“Balaan nga mga Dapit,” Mga Muslim ug mga Santos sa Ulahing mga Adlaw: Mga Pagtuo, Mga Mithi, ug mga Estilo sa Kinabuhi (2021)
“Balaan nga mga Dapit,” Mga Muslim ug mga Santos sa Ulahing mga Adlaw
Ang labing balaan nga dapit sa Islam, ang Ka’bah (ang itom nga estraktura sentro sa plaza), nahimutang sa Mecca, Saudi Arabia
Balaan nga mga Dapit
Ang mga Muslim ug ang mga Santos sa Ulahing mga Adlaw mobisita og balaan nga mga dapit ug moapil sa sagrado nga mga ritwal. Ang pagbuhat sa ingon makatabang nila sa pagsunod sa giya sa Dios ug modawat sa Iyang kalooy ug mga panalangin.
Mga Muslim
Ang kataposan nga kalihokan alang sa matag Muslim kinsa makahimo sa pisikal, mental, ug adunay kwarta mobiyahe padulong sa Balay sa Dios, o Ka’bah, sa Mecca. Kining sagrado nga biyahe nailhan usab nga ang Hajj. Ang Hajj usa ka lawom nga espirituhanon ug magantihon nga kasinatian nga nagdasig og panaghiusa sa mga Muslim sa tibuok kalibotan. Ang mga Muslim moapil sa mga ritwal nga maglakip sa pagpamatuod sa Pagkausa sa Dios, paghinulsol, ug pagpangayo og pasaylo sa Dios. Kini nga mga ritwal naglig-on sa panginahanglan sa pagsumiter ngadto sa kabubut-on sa Dios pinaagi sa pagbuntog sa personal nga kagarboso ug pagkuha sa mga simbolo sa yutan-ong sosyal nga mga kahimtang, bahandi, ug garbo.
Ang mga Santos sa Ulahing mga Adlaw nagtuo nga ang mga templo mao ang balay sa Dios. Kini nga templo nahimutang sa Siyudad sa Salt Lake, Estados Unidos
Mga Santos sa Ulahing mga Adlaw
Alang sa mga Santos sa Ulahing mga Adlaw, ang dayag sa yutan-ong pag-uswag mao ang paghimo og mga pakigsaad sa Dios diha sa Iyang templo. Ang mga Santos sa Ulahing mga Adlaw nagtuo nga ang templo mao ang balay sa Dios ug nakatukod og gatosan ka mga templo sa tibuok kalibotan. Sa templo, ang sinina ug ang mga ritwal nagsimbolo nga ang tanan nga takos nga kababayen-an ug kalalakin-an pareha sa atubangan sa Dios. Ang mga ordinansa ug ang mga pakigsaad nagtudlo sa mga Santos sa Ulahing mga Adlaw aron masabtan ang mga katuyoan sa Dios, aron mosunod sa Iyang mga sugo, aron motagad sa ilang isig ka tawo uban ang kapuangod, ug sa pag-andam alang sa kinabuhi human sa kamatayon. Sa mga templo, ang pagbugkos sa pamilya mahimong himoon nga molungtad sa kahangtoran.