“Kaputli,” Mga Muslim ug mga Santos sa Ulahing mga Adlaw: Mga Pagtuo, Mga Mithi, ug Mga Estilo sa Kinabuhi (2021)
“Kaputli,” Mga Muslim ug mga Santos sa Ulahing mga Adlaw
Kaputli
Mga Muslim ug mga Santos sa Ulahing mga Adlaw nagtuo nga ang Dios mahimuot sa kaulay ug kaputli.
Ang mga Muslim ug ang mga Santos sa Ulahing mga Adlaw nagtuo nga ang lawas usa ka sagrado nga panimalay sa espiritu ug nga ang ilang mga hunahuna, mga pulong, ug mga binuhatan kinahanglan nga lunsay. Ang mga miyembro sa duha ka tinuhoan nagtuo sa pagsunod sa mga balaod sa Dios ug pagsunod sa estrikto nga mga lagda sa kinaiya kalabot sa sekswal nga mga relasyon. Sa duha ka tinuhoan, ang sekswal nga mga relasyon madawat lamang tali sa lalaki ug babaye nga nakasal pinasubay sa balaod. Ang kaputli sa dili pa ang kaminyoon ug kamaunungon ngadto sa kapikas human sa kaminyoon mao ang usa ka sugo sa duha ka relihiyon.