anaa sa pundasyon sa programa sa welfare sa Simbahan dili lamang alang sa usa ka panahon o sa usa ka dapit. Alang kini sa tanang panahon ug sa tanang dapit. …

… Ang paagi sa pagbuhat niini klaro. Kadtong nakatigum na og daghan angayng mopaubos sa ilang kaugalingon aron motabang niadtong nanginahanglan. Kadtong naa sa kaabunda boluntaryong mosakripisyo sa pipila sa ilang kahamugaway, panahon, mga kahanas, ug mga kapanguhaan aron mahupay ang pag-antus niadtong nanginahanglan. Ug ang tabang ihatag aron molambo ang gahum sa mga nakadawat sa pag-atiman sa ilang kaugalingon ug dayon sa pag-atiman sa uban. Kon buhaton kini, sa pamaagi sa Ginoo, talagsaong butang ang mahimong mahitabo. Ang naghatag ug ang nakadawat mapanalanginan. (Gikuha gikan sa pakigpulong nga gihatag ni Presidente Eyring sa pagpahinungod sa Sugarhouse Utah Welfare Services Center, Hunyo 2011, LDS.org)

Presidente Dieter F. Uchtdorf: Mga kaigsoonan, ang matag usa kanato adunay pakigsaad nga responsibilidad sa pag-ila sa panginahanglan sa uban ug pagserbisyo sama sa gihimo sa Manluluwas—sa pagtabang, pagpanalangin, ug pagbayaw niadtong naglibut kanato.

Kasagaran, ang tubag sa atong pag-ampo dili moabut samtang kita nagluhod lang apan samtang kita naglihok nga nagserbisyo sa Ginoo ug nagserbisyo niadtong anaa sa atong palibut. Ang dili hinakog nga mga buhat sa serbisyo ug pagpahinungod mohapsay sa atong mga espiritu, motangtang sa mga himbis gikan sa atong espirituhanong mga mata, ug moabli sa mga bintana sa langit. Diha sa pagkahimong tubag sa pag-ampo sa uban, kanunay natong makaplagan ang tubag sa atong kaugalingon.

(“Naghulat diha sa Dalan sa Damasco,” Ensign o Liahona, Mayo 2011, 75–76)

Balik sa pahina 20.

Hisguti:Sa unsa nga paagi ang pagserbisyo sa uban makaabli sa mga bintana sa langit sa inyong kinabuhi?

Basaha:Ang uban mobati nga angayan sila sa unsay anaa na sa uban, nga maoy makamugna og kasuko. Ang uban mobati nga may katungod sa mga butang nga wala nila kugihi. Kining duha ka mga lit-ag makabuta sa mga tawo nga makita ang usa ka mahinungdanong kamatuoran: ang tanang butang iya sa Dios. Ang kasuko ug pagbati nga dunay katungod mabuntog pinaagi sa pagtutok sa mga panginahanglan sa uban. Basaha ang Mosiah 2:17, Mosiah 4:26, ug ang kinutlo gikan ni Presidente Gordon B. Hinckley (naa sa tuo).

“Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”

Mosiah 2:17

“Ug karon, alang sa katuyoan … sa pagbaton sa usa ka kapasayloan sa inyong mga sala sa matag adlaw, … Ako manghinaut nga kamo kinahanglan mohatag sa inyong kabtangan ngadto sa mga kabus, matag tawo sumala sa unsa ang anaa kaniya, ingon sa pagpakaon sa gigutom, pagsinina sa hubo, pagduaw sa mga masakiton ug pag-alagad sa ilang kahupayan, sa espirituhanon ug lawasnon, sumala sa ilang mga panginahanglan.”

Mosiah 4:26

“Kon magkahiusa kamo, mawalay kinutuban ang inyong gahum. Makahimo mo og bisan unsa nga gusto ninyong himoon.”

Gordon B. Hinckley, “Your Greatest Challenge, Mother,” Ensign, Nob. 2000, 97

Kalihokan

Step 1: Isip grupo, paghunahuna og tawo nga nanginahanglan og tabang.

Step 2: Hisguti ang mga talento, mga kontak, ug mga kapanguhaan nga inyong matanyag.

Step 3: Paghimo og plano sa pagserbisyo nianang tawhana. Sama pananglit, makahimo kamo sa:

• Pagpahigayon og service project diha sa inyong komunidad.

  My Family book cover

• Pag-andam sa inyong family history gamit ang booklet nga My Family: Stories That Bring Us Together [Ang Akong Pamilya: Mga Istorya Nga Naghiusa Kanamo]. Dayon moadto sa templo ug mopahigayon og sagrado nga mga ordinansa alang sa mga sakop sa pamilya nga namatay na.

• Pagtabang sa usa ka tawo sa iyang dalan padulong sa self-reliance.

Basaha:Mga kinutlo gikan ni Elder Robert D. Hales ug Presidente Thomas S. Monson (naa sa tuo)

“Ang tuyo sa temporal ug espirituhanon nga pagbarug sa kaugalingon mao ang paglig-on sa atong kaugalingon aron makatabang kita sa uban nga nanginahanglan.”

Robert D. Hales, “Pag-ila sa Kaugalingon: Ang Sakrament, ang Templo, ug Sakripisyo sa Pagserbisyo,”Ensign o Liahona, Mayo 2012, 36

“Kon kita magtinabangay, … makahimo kita sa tanan. Kon ato kanang buhaton, atong matangtang ang kahuyang sa usa ka tawo nga nag-inusara ug mapuli ang kalig-on sa daghan nga nagtinabangay og serbisyo.”

Thomas S. Monson, “Church Leaders Speak Out on Gospel Values,” Ensign, Mayo 1999, 118

I-commit:I-commit nga himoon ang mosunod nga mga buluhaton sa semana. I-tsek ang box kon makompleto ninyo ang matag buluhaton.

• Buhata ang plano nga inyong gihimo sa pagserbisyo og usa ka tawo.

• Ipaambit ang inyong nakat-unan karon mahitungod sa pagserbisyo ngadto sa inyong pamilya o mga higala.