“4: ʻE anga fēfē ha mahino lelei ange kiate au e faikehekehe ʻi he ngaahi fakatokanga ʻa e Laumālié mei he tōtuʻa ʻa e loto-hohaʻá?” Moʻui Lelei Fakaeʻatamaí: Tokoni Maʻakú (2019)
“Ko e Faikehekehe ʻo e Laumālié mo e Loto-Hohaʻá,” Moʻui Lelei Fakaeʻatamaí: Tokoni Maʻakú
ʻE anga fēfē ha mahino lelei ange kiate au e faikehekehe ʻi he ngaahi fakatokanga ʻa e Laumālié mei he tōtuʻa ʻa e loto-hohaʻá?
Ko e Laumālie Māʻoniʻoní ʻa e Laumālie ʻo e Moʻoní mo e Laumālie ʻo e Melinó. ʻOku faʻa ngāue fakalongolongo pē ʻa e Laumālié (vakai, 1 Nīfai 17:45). ʻOku leʻo lahi mo hū noa e ngaahi fakakaukau ne fakatupu ʻe he loto-hohaʻá ʻo ne ʻai ke faingataʻa hono ongoʻi e Laumālié mo fakafalala ki hoʻo tuí. Ko e tuí ʻa e falala ki he ʻOtuá. Ko e fehangahangai ʻo e tuí ʻa e taʻepaú mo e taʻefalalá, pea ʻoku faʻa fakavaivaiʻi ʻe he ngaahi fehālaaki loto-hohaʻá e tuí.
Naʻe fakamatala ʻe he palōfita ko Sēkopé ʻi he Tohi ʻa Molomoná ʻo pehē: “ʻOku folofola ʻaki ʻe he Laumālié ʻa e moʻoní pea ʻoku ʻikai loi. Ko ia, ʻokú ne folofola ki he ngaahi meʻa ʻo hangē ko honau angamoʻoní, pea ki he ngaahi meʻa ʻo hangē ko honau angamoʻoni ʻe ʻi aí” (Sēkope 4:13). ʻI hoʻo ako ke fakafanongo ki he Laumālié, te ke lava lelei ange ʻo ʻiloʻi e faikehekehe ʻo e moʻoní mo e ngaahi fakakaukau fakalotofoʻi mo ʻikai moʻoni ʻoku fakatupu ʻe he loto-hohaʻá.
ʻOku totonu ke fakamaʻunga ʻe he tui ki he Fakaleleí mo e Toetuʻu ʻa e Fakamoʻuí, fakataha mo e ʻamanaki leleí mo e ʻofa faka-Kalaisí, ʻetau moʻuí (vakai ki he Molonai 7:40–48).
Vakai foki ki he “Anxiety and Anxiety Disorders,” Ensign, Mar. 2017, 54–61.