« បន្តឆ្ពោះទៅមុខ » សេចក្តីណែនាំអំពីកម្មវិធីកុមារ និងយុវវ័យនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( ឆ្នាំ ២០១៩ )
« បន្តឆ្ពោះទៅមុខ » សេចក្តីណែនាំអំពីកម្មវិធីកុមារ និងយុវវ័យនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
បន្តឆ្ពោះទៅមុខ
អ្នកនឹងទទួលបានការគាំទ្រនៅក្នុងការខិតខំរបស់អ្នកដើម្បីធ្វើតាមព្រះគ្រីស្ទ នៅពេលអ្នករីកចម្រើននៅក្នុងផ្នែកទាំងបួននេះតាមរយៈការរៀនសូត្រដំណឹងល្អ ការបម្រើ និងសកម្មភាពនានា និងការអភិវឌ្ឍផ្ទាល់ខ្លួន ។
ការរៀនសូត្រដំណឹងល្អ
ការរៀនសូត្រដំណឹងល្អនៅឯគេហដ្ឋាន និងនៅព្រះវិហារផ្ដល់ជាមូលដ្ឋានគ្រឹះខាងវិញ្ញាណសម្រាប់អ្វីៗគ្រប់យ៉ាងក្នុងជីវិតរបស់អ្នក ។ នៅពេលអ្នកអនុវត្តនូវអ្វីដែលអ្នកសិក្សា នោះអ្នកអាចនឹងរកឃើញនូវវិធីដែលអ្នកអាចធ្វើតាមព្រះយេស៊ូវគ្រីស្ទដោយខ្លួនឯងផ្ទាល់ ជាមួយនឹងគ្រួសាររបស់អ្នក ឬជាមួយនឹងកូរ៉ុម ឬថ្នាក់របស់អ្នក ។
ការបម្រើ និងសកម្មភាពនានា
នៅពេលអ្នកចូលរួមនៅក្នុងការបម្រើ និងសកម្មភាពនានា នោះអ្នកអាចមានភាពរីករាយជាមួយនឹងគ្រួសារ មិត្តភក្ដិ និងថ្នាក់ដឹកនាំរបស់អ្នក នៅពេលអ្នករៀនជំនាញនានា មានបទពិសោធន៍ថ្មីៗ ហើយបម្រើដល់ មនុស្សដទៃ ។ អ្នកក៏អាចធ្វើការបម្រើដោយការចូលរួមក្នុងការធ្វើពិធីបរិសុទ្ធដ៏ពិសិដ្ឋទាំងឡាយផងដែរ ។ ការបម្រើ និងសកម្មភាពនានាត្រូវបានផ្អែកទៅលើ លូកា ២:៥២ ហើយរួមបញ្ចូលទាំងសកម្មភាពនៅថ្ងៃធម្មតា ក៏ដូចជាសកម្មភាពជាច្រើនថ្ងៃសម្រាប់យុវវ័យផងដែរ ដូចជា ការបោះជំរំ ដំណើរកម្សាន្តទៅព្រះវិហារបរិសុទ្ធ និងកម្មវិធីដើម្បីកម្លាំងនៃយុវជន ( ដ.ក.យ ) ព្រមទាំងសន្និសីទយុវវ័យ ។
ការអភិវឌ្ឍផ្ទាល់ខ្លួន
អ្នកអាចធ្វើតាមព្រះយេស៊ូវគ្រីស្ទនៅក្នុងការអភិវឌ្ឍផ្ទាល់ខ្លួន នៅពេលអ្នកស្វែងរកវិវរណៈដើម្បីដឹងពីរបៀបដែលអ្នកអាចរីកចម្រើននៅក្នុងគ្រប់ផ្នែកនៃជីវិតរបស់អ្នក ។ អ្នកជ្រើសរើសអ្វីដែលអ្នកចង់អភិវឌ្ឍន៏ ហើយអាចសូមជំនួយមកពីគ្រួសារ មិត្តភក្ដិ និងពួកថ្នាក់ដឹកនាំ ។