« ១៥. ថ្នាក់សិក្ខាសាលា និងថ្នាក់វិទ្យាស្ថាននៃសាសនា » ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( ឆ្នាំ ២០២០ ) ។
« ១៥. ថ្នាក់សិក្ខាសាលា និងថ្នាក់វិទ្យាស្ថាននៃសាសនា » ក្បួនខ្នាតទូទៅ ។
១៥.
ថ្នាក់សិក្ខាសាលា និងថ្នាក់វិទ្យាស្ថាននៃសាសនា
១៥.០
សេចក្តីផ្ដើម
ថ្នាក់សិក្ខាសាលា និងថ្នាក់វិទ្យាស្ថាននៃសាសនា ( ស&វ ) ជួយឪពុកម្ដាយ និងថ្នាក់ដឹកនាំសាសនាចក្រដើម្បីជួយយុវវ័យ និងយុវមជ្ឈិមវ័យឲ្យបង្កើនសេចក្ដីជំនឿរបស់ពួកគេលើព្រះយេស៊ូវគ្រីស្ទ និងដំណឹងល្អរបស់ទ្រង់ដែលបានស្ដារឡើងវិញ ។ ការណ៍នេះត្រូវបានធ្វើឡើងដោយការគាំទ្រដល់ការសិក្សានៅឯគេហដ្ឋាននៅក្នុងព្រះគម្ពីរ និងប្រសាសន៍របស់ពួកព្យាការីនៅរស់ ព្រមទាំងថ្នាក់ដឹកនាំផ្សេងទៀតក្នុងសាសនាចក្រ ។
កម្មវិធីថ្នាក់សិក្ខាសាលា និងថ្នាក់វិទ្យាស្ថានត្រូវបានគ្រប់គ្រងដោយគោលនយោបាយ ដែលបានស្ថាបនាដោយក្រុមប្រឹក្សាភិបាលអប់រំរបស់សាសនាចក្រ ដែលត្រូវបានដឹកនាំដោយប្រធានសាសនាចក្រ ។ គណៈប្រធានស្តេកអនុវត្តកម្មវិធីទាំងនេះនៅក្នុងស្តេក និងវួដ ។ ថ្នាក់ដឹកនាំស្ដេក និងវួដពិនិត្យមើលជាទៀងទាត់ពីការចូលរួមរបស់យុវវ័យខ្លួននៅក្នុងកម្មវិធីថ្នាក់សិក្ខាសាលា និងថ្នាក់វិទ្យាស្ថាន ។
អ្នកតំណាងផ្នែក ស&វ ម្នាក់ត្រូវបានចាត់ឲ្យទៅកាន់ស្តេកនីមួយៗដើម្បីជួយថ្នាក់ដឹកនាំឲ្យគ្រប់គ្រងកម្មវិធី ស&វ ។
១៥.១
ថ្នាក់សិក្ខាសាលា
ថ្នាក់សិក្ខាសាលាគឺជាកម្មវិធីសិក្សាបួនឆ្នាំ ដែលយុវវ័យសិក្សាដំណឹងល្អរបស់ព្រះយេស៊ូវគ្រីស្ទ ដូចដែលមាននៅក្នុងព្រះគម្ពីរ និងការបង្រៀនរបស់ពួកព្យាការីថ្ងៃចុងក្រោយ ។ ជាទូទៅ សិស្សថ្នាក់សិក្ខាសាលាមានអាយុពី ១៤–១៨ ឆ្នាំ ។
គណៈប៊ីស្សព ថ្នាក់ដឹកនាំយុវវ័យ និងគណៈប្រធានកូរ៉ុម ព្រមទាំងគណៈប្រធានថ្នាក់លើកទឹកចិត្តយុវវ័យគ្រប់រូបឲ្យចូលរួមយ៉ាងសកម្មនៅក្នុងថ្នាក់សិក្ខាសាលា ។ គណៈប៊ីស្សពលើកទឹកចិត្តឪពុកម្ដាយឲ្យចុះឈ្មោះកូនៗរបស់ខ្លួនរៀងរាល់ឆ្នាំ ពីមុនថ្នាក់សិក្ខាសាលាចាប់ផ្ដើម ។ សម្រាប់ព័ត៌មានបន្ថែម សូមមើល ការចុះឈ្មោះថ្នាក់សិក្ខាសាលា នៅលើគេហទំព័រ ChurchofJesusChrist.org ។
១៥.១.១
គ្រូបង្រៀន
គ្រូបង្រៀនថ្នាក់សិក្ខាសាលា គួរតែជាសមាជិកសាសនាចក្រដែលមានសេចក្ដីជំនឿលើព្រះអម្ចាស់ព្រះយេស៊ូវគ្រីស្ទ ហើយមានទីបន្ទាល់មួយអំពីដំណឹងល្អរបស់ទ្រង់ដែលបានស្ដារឡើងវិញ ។ ពួកគេគួរតែរស់នៅតាមគោលការណ៍ដែលពួកគេបង្រៀន ហើយធ្វើការចុះសម្រុងគ្នាជាមួយនឹងយុវវ័យ ។ នៅពេលអាចធ្វើបាន គ្រូបង្រៀនគួរតែមានភាពស័ក្ដិសមដើម្បីកាន់ប័ណ្ណចូលព្រះវិហារបរិសុទ្ធ ។
សមាជិកមួយរូបនៃគណៈប្រធានស្តេកប្រឹក្សាជាមួយនឹងប៊ីស្សព អ្នកគ្រប់គ្រងក្នុងស្តេក និងអ្នកតំណាងផ្នែក ស&វ អំពីគ្រូបង្រៀនថ្នាក់សិក្ខាសាលាដែលមានសក្ដានុពល ។ សមាជិកមួយរូបនៃគណៈប្រធានស្តេក ឬទីប្រឹក្សាជាន់ខ្ពស់ដែលបានចាត់តាំង ធ្វើការហៅ ធ្វើពិធីញែកចេញ និងដោះលែងគ្រូបង្រៀនថ្នាក់សិក្ខាសាលាក្នុងស្តេក និង អ្នកគ្រប់គ្រងក្នុងស្តេក ។ បន្ទាប់ពីបុគ្គលនោះត្រូវបានហៅ ហើយទទួលពិធីញែកចេញ នោះអ្នកតំណាង ស&វ ផ្តល់ការបំពាក់បំប៉ន ហើយគាំទ្រដល់គាត់ ឬនាង ។
ដើម្បីការពារគ្រូបង្រៀន និងសិស្ស នោះមជ្ឈិមវ័យពីរនាក់គួរតែមានវត្តមាននៅក្នុងអគារ ឬផ្ទះដែលថ្នាក់សិក្ខាសាលាមួយត្រូវបានបង្រៀន ។ គ្រូបង្រៀនក្រុមម្នាក់អាចនឹងត្រូវបានហៅ ឬមជ្ឈិមវ័យដែលមានការទទួលខុសត្រូវម្នាក់អាចត្រូវបានចាត់ឲ្យមានវត្តមាន ។ មជ្ឈិមវ័យទីពីរនោះអាចជាស្វាមី ឬភរិយារបស់គ្រូបង្រៀន ឬឪពុក ឬម្ដាយរបស់សិស្សម្នាក់ ។ គាត់ ឬនាងគួរមានភេទដូចគ្នានឹងគ្រូបង្រៀន លើកលែងតែបុគ្គលនោះគឺជាសមាជិកពេញវ័យម្នាក់នៃគ្រួសាររបស់គ្រូបង្រៀន ។ គ្រូបង្រៀនម្នាក់ពុំគួរនៅក្នុងបន្ទប់ អគារ ឬរថយន្តតែម្នាក់ឯងជាមួយនឹងសិស្សម្នាក់ឡើយ លើកលែងតែសិស្សនោះគឺជាកូនរបស់គាត់ ។
១៥.១.២
![]()
រូបភាពរូបតំណាងគោលការណ៍ណែនាំសម្រាប់ការសម្របសម្រួល
ថ្នាក់សិក្ខាសាលាមានអត្ថប្រយោជន៍ខ្លាំងបំផុត នៅពេលសិស្សអាចជួបនឹងគ្រូបង្រៀនម្នាក់រៀងរាល់ថ្ងៃនៅក្នុងសប្ដាហ៍ ។ ទោះជាយ៉ាងណាក្ដី ការណ៍នេះអាចនឹងពុំកើតឡើងបាន ដោយសារតែបញ្ហាសុវត្ថិភាព ចម្ងាយផ្លូវធ្វើដំណើរ និងកត្តាផ្សេងៗទៀត ។ ថ្នាក់ដឹកនាំក្នុងមូលដ្ឋានមានជម្រើសដើម្បីបើកថ្នាក់សិក្ខាសាលាដូចតទៅនេះ ៖
|
ជម្រើស |
ចំនួនមេរៀនប្រចាំសប្ដាហ៍នៅក្នុងថ្នាក់ |
ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត |
|---|---|---|
ជម្រើស ក | ចំនួនមេរៀនប្រចាំសប្ដាហ៍នៅក្នុងថ្នាក់ ៥ ( ៥០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត គ្មានសោះ |
ជម្រើស ខ | ចំនួនមេរៀនប្រចាំសប្ដាហ៍នៅក្នុងថ្នាក់ ៤ ( ៦០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត គ្មានសោះ |
ជម្រើស គ | ចំនួនមេរៀនប្រចាំសប្ដាហ៍នៅក្នុងថ្នាក់ ៤ ( ៥០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត ១ |
ជម្រើស ឃ | ចំនួនមេរៀនប្រចាំសប្ដាហ៍នៅក្នុងថ្នាក់ ៣ ( ៥០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត ២ |
ជម្រើស ង | ចំនួនមេរៀនប្រចាំសប្ដាហ៍នៅក្នុងថ្នាក់ ២ ( ៩០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត ១ |
ជម្រើស ច | ចំនួនមេរៀនប្រចាំសប្ដាហ៍នៅក្នុងថ្នាក់ ២ ( ៥០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត ៣ |
ជម្រើស ឆ | ចំនួនមេរៀនប្រចាំសប្ដាហ៍នៅក្នុងថ្នាក់ ១ ( ៥០ នាទី ) | ចំនួនមេរៀនប្រចាំសប្ដាហ៍សម្រាប់ការសិក្សានៅផ្ទះ ឬតាមអ៊ីនធឺណិត ៤ |
ថ្នាក់ដឹកនាំសាសនាចក្រប្រឹក្សាជាមួយនឹងអ្នកតំណាង ស&វ ដើម្បីសម្រេចចិត្តពីជម្រើសណាមួយដែលនឹង ៖
-
ជួយសិស្សឲ្យរៀនដំណឹងល្អ និងរីកចម្រើនខាងវិញ្ញាណបានល្អបំផុត ។
-
រក្សាសិស្សឲ្យមានសុវត្ថិភាព ។
-
មិនធ្វើឲ្យក្រុមគ្រួសារមានបន្ទុកដែលពុំចាំបាច់ ។
ប្រសិនបើការជួបនឹងគ្រូបង្រៀនម្នាក់នៅអំឡុងសប្ដាហ៍មានការពិបាក នោះការប្រើបច្ចេកវិទ្យាសម្រាប់ការប្រជុំតាមអ៊ីនធឺណិតអាចត្រូវបានពិចារណា ។
ថ្នាក់ទាំងឡាយពុំគួរធ្វើឡើងនៅថ្ងៃអាទិត្យទេ ។ ករណីលើកលែងទាំងឡាយតម្រូវឲ្យមានការអនុម័តមកពីក្រុមប្រឹក្សាភិបាលអប់រំរបស់សាសនាចក្រ ។ ប្រធានស្តេកអាចចេញអនុសាសន៍ឲ្យអ្នកតំណាង ស&វ ផ្លាស់ប្ដូរទៅជម្រើសថ្នាក់សិក្ខាសាលាដែលស្តេកប្រើ ។ អ្នកតំណាង ស&វ នាំយកអនុសាសន៍នោះទៅកាន់ផ្នែករដ្ឋបាលថ្នាក់សិក្ខាសាលា និងថ្នាក់វិទ្យាស្ថាននៃសាសនា ។ ការអនុម័តមកពីផ្នែករដ្ឋបាលគឺចាំបាច់ត្រូវមាន ពីមុនអនុវត្តការផ្លាស់ប្តូរនេះ ។
ក្រុមប្រឹក្សាភិបាលអប់រំក្នុងមូលដ្ឋានមួយអាចត្រូវបានបង្កើតឡើងនៅកន្លែង ដែលស្តេកមួយចំនួនមានថ្នាក់សិក្ខាសាលាប្រចាំថ្ងៃ ថ្នាក់សិក្សាតាមផ្ទះ ឬថ្នាក់ទាំងពីរ មានភាពប្រហាក់ប្រហែលគ្នា ព្រមទាំងមានកង្វល់ និងមានឧបសគ្គដូចគ្នា ( សូមមើលគេហទំព័រ seminary.ChurchofJesusChrist.org ) ។
១៥.១.៣
អគារ សម្ភារ និងគ្រឿងផ្គត់ផ្គង់
ថ្នាក់ដឹកនាំស្ដេក និងវួដត្រូវប្រាកដថា ទីតាំងទាំងឡាយ ដូចជាសាលាប្រជុំ ឬផ្ទះរបស់សមាជិកនៅទំនេរសម្រាប់ថ្នាក់សិក្ខាសាលា ។ អគារ ឬបន្ទប់ទាំងឡាយពុំគួរត្រូវបានជួលសម្រាប់ថ្នាក់សិក្ខាសាលាឡើយ ។ ប្រសិនបើថ្នាក់ធ្វើឡើងនៅក្នុងសាលាប្រជុំមួយ នោះគ្រូបង្រៀនគួរមានសិទ្ធិចូលប្រើសម្ភារនៅក្នុងមជ្ឈមណ្ឌលធនធាន ។
អ្នកតំណាង ស&វ ផ្ដល់ឯកសារដល់គ្រូបង្រៀន និងសិស្សសម្រាប់ថ្នាក់នីមួយៗ ។ សិស្សគួរប្រើព្រះគម្ពីរផ្ទាល់ខ្លួនរបស់ពួកគេ ជាព្រះគម្ពីរបោះពុម្ព ឬជាឌីជីថល ។
១៥.១.៤
អ្នកដឹកនាំថ្នាក់ និងសកម្មភាពសម្រាប់ថ្នាក់
គ្រូបង្រៀនថ្នាក់សិក្ខាសាលាអាចជ្រើសរើសអ្នកដឹកនាំថ្នាក់ដូចជា ប្រធានថ្នាក់ម្នាក់ អនុប្រធានថ្នាក់ម្នាក់ និងលេខាម្នាក់ ។ ដំបូង គ្រូបង្រៀនទាក់ទងទៅឪពុកម្ដាយរបស់សិស្ស និងប៊ីស្សពស្នើសុំការអនុម័ត ។ អ្នកដឹកនាំថ្នាក់ពុំត្រូវបានគាំទ្រ ឬធ្វើពិធីញែកចេញនោះទេ ។ ពួកគេអាចជួយគ្រូបង្រៀនជាមួយនឹងកិច្ចការនៅក្នុងថ្នាក់រៀនតាមទម្លាប់ ហើយលើកទឹកចិត្តសិស្សផ្សេងទៀតឲ្យមករៀន និងចូលរួម ។
គ្រូបង្រៀនថ្នាក់សិក្ខាសាលាពុំគួរផ្ដល់សកម្មភាពនៅក្រៅថ្នាក់រៀន ឬនៅឆ្ងាយពីថ្នាក់រៀនឡើយ ។ ករណីលើកលែងទាំងឡាយតម្រូវឲ្យមានការអនុម័តមកពីថ្នាក់ដឹកនាំបព្វជិតភាពក្នុងមូលដ្ឋាន ។
១៥.១.៥
ក្រេដីឌ និងការបញ្ចប់ការសិក្សា
សិស្សថ្នាក់សិក្ខាសាលាអាចរៀនកាន់តែមានប្រសិទ្ធភាព ហើយធ្វើឲ្យការប្រែចិត្តជឿរបស់ពួកគេកាន់តែស៊ីជម្រៅ ប្រសិនបើពួកគេចូលរៀនជាទៀងទាត់ ហើយសិក្សាបទគម្ពីរនៅក្រៅថ្នាក់រៀន ។ នៅពេលពួកគេធ្វើរឿងទាំងនេះ នោះពួកគេក៏ទទួលបានក្រេដីឌសម្រាប់ថ្នាក់សិក្ខាសាលាជារៀងរាល់ឆ្នាំ ហើយអាចបញ្ចប់ការសិក្សាថ្នាក់សិក្ខាសាលាបានផងដែរ ។
សិស្សមួយចំនួនអាចមានការលំបាកដើម្បីទទួលបានក្រេដីឌសម្រាប់ថ្នាក់សិក្ខាសាលា ដោយសារតែបញ្ហានៃការអាន និងហេតុផលផ្សេងទៀត ។ គ្រូបង្រៀនអាចសម្របសម្រួលតម្រូវការទៅតាមសេចក្ដីត្រូវការរបស់សិស្សទាំងនេះ ។ ការសម្រួបសម្រួលសម្រាប់កម្មវិធីទាំងមូលអាចត្រូវបានស្នើសុំដោយអ្នកតំណាង ស&វ ។ ការសម្របសម្រួលទាំងនេះតម្រូវឲ្យមានការអនុម័តមកពីការិយាល័យកណ្ដាលរបស់ ស&វ ។
ដើម្បីបញ្ចប់ការសិក្សាពីថ្នាក់សិក្ខាសាលា សិស្សម្នាក់ត្រូវតែទទួលក្រេដីឌដែលរៀនរយៈពេលបួនឆ្នាំ ហើយទទួលបានការចារយល់ព្រមខាងបព្វជិតភាពពីសមាជិកម្នាក់នៃគណៈប៊ីស្សព ។ ការចារយល់ព្រមនេះបញ្ជាក់ថា សិស្សម្នាក់មានភាពស័ក្ដិសម ហើយបានតាំងចិត្តរស់នៅតាមបទដ្ឋានទាំងឡាយនៃដំណឹងល្អ ។
រៀងរាល់ឆ្នាំ ស្តេកធ្វើពិធីប្រគល់សញ្ញាបត្រឲ្យដល់ថ្នាក់សិក្ខាសាលា ។ ព្រឹត្តិការណ៍នេះត្រូវបានរៀបចំដោយសមាជិកម្នាក់នៃគណៈប្រធានស្តេក ឬទីប្រឹក្សាជាន់ខ្ពស់ម្នាក់ ។ អ្នកតំណាង ស&វ អាចជួយបាន ។ សម្រាប់ព័ត៌មានបន្ថែម សូមមើល សេចក្តីណែនាំអំពីកម្មវិធីបញ្ចប់ការសិក្សាថ្នាក់សិក្ខាសាលា និងថ្នាក់វិទ្យាស្ថាន ។
១៥.១.៦
![]()
រូបភាពរូបតំណាងគោលការណ៍ណែនាំសម្រាប់ការសម្របសម្រួល
នៅតំបន់ខ្លះក្នុងសហរដ្ឋអាមេរិក និងប្រទេសកាណាដា ច្បាប់ក្នុងមូលដ្ឋានអនុញ្ញាតឲ្យសិស្សចេញពីសាលា ហើយចូលរៀនថ្នាក់សិក្ខាសាលានៅអំឡុងម៉ោងរៀននៅសាលា ។ ក្រុមប្រឹក្សាភិបាលអប់រំរបស់សាសនាចក្រអនុម័តពីទីកន្លែងដែលថ្នាក់សិក្ខាសាលាបែបនេះត្រូវបានធ្វើឡើង ។ សម្រាប់ព័ត៌មានបន្ថែមស្ដីពីថ្នាក់សិក្ខាសាលានៅម៉ោងអនុញ្ញាតពីសាលារៀន សូមមើល ថ្នាក់សិក្ខាសាលានៅម៉ោងអនុញ្ញាតពីសាលារៀន នៅលើគេហទំព័រ ChurchofJesusChrist.org ។
១៥.២
![]()
រូបភាពរូបតំណាងធនធានដែលអាចជ្រើសរើសបាន
ថ្នាក់វិទ្យាស្ថានផ្ដល់ថ្នាក់សិក្សាដំណឹងល្អនៅថ្ងៃធម្មតា ដែលពង្រឹងសេចក្ដីជំនឿ និងទីបន្ទាល់លើព្រះយេស៊ូវគ្រីស្ទ និងដំណឹងល្អរបស់ទ្រង់ដែលបានស្ដារឡើងវិញ ។ យុវមជ្ឈិមវ័យនៅលីវគ្រប់រូបដែលមានអាយុ ១៨–៣០ ឆ្នាំ គួរតែត្រូវបានលើកទឹកចិត្តឲ្យចូលរៀនថ្នាក់វិទ្យាស្ថាន ទោះបីជាពួកគេកំពុងសិក្សានៅសាលាឬអត់ក្ដី ។
យើងពុំមានថ្នាក់វិទ្យាស្ថាននៅបរិវេណមហាវិទ្យាល័យនៅតំបន់ជាច្រើន ។ ក្នុងករណីទាំងនេះ ប្រធានស្តេកអាចបង្កើតថ្នាក់វិទ្យាស្ថាននៅក្នុងស្តេកបាន ។ ថ្នាក់ដឹកនាំបព្វជិតភាព និងបុគ្គលិកផ្នែក ស&វ សម្របសម្រួលការរៀបចំនេះ ។
គោលការណ៍ណែនាំបន្ថែមទៀតសម្រាប់ការបង្កើត និងការដាក់ដំណើរការថ្នាក់វិទ្យាស្ថាននៅក្នុងស្តេក ផែនការប្រើប្រាស់អគារ ការហៅ គ្រូបង្រៀន និងការទទួលស្គាល់ការបញ្ចប់ការសិក្សារបស់សិស្សមាននៅផ្នែក ថ្នាក់វិទ្យាស្ថានស្តេក នៅលើគេហទំព័រ ChurchofJesusChrist.org ។
១៥.២.១
ថ្នាក់ផ្សេងទៀតខាងសាសនា
គណៈប្រធានស្តេកអាចនឹងមានបំណងបង្កើតថ្នាក់សាសនាសម្រាប់មជ្ឈិមវ័យដែលមានអាយុ ៣១ ឆ្នាំឡើងទៅ ។ ថ្នាក់ទាំងនោះពុំស្ថិតនៅក្នុងប្រតិបត្តិការរបស់ ស&វ ឡើយ ហើយក៏មិនត្រូវបានហៅជាថ្នាក់វិទ្យាស្ថានដែរ ។ ទោះជាយ៉ាងណា ឯកសារសម្រាប់កម្មវិធីសិក្សាថ្នាក់វិទ្យាស្ថានអាចត្រូវបានប្រើប្រាស់សម្រាប់ថ្នាក់ទាំងនោះបាន ។
១៥.៣
![]()
រូបភាពរូបតំណាងធនធានដែលអាចជ្រើសរើសបាន
សម្រាប់ព័ត៌មានស្ដីពីសាលាបឋមសិក្សា និងអនុវិទ្យាល័យសាសនាចក្រ BYU–Pathway Worldwide និងស្ថាប័នឧត្តមសិក្សា សូមមើលគេហទំព័រ CES.ChurchofJesusChrist.org ។ ព័ត៌មានអំពីការគាំទ្ររបស់ថ្នាក់ដឹកនាំសាសនាចក្រដើម្បីចូលរៀនសាលាទាំងនេះក៏ត្រូវបានផ្ដល់ជូននៅទីនោះផងដែរ ។