Moʻui Lelei Fakaeʻatamaí
6: ʻOku ou faingataʻaʻia he taimi ʻe niʻihi ke ongoʻi ʻa e Laumālié he ʻoku ou ongoʻi ongonoa pē. ʻOku ʻuhinga nai ʻeni ʻoku ou fai ha meʻa ʻoku hala pea kuo mole e Laumālié?

“6: ʻOku ou faingataʻaʻia he taimi ʻe niʻihi ke ongoʻi ʻa e Laumālié he ʻoku ou ongoʻi ongonoa pē. ʻOku ʻuhinga nai ʻeni ʻoku ou fai ha meʻa ʻoku hala pea kuo mole e Laumālié?” Moʻui Lelei Fakaeʻatamaí: Tokoni Maʻakú (2019)

“Faingataʻa ke Ongoʻi e Laumālié,” Moʻui Lelei Fakaeʻatamaí: Tokoni Maʻakú

ʻĪmisi
fefine ʻoku tangutu he sea

ʻOku ou faingataʻaʻia he taimi ʻe niʻihi ke ongoʻi ʻa e Laumālié he ʻoku ou ongoʻi ongonoa pē. ʻOku ʻuhinga nai ʻeni ʻoku ou fai ha meʻa ʻoku hala pea kuo mole e Laumālié?

Ko e taʻe malava ʻo ongoʻi e Laumālié, pe ko ha ongo fakalūkufua ʻo e fakafiefiemālié pe ongonoa e moʻuí, ʻoku faʻa hoko ia ko ha fakaʻilonga ʻo e ʻikai moʻui lelei fakaeʻatamaí. Kuo teʻeki ai liʻaki koe ʻe he ʻOtuá. Fakakaukau ʻi ha momeniti siʻi ʻoku fetuʻutaki atu e Laumālié kiate koe ʻi ha founga kehe mei hoʻo aʻusia kimuʻá. ʻI he taimi ʻokú ke faingataʻaʻia ai ke ongoʻi ʻa e Laumālié pe ongoʻi ha faʻahinga meʻa pē, ʻahiʻahi fakatahaʻi angé ʻa e ngaahi fokotuʻu ko ʻení mo e lotú ʻo fakatatau ki he meʻa ʻokú ke malavá:

  • Fealeaʻaki mo e niʻihi kehé. Faifeinga he tafaʻaki kotoa pē ke talanoa mo hoʻo fāmilí, pīsopé, pe ha mataotao he moʻui lelei fakaeʻatamaí. Fakahoko ʻi he faʻa fakakaukau ʻa e ngaahi fokotuʻu ʻaongá.

  • Manatuʻi e ngaahi meʻa naʻá ke ʻiloʻí. Kumi ʻi ha tohinoa motuʻa ha lekooti ʻokú ne fakamatalaʻi ha aʻusia fakalaumālie, pe talanoa ki ha taha ʻokú ke falala ki ai. Tuku ke fakamanatu atu ʻe he tokotaha ko iá ho ngaahi mālohinga fakafoʻituituí, ngaahi aʻusia fakalaumālié, mo e fakamoʻoni kuó ke vahevahe mo kinautolu ʻi he kuohilí.

  • Fakafonu ho ʻapí ʻaki e māmá. Matuʻaki fakaulo e māmá pe tangutu he loto laʻaá. Tā ha ngaahi fasi langaki moʻui, fakafanongo ki he ngaahi lea mei he konifelenisi lahí, vakai ki he ngāue fakaʻaatí, pe lau e folofolá pe ko ha tohi lelei ʻe taha. Ngaohi ho ʻapí ko ha feituʻu ʻo e melinó ʻa ia ʻe lava ke nofoʻia ʻe he Laumālié.

  • Vakavakaiʻi pē ʻe koe ʻa koe. Fakakaukauʻi pē ʻe lava ke ke ongoʻi ha meʻa he taimí ni. Kapau ʻokú ke ongonoa pe ʻikai ha vā fetuʻutaki mo ha taha, talanoa ki ha kaungāmeʻa falalaʻanga, mēmipa ʻo e fāmilí, pe ha taki faka-Siasi, pe fekumi ki ha tokoni fakapalōfesinale.