Faaopoopoga 2

Taiala mo le Fatuina o Tomai Faataitai Faaopoopo

A o e mafaufau i manaoga o i latou o lau vasega, atonu e te faailoaina se tomai e te lagona e taua ae e le o talanoaina i nei anomea o le kosi. O lenei taiala ua tuuina mai ai se mamanu e mafai ona e faaaogaina e fatu ai ni tomai faaopoopo mo lau vasega.

Vaega Autu mo Faataitaiga o Tomai

E fa vaega o tomai taitasi e faataitai ai le otootoga: (1) faamatala, (2) faatino, (3) faataitai, ma le (4) faaaoga. O taiala nei e mafai ona fesoasoani ia te oe e faaaoga ai nei vaega autu i ni tomai faaopoopo e te fatuina mo lau vasega.

Faamatalatala

Faailoa atu le tomai e te maua i lau vasega. Ina ia faia lenei mea, e mafai ona e:

• Valaaulia tagata aoao e faitau e uiga i le tomai e pei ona faamatalaina i le Tala’i La’u Talalelei po o le Fetuunai i le Olaga Faafaifeautalai.

• Fai se aotelega o lenei tomai i au lava upu:

Ia mautinoa ia aua nei tele se taimi e alu i lenei vaega tomai faata’ita’i. O lenei faiga o le a mautinoa ai ua lava le taimi e faataitai ai tagata aoao.

Faapupula

A uma ona faamatalaina le tomai, faaali atu i tagata aoao le auala e faaaoga ai le tomai. Ina ia faia lenei mea, e mafai ona e:

• Faatino le tomai i luma o le vasega.

• Valaaulia se tagata aoao e saunia muamua e faataitai le tomai mo le vasega.

• Faaaoga se vitio o loo faaalia ai se faataitaiga o se tasi o faaalia le tomai.

Faataitai

Tuu atu i tagata aoao le taimi e faataitai ai le tomai. E mafai ona latou faia lenei mea ma ni paga pe i ni vaega toalaiti. Afai e mafai, valaaulia i latou e faataitai e sili atu ma le tasi. E mafai ona e valaaulia i latou e faataitai ma se isi paga po o se vaega ese i taimi taitasi.

Faaaoga

Valaaulia tagata aoao e fai se fuafuaga e uiga i le auala o le a latou faataitaia ai lenei tomai i fafo atu o le vasega. Mafaufau e tulitatao lesona i le lumanai.