5
Awtoridad ug mga Ordinansa sa Pagkapari
Ang pagkapari mao ang awtoridad nga gihatag sa Dios sa Iyang mga anak aron sa pagdala og kaluwasan sa tanan. Ang awtoridad sa Pagkapari gidumala sa mga lider sa pagkapari kinsa nakadawat ug makagamit sa mga yawe sa pagkapari. Gumikan kay ang mga kasulatan namahayag nga ang “tanan nga lain nga mga kagamhanan [ug] mga buhatan diha sa simbahan mao ang mga sumpay niini nga [Melchizedek] nga pagkapari” (Doktrina ug mga Pakigsaad 107:5), ang tanang gihimo ubos sa direksyon niana nga mga yawe sa pagkapari gihimo nga may awtoridad sa pagkapari.
Kon ang usa ka babaye i-set apart sa pagsangyaw sa ebanghelyo isip full-time nga misyonaryo, siya molihok ubos sa awtoridad sa pagkapari sa pagpahigayon og buluhaton sa pagkapari. Si bisan kinsang tawo nga adunay calling nga nadawat gikan sa tawo nga naghupot sa mga yawe sa pagkapari naggamit sa awtoridad sa pagkapari sa paghimo sa iyang gisangon nga mga katungdanan.
Kon ikaw usa ka naghupot sa Melchizedek nga Pagkapari, ikaw adunay mga kahigayonan sa pag-apil diha sa mga ordinansa ug mga panalangin sa pagkapari.
Alang sa dugang nga impormasyon tan-awa sa seksiyon 7.11, “Mga Ordinansa ug mga Panalangin sa Pagkapari.”