lalaki nga namulong diha sa panagtigom alang sa sakramento

36.

Paghimo, Pag-usab, ug Paghatag og Ngalan sa Bag-ong mga Yunit

36.0

Pasiuna

Ang mga miyembro sa Simbahan nahisakop sa mga kongregasyon base kon asa sila nagpuyo (tan-awa sa Mosiah 25:17–24). Kini nga mga kongregasyon gikinahanglan alang sa pag-organisar ug paghimo sa buhat sa Simbahan ubos sa tukma nga awtoridad sa pagkapari. Ang mga lider sa mga kongregasyon gihatagan og mga yawe sa pagkapari aron tugotan sa pagpahigayon sa mga ordinansa sa pagkapari. Ang mga kongregasyon motabang usab sa mga miyembro sa paglig-on sa hugot nga pagtuo sa usag usa samtang sila magsimba sa Dios, magkat-on sa mga pagtulon-an ni Jesukristo, ug magserbisyo.

Ang mga kongregasyon sa Simbahan (gitawag usab nga mga yunit) naglakip sa mga stake, mga district, mga ward, ug mga branch. Kini gihimo, giusab, o dili padayunon kon gikinahanglan lamang.

Ang mga lider maningkamot nga madugangan ang espirituwal nga kalig-on sa mga miyembro sa dili pa mosugyot nga maghimo og bag-ong yunit o mousab sa utlanan sa yunit. Ang bag-ong mga yunit kinahanglang himoon lamang kon ang kasamtangang mga yunit may igo na nga kalig-on.

Alang sa suporta diha sa Estados Unidos ug Canada, tawaga ang 1-801-240-1007. Sa gawas sa Estados Unidos ug Canada, tawaga ang buhatan sa area.

36.1

Paghimo o Pag-usab og mga Stake ug mga District

Ang mga stake himoon gikan sa mga district o pinaagi sa pagbahin sa kasamtangang mga stake. Ang presidente sa stake o misyon mosugyot nga maghimo og bag-o nga stake. Siya moseguro pag-una nga kini nakatuman sa kinaminosan [minimum] nga mga kinahanglanon nga gipakita sa mosunod nga talaan.

Kinaminosan nga mga Kinahanglanon sa Paghimo og usa ka Stake

	U.S. ug Canada	Ang ubang mga nasod
Gidaghanon sa mga miyembro (aktibo ug dili kaayo aktibo)	U.S. ug Canada 3,000	Ang ubang mga nasod 1,900
Gidaghanon sa aktibo, hingpit nga nagbayad sa ikapulo nga mga naghupot sa Melchizedek nga Pagkapari nga makahimo sa pagserbisyo sa mga katungdanan sa pagpangulo	U.S. ug Canada 180	Ang ubang mga nasod 120
Gidaghanon sa mga ward	U.S. ug Canada 5	Ang ubang mga nasod 5

Ang mga district himoon gikan sa mga branch sa usa ka misyon o sa kasamtangan nga stake. Walay kinaminosan nga gidaghanon sa mga miyembro o mga branch ang gikinahanglan aron makahimo og district.

Ang usa ka district kinahanglang adunay lebel sa kalig-on alang sa usa ka stake nga dili mominos unom ka bulan sa dili pa ang presidente sa misyon makasugyot sa paghimo niini nga usa ka stake.

Ang mga utlanan sa usa ka stake o district mosunod sa mga utlanan sa mga yunit nga anaa sulod niini. Sa pagsugyot og kausaban sa mga utlanan sa stake o district o pagbalhin sa usa ka yunit ngadto sa silingang stake o district, ang mga presidente sa stake o misyon moapil sa plano ug magsabot sa rekomendasyon.

Ang presidente sa stake o misyon magsugod og bag-o nga sugyot diha sa “Boundary and Leadership Proposals.” Kon siya dili makagamit sa sistema sa online, mahimo niyang i-download ang mga porma nga papel pinaagi sa pag-klik sa link.

Ang pagtugot sa gisugyot nga mga kausaban sa stake magagikan sa Unang Kapangulohan ug sa Korum sa Napulog Duha ka Apostoles. Sa kasagaran, sila mohimo og desisyon sulod sa unom ka semana sa pagkadawat sa nakompleto nga sugyot.

36.2

Paghimo o Pag-usab sa mga Ward ug mga Branch diha sa mga Stake

Ang mga ward ug mga branch diha sa mga stake himoon gikan sa kasamtangan nga mga yunit. Ang presidente sa stake mahimong mosugyot sa paghimo og bag-ong ward o branch diha sa stake. Siya moseguro pag-una nga ang bag-ong yunit nakatuman sa kinaminosan nga mga kinahanglanon nga gipakita sa mosunod nga mga talaan.

Kinaminosan nga mga Kinahanglanon sa Paghimo og usa ka Ward

	U.S. ug Canada	Ang ubang mga nasod
Gidaghanon sa mga miyembro (aktibo ug dili kaayo aktibo)	U.S. ug Canada 300	Ang ubang mga nasod 150
Gidaghanon sa aktibo, hingpit nga nagbayad sa ikapulo nga mga naghupot sa Melchizedek nga Pagkapari nga makahimo sa pagserbisyo sa mga katungdanan sa pagpangulo	U.S. ug Canada 1 alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 20.	Ang ubang mga nasod 1 alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 15.

Kinaminusan [Minimum] nga mga Kinahanglanon sa Paghimo og Branch sa usa ka Stake

Gidaghanon sa mga miyembro (aktibo ug dili kaayo aktibo)	20
Gidaghanon sa aktibo, hingpit nga nagbayad sa ikapulo nga mga naghupot sa Melchizedek nga Pagkapari nga makahimo sa pagserbisyo sa mga katungdanan sa pagpangulo	4

Ang presidente sa stake mahimong mosugyot nga usbon ang usa ka branch ngadto sa usa ka ward kon ang yunit nakatuman sa kinaminosan nga mga kinahanglanon ug siya nakakita og kandidato nga moserbisyo isip bishop.

Ang presidente sa stake mahimong mosugyot nga usbon o dili na ipadayon ang mga ward o mga branch kon adunay klaro nga panginahanglan.

Ang presidente sa stake mosugod og bag-ong sugyot diha sa “Boundary and Leadership Proposals.” Kon siya dili makagamit sa sistema sa online, mahimo niyang i-download ang mga porma nga papel pinaagi sa pag-klik sa link.

Ang Unang Kapangulohan lamang ang moaprobar sa sugyot. Sa kasagaran, sila mohimo og desisyon sulod sa upat ka semana sa pagkadawat sa nakompleto nga sugyot.

36.3

Paghimo o Pag-usab sa mga Branch diha sa mga Misyon

Ang presidente sa misyon mahimong mosugyot sa paghimo og bag-ong mga branch diha sa misyon. Walay kinaminosan nga gidaghanon sa mga miyembro nga gikinahanglan aron sa paghimo og usa ka branch diha sa usa ka misyon. Hinoon, ang bag-ong mga branch sa kasagaran kinahanglang adunay dili mominos upat ka mga naghupot sa pagkapari. Dili mominos ang usa kinahanglang aktibo, naghupot sa Melchizedek nga Pagkapari nga hingpit nga nagbayad sa ikapulo.

Ang presidente sa misyon mosugod og bag-ong sugyot diha sa “Boundary and Leadership Proposals.” Kon siya dili makagamit sa sistema sa online, mahimo niyang i-download ang mga porma nga papel pinaagi sa pag-klik sa link.

Ang Kapangulohan sa Area mahimong mohatag sa kataposang pagtugot o pagsupak sa sugyot sa presidente sa misyon sa:

• Paghimo ug paghatag og ngalan sa bag-ong branch diha sa misyon.

• Dili pagpadayon sa branch diha sa misyon.

• Pag-usab sa mga utlanan sa branch diha sa misyon kon ang kausaban dili makaapekto sa usa ka stake, usa ka district, o laing misyon.

Ang Kapangulohan sa Area kinahanglang mosumiter sa naaprobahan nga sugyot ngadto sa punoang buhatan sa Simbahan alang sa pagproseso sa dili pa mahimo o mausab ang usa ka branch diha sa mga sistema sa Simbahan.

Ang Kapangulohan sa Area mahimong moduso apan dili mohatag sa kataposan nga pagtugot sa sugyot sa presidente sa misyon sa:

• Pagbalhin sa usa ka branch ngadto sa laing stake, district, o misyon.

• Pag-usab sa ngalan sa usa ka kasamtangan nga branch diha sa misyon.

• Pag-usab sa mga utlanan sa branch diha sa usa ka misyon kon ang kausaban makaapekto sa usa ka stake, sa usa ka district, o laing misyon.

• Paghimo o pag-usab og branch sa misyon alang sa mga young single adult o sa mga single adult; mga miyembro nga wala maggamit sa lumad nga pinulongan; mga miyembro kinsa anaa sa mga sentro sa pag-atiman, mga programa sa pagtambal, o mga prisohan; o mga miyembro nga anaa sa militar.

Niini nga mga sitwasyon, ang Kapangulohan sa Area morebyo sa sugyot, ug kon sila moduso niini, sila mosumiter niini alang sa pagtugot. Ang Unang Kapangulohan lamang ang makahatag sa kataposang pagtugot. Sa kasagaran, sila mohimo og desisyon sulod sa upat ka semana sa pagkadawat sa nakompleto nga sugyot.

pamilya diha sa simbahan

36.4

Paghatag og Ngalan sa mga Yunit sa Simbahan

Ang ngalan sa yunit kinahanglan nga makatabang sa pag-ila niadtong kinsa nagpuyo niana nga dapit. Sa kasagaran, ang mga ngalan sa kasamtangan nga mga yunit kinahanglan nga dili usbon.

Kon ang presidente sa stake o sa misyon magtinguha lamang sa pag-usab sa ngalan sa yunit, dili kinahanglan nga mogamit siya sa online system. Siya mosumiter sa sugyot pinaagi sa pagtawag sa 1-801-240-1007. Sa gawas sa Estados Unidos ug Canada, siya motawag sa buhatan sa area.

Kon ang ngalan sa yunit kinahanglan nga usbon tungod sa kausaban sa utlanan, ang presidente sa misyon o stake mosugod og bag-ong sugyot pinaagi sa paggamit sa sistema sa Boundary and Leadership Proposals. Kon siya dili makagamit sa sistema sa online, mahimo niyang i-download ang mga porma nga papel pinaagi sa pag-klik sa link.

Ang Unang Kapangulohan lamang ang moaprobar niini nga mga sugyot.

Ang mga Kapangulohan sa Area mahimong motugot sa mga sugyot sa paghimo ug paghatag og ngalan sa bag-ong mga branch diha sa mga misyon (tan-awa sa 36.3).

36.4.1

Paghatag og Ngalan sa mga Stake ug mga District

Ang unang pulong sa ngalan sa stake o sa district mao ang mosunod:

• Ang siyudad diin ang punoang buhatan sa stake o district nahimutang

• Laing siyudad sa stake o district nga nailhan pag-ayo sa mga miyembro

• Ang hiyograpikanhong timailhan sulod sa mga utlanan sa stake o district

Sa Estados Unidos ug sa Canada, ang ikaduhang pulong sa kasagaran mao ang estado o probinsya kon asa mahimutang ang stake o district. Sa ubang mga nasod ang ikaduhang pulong mao ang ngalan sa nasod.

Kon labaw sa usa ka stake o district ang anaa sa samang siyudad, ang ikatulong pulong mao ang ilhanan sa lugar nga anaa sa mga utlanan sa yunit. Ang pipila ka madawat nga ilhanan sa lugar alang sa mga ngalan sa stake o district gipakita sa ubos:

• Mga direksyon sa kompas (amihanan, habagatan, sidlakan, o kasadpan)

• Komunidad o kasilinganan

• Hiyograpikanhong timailhan

Ang pipila ka ilhanan sa lugar nga wala itugot alang sa mga ngalan alang sa stake ug district gipakita sa ubos:

• Ubang mga termino sa direksyon (pananglitan, habagatang kasadpan)

• Mga ngalan sa mga tawo

Kon ang ngalan sa usa ka siyudad sama sa estado, probinsya, o nasod, kini dili balikon diha sa ngalan. Pananglitan:

• Idaho Falls Taylor Mountain Stake, dili Idaho Falls Idaho Taylor Mountain Stake

• México City Azteca Stake, dili México City México Azteca Stake

36.4.2

Paghatag og Ngalan sa mga Ward ug mga Branch

Ang ward o branch hatagan og ngalan subay sa ilhanan sa lugar nga anaa sa mga utlanan niini. Ang pipila ka gitugotan nga ilhanan sa lugar alang sa mga ngalan sa ward ug branch gipakita sa ubos:

• Siyudad

• Komunidad o kasilinganan

• Dalan

• Parke

• Eskwelahan

• Hiyograpikanhong timailhan

Ang pipila ka ilhanan sa lugar nga wala itugot alang sa mga ngalan sa ward ug branch gipakita sa ubos:

• Mga direksyon sa kompas (pananglitan, silangan o amihanang kasadpan)

• Mga ngalan sa mga tawo

• Mga ngalan nga gibase lamang sa makita [view] (pananglitan, Temple View, Mountain View, o River View)

• Pagtipon sa duha ka ngalan aron maghimo og bag-ong ngalan

Ang ngalan sa usa lamang ka ilhanan sa lugar ang gamiton nga ngalan sa ward o branch. Kon adunay sobra sa usa ka ward o branch nga sama og ngalan, usa ka numero ang idugang isip kabahin sa ngalan, sama sa Preston 1st Ward ug Preston 2nd Ward.

Ang ngalan sa ward o sa branch kinahanglang gamitan sa pinulongan sa dapit. Kon ang pinulongan wala mogamit sa alpabeto nga Romano, ang hubad gamit ang mga letra nga Romano kinahanglang ilakip sa aplikasyon.

36.5

Pag-implemintar sa Gisugyot nga mga Kausaban

36.5.1

Mga Kausaban sa Stake ug District

Ang giaprobahan nga sulat alang sa paghimo o sa dili na pagpadayon sa usa ka stake o district sa kasagaran nagpakita sa petsa sa mga kausaban nga pagahimoon. Kini nga petsa kinahanglang dili ipahibalo hangtod nga ang gisangonan nga Kinatibuk-ang Awtoridad mohisgot sa mga detalye uban sa presidente sa stake o misyon. Ang aktuwal nga mga kausaban dili ipahibalo hangtod sa komperensiya sa stake o district.

Ang mga presidente sa stake o misyon mopahibalo sa punoang buhatan sa Simbahan o sa ilang buhatan sa area human ang mga kausaban nahimo.

36.5.2

Mga Kausaban sa Ward ug Branch

Human nga ang presidente sa stake o misyon makadawat sa pagtugot alang sa mga kausaban sa ward o branch, siya sa kasagaran adunay 90 ka adlaw sa pagpresentar sa mga kausaban aron paluyohan sa mga miyembro. Kon kinahanglan niyang ilangan nga mas dugay pa kay sa 90 ka adlaw, siya mangayo og pagtugot gikan sa Buhatan sa Unang Kapangulohan.

Ang mga presidente sa stake o misyon mopahibalo sa punoang buhatan sa Simbahan o sa ilang buhatan sa area human ang mga kausaban nahimo. Ang mga mapa ug mga yunit dili i-update hangtod nga marekord kini sa punoang buhatan sa Simbahan.

mga tawo nga nanganta diha sa simbahan

36.6

Batakang Programa sa Yunit

Ang Simbahan mihimo og Batakang Programa sa Yunit nga gamiton sa gagmay nga mga branch o gagmay nga gitugotan nga mga panagpundok sa mga miyembro, nailhan nga mga grupo (tan-awa sa 37.7 alang sa dugang nga impormasyon bahin sa mga grupo). Ang Kapangulohan sa Area mahimong motugot sa paggamit sa Batakang Programa sa Yunit sa gagmay nga mga branch o mga grupo diin ang bisan unsa sa mosunod nga kondisyon magamit:

• Ang Simbahan bag-o pang nagsugod.

• Ang mga miyembro sa hiyograpiyang paagi nagkatag.

• Gamay ra ang mga miyembro ug nagsugod pa lang ang paglambo sa pagpangulo.

• Ang mga miyembro adunay espesyal nga mga panginahanglan sa pinulongan o anaa sa mga sentro sa pag-atiman, mga programa sa pagtambal, o mga prisohan.

Ang Kapangulohan sa Area mahimo usab nga motugot sa paggamit sa Batakang Programa sa Yunit diha sa mga misyon o mga stake diin kini nga mga kondisyon anaa.

Ang mga lagda alang niini nga programa gihatag diha sa Sumbanan nga Basahon sa Batakang Programa sa Yunit. Ang ubang impormasyon gihatag diha sa Sumbanan nga Basahon sa Branch, Sumbanan nga Basahon sa mga Lider sa Pagkapari ug Auxiliary, Sumbanan nga Basahon sa Pamilya, ug Sumbanan nga Basahon sa Pagtudlo.