“Maakanab’ xik chi uub’ej,” Tenq’anel hu chirix li k’anjeleb’aal choq’ reheb’ li kok’al ut li saaj sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan (2019)
“Maakanab’ xik chi uub’ej,” Tenq’anel hu chirix li k’anjeleb’aal choq’ reheb’ li kok’al ut li saaj sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan
Maakanab’ xik chi uub’ej
Tenq’anb’ilaqat sa’ lix yalb’al aaq’e chixtaaqenkil li Kristo naq nakatk’iik sa’eb’ li kaahib’ raqal a’in rik’in xtzolb’al li evangelio, li tenq’ank ut eb’ li kok’ k’anjel, ut xchaab’ilob’resinkil aawib’.
Xtzolb’al li evangelio
Xtzolb’al li evangelio sa’ li ochoch ut sa’ li iglees naxk’e aawe jun aamusiq’ejil k’ojleb’aal choq’ re chixjunil sa’ laa yu’am. Naq nakak’anjela li nakatzol, maare taataw chan ru naru taataaqe li Jesukristo sa’ junesal, rik’in laa junkab’al, ut rik’in laa molam malaj tzoleb’aal.
Li tenq’ank ut eb’ li kok’ k’anjel
Naq nakattz’aqon sa’ li tenq’ank ut sa’eb’ li kok’ k’anjel, naru taasaho’q aach’ool rik’in laa junkab’al, eb’ laa wamiiw, ut eb’ laj jolominel naq yookat chixnimob’resinkil aaseeb’al, chixnumsinkil k’a’ruhaq ak’, ut chi k’anjelak chiruheb’ laa was aawiitz’in. Naru ajwi’ nakatk’anjelak chiruheb’ laa was aawiitz’in rik’ineb’ li k’ojob’anb’il k’anjel. Lix k’ojleb’aal li tenq’ank ut eb’ li kok’ k’anjel a’an Lukas 2:52, ut jo’ xraqal a’an wankeb’ li kok’ k’anjel neke’baanuman sa’ jun kutan chiru li xamaan, jo’eb’ ajwi’ li neke’wan chiru junjunqeb’ li kutan jo’ li campamento, li xik sa’ li santil ochoch, ut eb’ li ch’utub’aj-ib’ Para la Fortaleza de la Juventud (PFJ) ut xkomoneb’ chik li ch’utub’aj-ib’.
Li chaab’ilob’resink-ib’
Naru taataaqe li Jesukristo sa’ xchaab’ilob’resinkil aawib’ naq nakasik’ laa k’utb’esinb’il na’leb’ chirix chan ru naru tatk’iiq sa’ li junjunq cha’al re laa yu’am. Laa’at nakasik’ ru li taab’aanu ut naru tattenq’aaq xb’aaneb’ laa junkab’al, laa wamiiw, ut laa jolominel.