“Li na’ajman,” Tenq’anel hu chirix li k’anjeleb’aal choq’ reheb’ li kok’al ut li saaj sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan (2019)
“Li na’ajman,” Tenq’anel hu chirix li k’anjeleb’aal choq’ reheb’ li kok’al ut li saaj sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan
Li na’ajman
Xkawresinkil laa paab’aal chirix li Jesukristo ut aatenq’ankil laa’at ut laa junkab’al chi xik chi uub’ej sa’ xb’ehil li sumwank naq yookex chixk’ulb’aleb’ li ch’a’ajkilal re li yu’am.
Xsik’b’al li k’utb’esinb’il na’leb’
Naru taanaw aajunes aawib’—tz’aqal sa’ li hoonal a’in—chan ru xk’ulb’al li k’utb’esinb’il na’leb’ aajunes. Ut maak’a’ chik wan li nimaq xwankil re xjalb’al laa yu’am chiru a’an.
—Awa’b’ej Russell M. Nelson, “Juventud de Israel,” ch’utam choq’ reheb’ li saaj sa’ chixjunil li ruchich’och’, 3 junio, 2018, aatin sa’ li New Era ut li Ensign, 2, ChurchofJesusChrist.org
Roksinkil xtaql li ch’oolej
Lix rajom qach’ool naxb’eresi li naqak’e jo’ xb’eenil sa’ li qayu’am, ut li naqak’e jo’ xb’eenil naxb’eresi k’a’ru naqasik’ ru, ut li naqasik’ ru naxb’eresi li qab’aanuhom. Eb’ lix rajom li qach’ool li neke’qak’e chi uxmank neke’xb’eresi li qajalajik, li qachaab’ilal, ut li nokowulak wi’.
—Awa’b’ej Dallin H. Oaks, “Li ajom”, Liahona, mayo 2011, 42
Li amiiwuk-ib’
Chiqajunilo naqaj ruheb’ tz’aqal amiiw li nokohe’xra, nokohe’rab’i, neke’xk’ut li b’e chiqu, ut li neke’xch’olob’ li yaal chiqu re naq taakanaaq li Santil Musiq’ej chiqochb’eeninkil. Tento naq laa’aqat jun amiiw chi jo’kan.
—Awa’b’ej Henry B. Eyring, “True Friends,” Ensign, mayo 2002, 29